1 Bewura 11:2 - EBƆRƐ BE KAWƆL

² Kashenteŋ nna fanɛ Enyɛnpe Ebɔrɛ kaŋɛ Israɛlebi na fanɛ b sa maŋ kaŋ ta efuli pɔtɛana so be beche, ŋkpal manɛ so baaŋ shin nɛ b baa bunyaŋ bumo be agbirana, ama ewura Sɔlɔmɔn kini nseŋ wora loŋ.

1 Bewura 11:2 ပူးပေါင်းရင်းမြစ်များ

Jɛnesis 2:24

Amoso nɛ enyɛn baŋ ta eche, a daga fanɛ e yige mo tuto nɛ mo nio nseŋ ya far n chɛ mbe eche nɛ b ki eyur koŋwule.

Jɛnesis 34:3

E ka pur mo na nɛ mbe kagbene kilgi Jeekɔb pibiche Daina na so ga nɛ mbe kasha ba kebichebi na so nɛ e malga mo kutɔ kashaso.

1 Bewura 11:9

Enyɛnpe Israɛl be Ebɔrɛ na daŋ nya agbo nna n wɔtɔ ewura Sɔlɔmɔn ŋkpal e ka daŋ lara mbe kumu ŋ ŋini mo ale anyɔ kikɛ ŋ kaŋɛ mo fanɛ e sa maŋ kaŋ shuŋ efuli pɔtɛana so be agbir kikɛ, nɛ Sɔlɔmɔn kini so so.

2 Kronikɛls 19:2

Nɛ anebi Jehu nɛ e la Hanani pibinyɛn na yɔ mo kutɔ n ya kaŋɛ mo le: “Fee fɛ fanɛ fo ka chɛ ewura Ahab esa lubi nɛ e kishi Enyɛnpe Ebɔrɛ to ere walɛ a? Kusɔ nɛ fo wora ere shin nɛ Enyɛnpe Ebɔrɛ nya agbo n wɔtɔ fo ga.

2 Kronikɛls 21:6

Ŋkpal ewura Jehoram ka ta ewura Ahab pibiche so e daa kɔ kumukpakpaso nna fanɛ ewura Ahab nɛ Israɛl be bewura ko nseŋ wora alubi ŋ gbiti Enyɛnpe Ebɔrɛ,

Ɛzra 9:12

Anebiana na daŋ kaŋɛ anyi fanɛ nɛ anyee sha kenu kasawule na be ebel nseŋ ji kumo ŋ ka n yili anyi be kaman to ebi bre, an sa maŋ ta bumo be beche, ŋko ŋ kil bumo be benyɛn. B yɛ anyi alɛ e sa maŋ kaŋ ji bumo keteri, ŋko n shin nɛ b ji eleŋ anyi so.

Nshɛ 139:21

O Enyɛnpe Ebɔrɛ, ma alɛ gba kishi bekama nɛ b kishi fo nseŋ kini fo, n lar fo kaman na nna.

Ɛksodɔs 23:31

Meeŋ shin nɛ men be ekar e yili teku peper na n ya fo Filistiebi be teku na nseŋ naŋ yili keshishɛrsawule na so n ya fo Yufreetes be lɔr na to. Meeŋ ta nsawule na so ebi m bɔɔ menyi enɔ nɛ men ju bumo ashi to.

Ɛksodɔs 34:12

Ama men baa da so nɛ menyi nɛ kasawule na so be basa e sa maŋ kaŋ wora kɔnɔkoŋwule be ŋkre kikɛ. Ŋkpal manɛ so, nɛ men wora loŋ, k beeŋ ki katiyɛ lubi m pɛ menyi.

Ɛksodɔs 34:16

Men baŋ ta kasawule na so be mbichesobi n sa men be mbinyɛnsobi loŋ be mbichebi nɛ baa bɛ agbir so na beeŋ shin nɛ men be mbinyɛnsobi na gba e shuŋ bumo be agbir na.

Malakai 2:11

Menyi Judaebi na kikɛ maŋ ji kashenteŋ n sa Ebɔrɛ, menyi alɛ nseŋ naŋ wora ekishisheŋ ashi Jerusalɛm nɛ efuli na kikɛ so. Men wora mbushusheŋ a jija bɔrɛlambu nɛ Enyɛnpe Ebɔrɛ bee sha ga na. Men be benyɛn ta beche nɛ baa shuŋ efuli pɔtɛ so be agbir.

Romebi 1:32

B nyi Ebɔrɛ be mbra na ka bee kaŋɛ fanɛ bekama nɛ b wɔ le be kebaawɔtɔ ere to daga luwu, ama b kraŋ pere kenishi nna a wora amo nsaa leŋ basa pɔtɛ gba to a wɔtɔ loŋ be asheŋ na be kewora to.

Romebi 12:9

Men shin nɛ menyi be kasha e baa la kashenteŋ be kasha. Men baa kishi alubisheŋ nsaa far a chɛ alelasheŋ.

1 Kɔrintebi 15:33

Men sa maŋ kaŋ fule men be amu. Beteri lubi e naa jija da lela.

Kelaraŋŋini 2:4

Ama kusɔ lubi nɛ n wu menyi so nde fanɛ men lɛ men be sososo be kasha na.