1 Bewura 11:21 - EBƆRƐ BE KAWƆL

²¹ Hadad ka wɔ Ijipt nseŋ nu fanɛ ewura Deevid nɛ Jɔab nɛ e la Israɛl be benapo be enimu na kikɛ wu, nɛ e kaŋɛ Ijipt be ewura na le: “Shin nɛ m bɛta n yɔ ma kade to.”

1 Bewura 11:21 ပူးပေါင်းရင်းမြစ်များ

Jɛnesis 45:24

Ade kikɛ be kaman nɛ e sa mo daana nɛ mo sipo ekpa. B ka bee yɔ nɛ e kaŋɛ bumo: “Men sa maŋ ya kaa bile ekpa to!”

2 Samuɛl 3:21

Kumo be kaman nɛ Abna kaŋɛ Deevid le: “Nɛ fo sa ma akpa, meeŋ shin nɛ Israɛlebi kikɛ e sɔ fo fanɛ bumo be ewura, nɛ fo nya kusɔ nɛ fee sha nsaa ji kuwura kasawule na kikɛ so.” Ndoŋ nna nɛ Deevid ta kɔnɔ lela ŋ kela mo nɛ e yɔ nɛ kayurwushi.

1 Bewura 11:20

Hadad be eche na daŋ kurge ebinyɛn nna nɛ b nase mbe ketre Genubaf. Ewurche na e daŋ bela mo nɛ Ijipt be ewura na be mbia kikɛ laŋ koŋwule to.

1 Bewura 11:22

Ndoŋ nna nɛ Ijipt be ewura na bishi mo le: “Fee sha kusɔ ko nna nɛ m mɔn fo so nɛ fee sha kebɛta n yɔ epe a?” Nɛ Hadad kaŋɛ ewura na le: “M-m, m baa sha nɛ n yɔ nna.” Nseŋ bɛta n yɔ mbe kade to.

1 Bewura 2:10

Deevid ka wu, Jerusalɛm nɛ baa tre Ewura Deevid be kade na, to nɛ b puli mo.

1 Bewura 2:34

Ndoŋ nna nɛ Bɛnaya yɔ Enyɛnpe Ebɔrɛ be wajɛbu na to n ya mɔ Jɔab nɛ b ta mbe kebuni m puli keshishɛrsawule so ashi mbe kade to.

Ɛksodɔs 4:19

Kede be kaman nɛ Enyɛnpe Ebɔrɛ naŋ kaŋɛ Mosis ashi Midian: “Bɛta n yɔ Ijipt be efuli so, ŋkpal manɛ so, basa nɛ b daa fin fo nɛ b mɔ na kikɛ kuraa wu.”

Matiu 2:20

m ba kaŋɛ mo le: “Koso n ta kebia na nɛ mo nio m bɛta n yɔ Israɛl be kasawule so, ŋkpal manɛ so, basa nɛ b daa sha kemɔ mo na wu.”

Joshuwa 2:21

Nɛ Reehab kaŋɛ: “Mm, n shuli. Kanaŋ kama nɛ men baŋ yili kumo, k ba du loŋ.” Ndoŋ nna nɛ e shin nɛ basa na yɔ nɛ e ta efɔl peper n chɛ mbe tokuro.

1 Samuɛl 9:26

nɛ e dese nɛ mo nɛ Samuɛl ber bare. Kare ka chɛ kachipurdidi, nɛ Samuɛl tre Sɔɔl kuchoŋi na so ŋ kaŋɛ mo le: “Koso, nɛ n shuŋi fo akpa.” Nɛ Sɔɔl koso nɛ mo nɛ Samuɛl bɛ abar so n lar.