1 Bewura 10:4 - EBƆRƐ BE KAWƆL

⁴ Shɛba be ewurche na daŋ nu ewura Sɔlɔmɔn be kanyiasheŋ be mmalga nseŋ wu mbe laŋ gboŋ nɛ e pɔr na gba.

1 Bewura 10:4 ပူးပေါင်းရင်းမြစ်များ

1 Bewura 10:3

Ewura Sɔlɔmɔn daŋ sa mmalga nɛ e bishi mo na kikɛ be atuwebi nna. Asheŋ bishiso na be kekama be ketuwebi daa maŋ du ewura Sɔlɔmɔn so kpakpa.

1 Bewura 10:5

E ka wu ajibi nɛ b chige n yili ewura Sɔlɔmɔn be teebɔl so na, nɛ ebuana nɛ mbe benimuana wɔtɔ na, nɛ kananɛ ewura be laŋ na to be beshumpo be asheŋ bee bɛ abar so nɛnɛ na, nɛ epiŋi nɛ nyɛrbi nɛ baa chige ajibi bee buu na, nɛ k chinchiŋ mo alegaiso.

1 Bewura 3:28

Israɛl be basa ka nu kananɛ Ewura Sɔlɔmɔn ji asheŋ na nɛ b ta bunyaŋ gboŋgboŋi n sa mo ŋkpal b ka pin fanɛ Ebɔrɛ e sa mo loŋ be kanyiasheŋ nɛ e tiŋ n ji le be asheŋ kpakpaso ere nɛnɛ so.

Kaŋinichiŋgeliŋ 12:9

Ama ŋkpal eŋinipo na ka la enyiashempo so, e kraa ŋini basa asɔ nɛ mo ere nyi nna. E koya aŋasa nna nseŋ mige amo to nɛnɛ m pin amo be kashenteŋ kikɛ.

Matiu 12:42

Demujiachɛ na Bɔrɛfito be Ewurche beeŋ yili n ji m bri mbreebi, ŋkpal manɛ so, e yili kaboŋ wɔfɔ durnya ere to n nite n ya nu Ewura Sɔlɔmɔn be kashennyi be kesheŋ ŋini, ama ma e kaŋɛ menyi na fanɛ esa ko wɔ nfe a chɔ Ewura Sɔlɔmɔn.”

Matiu 6:29

ŋkeshin nɛ men baa nyi fanɛ Ewura Sɔlɔmɔn gba e daa kɔ kemaŋkura nɛ asɔ ga ere daa maa kɔ asɔbuuso nɛ a walɛ n fo atoto ere so.

Luuk 12:27

Men keni kananɛ afitiri be atoto bee daŋ a walɛ loŋ, ama amo alɛ maa shuŋ shɛŋ ŋko a lue amo gbagba be asɔbuuso, ŋkeshin nɛ men baa nyi fanɛ Ewura Sɔlɔmɔn e daa kɔ kemaŋkura nɛ asɔ ga ere gba daa maa kɔ asɔbuuso nɛ a walɛ n fo atoto ere so.