1 Bewura 11:12 - EBƆRƐ BE KAWƆL

¹² Ama ŋkpal fo tuto ewura Deevid so, m maaŋ wora loŋ saŋɛ so nɛ fo kraa wɔ ŋkpa to ere. Jemanɛ nɛ fo pibi beeŋ ki ewura na nɛ meeŋ wora loŋ.

1 Bewura 11:12 ပူးပေါင်းရင်းမြစ်များ

Jɛnesis 12:2

Meeŋ shin nɛ fo ki kanaŋgboŋwura nsaa kɔ efuligboŋ. Meeŋ nɛfa fo n shin nɛ fo ketre e dii, nɛ fo ki nɛfa n sa basa kikɛ.

Jɛnesis 19:29

Ebɔrɛ malɛ ka daŋ mur ketaŋɛ to be nde na nɛ e nyiŋi Eebraham nseŋ lara Lɔt ashi kemur be tɔrɔ nɛ e daŋ ta n lɛ nde nɛ Lɔt daa wɔ amo be kuko to na to.

1 Bewura 11:11

Amoso le nɛ Enyɛnpe Ebɔrɛ daŋ kaŋɛ ewura Sɔlɔmɔn: “Ŋkpal fo ka kute ŋ kini ma nɛ fo be kɔnɔkoŋwule be ŋkre na nɛ ma mbra na be kebɛso so, meeŋ sɔ kuwurji na fo kutɔ n sa fo benimuana na be eko.

1 Bewura 11:13

Ma alɛ maaŋ sɔ efuli na kikɛ mo kutɔ ŋkpal ma kayɛrbi ewura Deevid nɛ Jerusalɛm nɛ k la ma kade na so. Meeŋ yige efuli na be kaba ko n sa mo.”

1 Bewura 11:31

nseŋ kaŋɛ Jeroboam le: “Ta achɛbi ere be kudu nɛ a baa la feya, ŋkpal manɛ so Enyɛnpe Israɛl be Ebɔrɛ na e naa kaŋɛ fo le: ‘Meeŋ sɔ kuwurji na ashi ewura Sɔlɔmɔn kutɔ nseŋ shin nɛ fo baa ji eyiri kudu so kuwura.

1 Bewura 11:32

Ama ŋ kraa beeŋ shin nɛ Sɔlɔmɔn e baa ji efuli na be kaba ko so nɛ Jerusalɛm nɛ k la ma kade laraso ashi Israɛl be efuli so na so kuwura ŋkpal e ka la ma kayɛrbi ewura Deevid pibinyɛn na so.

1 Bewura 11:34

Ama maaŋ sɔ efuli na kikɛ mo kutɔ. Ŋ kraa beeŋ shin nɛ e baa ji kuwura n ya fo saŋɛ nɛ e beeŋ wu, ŋkpal ma kayɛrbi ewura Deevid nɛ ŋ gbagba lara nɛ e bɛ ma mbra nɛ ma keŋini so na so.

1 Bewura 11:35

Ewura Sɔlɔmɔn bre pibinyɛn be enɔ to nɛ meeŋ sɔ kuwurji na nseŋ ta eyiri kudu na n sa fo,

1 Bewura 21:29

“Fo gbagba ere wu kananɛ Ahab bar mbe kumu kaseto n sa ma nna na, amoso, m maaŋ shin nɛ jɛrbi e tu mo ama mo pibi be jemanɛ so nɛ meeŋ shin nɛ jɛrbi e ba mbe kanaŋ kikɛ so.”

2 Bewura 19:34

Meeŋ kuŋ kadegboŋ ere ŋkpal ŋ gbagba be kemaŋkura nɛ kɔnɔ naseso nɛ n nase n sa ma kayɛrbi Deevid na so.’ ”

2 Bewura 20:17

jemanɛ ko bee ba nɛ asɔ kama nɛ a wɔ ewurkpa nɛ fo nananyɛnana fin n yili hale m ba fo kabre na kikɛ, baaŋ ba sulɔ amo kikɛ n yɔ Babilɔn be efuli so nɛ shɛŋ shɛŋ maaŋ naŋ ka a wɔ nfe!

2 Bewura 20:19

Ewura Hɛzekaya bre daŋ fɛ nna fanɛ mo ere be jemanɛ to kayurwushi beeŋ baa wɔ efuli na so, amoso le nɛ e kaŋɛ: “Kubɔya nɛ fo ta n shi Enyɛnpe Ebɔrɛ kutɔ m ba sa ma ere walɛ.”

2 Bewura 8:19

Ama Enyɛnpe Ebɔrɛ na daa maa sha fanɛ e mur Juda ŋkpal e ka nase kɔnɔ n sa ewura Deevid dra dra fanɛ mbe kaman to ebi e naŋ baa ji Juda be kuwura saŋkikɛ so.

Ɛksodɔs 20:5

nsaa jɔŋɛ amo ase ŋko a shuŋ amo, ŋkpal manɛ so, ma e la Enyɛnpe Ebɔrɛ men be Ebɔrɛ na. Ma alɛ maa sha kechamana. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.