1 Bewura 11:24 - EBƆRƐ BE KAWƆL

²⁴ n ya kaa juŋkpar basa nɛ b maa nu a sa basa na be katuŋ. Rezɔn nɛ mbe basa na daŋ ya chena Damaskɔs nna nɛ b ta mo ŋ ki Siriya be ewura.

1 Bewura 11:24 ပူးပေါင်းရင်းမြစ်များ

Jɛnesis 14:15

Ndoŋ nɛ e ya barga mbe benapo to ntuŋ ntuŋ so nɛ b kɔ bumo doŋana na kena kanyɛso m pɔɔ bumo so cheche nseŋ ju m bɛ bumo so loŋ n ya fo Hobab nɛ k daa wɔ Damaskɔs be kelargato be esoso be kaba so na.

2 Samuɛl 10:18

nɛ Israɛlebi na ju m buu Siriyaebi be benapo na so. Ndoŋ nna nɛ Deevid nɛ mbe basa mɔ Siriyaebi na be egbaŋɛturko be bediipo be basa alfa ashunu nɛ egbaŋɛ diipo malɛ be basa ŋgboŋ adena. B daŋ doro Shobak nɛ e la bumo doŋana be benapo be enimu na nna, hale nɛ e wu kena na to.

2 Samuɛl 10:6

Ammɔnebi na ka pin fanɛ b wora n da ewura Deevid so ga so, nɛ b ya fin Siriya be benapo nɛ bumo be ŋgboŋ adunyɔ shi Bɛtrihɔb nɛ Zoba, nɛ ŋgboŋ kuduanyɔ malɛ shi Tɔb, nɛ kagboŋ malɛ shi Maaka be ewura kutɔ.

2 Samuɛl 10:8

Ammɔnebi na bre daŋ kre kena nna n yili kadegboŋ nɛ baa tre Rabba na be kabunagboŋ nɛ baa bɔla to a luri kumo to na, ama bumo nɛ b ka na, fɔŋfɔŋ Siriyaebi nɛ basa nɛ b shi Tɔb nɛ Maaka na bre daŋ chala nna n ya yili kade na be kowuanɔ.

2 Samuɛl 8:3

Ndoŋ nna nɛ ewura Deevid lar a yɔ Yufreetes be Lɔr na ase nɛ e ya ŋini fanɛ ndoŋ la mo peya nna. E ka bee yɔ na, nɛ e ya tu Zoba be ewura nɛ baa tre Hadadeza nɛ mo tuto la Rehob na ŋ kɔ kena m pɔɔ mo so.

1 Bewura 11:25

Ewura Sɔlɔmɔn be kuwurji be jemanɛ so kikɛ, nɛ Rezɔn nɛ Hadad la Israɛl be efuli so ebi bumo doŋ nna.

1 Bewura 15:18

Ndoŋ nna nɛ ewura Asa shin nɛ b lara gbiti nɛ shuwa kikɛ ashi bɔrɛlambu na to nɛ ewurape n ya sa Ewura Bɛnhadad nɛ e la Siriya be efuli so be ewura ashi Damaskɔs be kadegboŋ to na, nseŋ kaŋɛ mo le:

1 Bewura 19:15

Nɛ Enyɛnpe Ebɔrɛ kaŋɛ mo le, “Bɛta n yɔ kiyi nɛ k mata Damaskɔs be kade to na. Fo kaŋ fo ndoŋ nɛ fo ya fin kanyɛn ko nɛ baa tre Haziɛl na nseŋ chulgi ŋku n wurge mbe kumu so m buu mo Siriya be efuli so be kuwura.

1 Bewura 20:34

Nɛ Bɛnhadad kaŋɛ le: “Meeŋ laŋɛ nde nɛ n tuto kɔ n sɔ fo tuto kutɔ na n sa fo. Saŋɛ na so feeŋ fara a ji yawu ashi Damaskɔs be kade to fanɛ kananɛ n tuto gba daŋ wora ashi Samɛria be kade na.” Nɛ ewura Ahab kaŋɛ le: “Nɛ fo tiŋ n wora loŋ bre kumo ere ma alɛ beeŋ sa fo ekpa nɛ fo baa yɔ.” Ndoŋ nna nɛ b wora kɔnɔkoŋwule be ŋkre nɛ ewura Ahab sa Bɛnhadad ekpa nɛ e yɔ.

2 Bewura 14:28

B sibɛ kusɔ kama nɛ ewura Jeroboam nyɔsopo daŋ wora nɛ ana nɛ e kɔ nɛ kananɛ e naŋ laŋɛ n sɔ Damaskɔs nɛ Hamaf n ti Israɛl be efuli so na kikɛ n wɔtɔ Israɛl be bewura be adrasheŋ be nwɔl to.

2 Bewura 8:7

Jemanɛ na so nɛ Siriya be ewura Bɛnhadad daa lɔ, nɛ Elaisha yɔ Damaskɔs nɛ e ya chɔrɔ mo. B ka kaŋɛ ewura na fanɛ Elaisha ba ndoŋ,

Ashuŋ Shunso 9:2

E daŋ yɔ bɔrɛmatapo nimuso kutɔ nna n ya kule mo nwɔl nɛ a beeŋ tiŋ ŋ ŋini Damaskɔs be nshɛrbu to be Juwebi na esa nɛ e la mo. Loŋ na e beeŋ tiŋ m pɛ ndoŋebi be ekama, benyɛn nɛ beche nɛ baa bɛ Enyɛnpe be ekpa na so, n yɔ Jerusalɛm.