1 Bewura 10:3 - EBƆRƐ BE KAWƆL

³ Ewura Sɔlɔmɔn daŋ sa mmalga nɛ e bishi mo na kikɛ be atuwebi nna. Asheŋ bishiso na be kekama be ketuwebi daa maŋ du ewura Sɔlɔmɔn so kpakpa.

1 Bewura 10:3 ပူးပေါင်းရင်းမြစ်များ

2 Samuɛl 14:17

Naniere bre ma kagbene dese ŋkpal fo ka pin alubi nɛ alela be mbarga nseŋ nase ma kɔnɔ lela so. Ma kabɔrɛkule e la fanɛ Enyɛnpe fo Ebɔrɛ na e baa wɔ fo kaman.”

2 Samuɛl 14:20

Ama e wora loŋ nna nɛ e lɔŋɛ asheŋ ere kikɛ. Yiramu, fo nyi asheŋ nna fanɛ Ebɔrɛ be kabɔ. Fo nyi kusɔ kama malɛ nɛ k bee wora kikɛ.”

1 Bewura 10:1

Shɛba be efuli so be ewurche ka nu kananɛ ewura Sɔlɔmɔn be ketre dii ga na, nɛ e yɔ Jerusalɛm nɛ e ya wora mo ŋ keni.

1 Bewura 10:2

E daŋ keta mbe benimu damta ko nna nseŋ kre asɔ nɛ a kɔ efɛa belbelso nɛ yawu kpakpaso be abitasɔ nɛ shuwa damta ko n deŋi enyɔma so n yɔ. E ka ya fo nɛ mo nɛ ewura Sɔlɔmɔn malga asheŋ nɛ a wɔ mbe nfɛra to kikɛ.

1 Bewura 10:4

Shɛba be ewurche na daŋ nu ewura Sɔlɔmɔn be kanyiasheŋ be mmalga nseŋ wu mbe laŋ gboŋ nɛ e pɔr na gba.

1 Bewura 3:12

Meeŋ sa fo kusɔ nɛ fo kule na. Meeŋ sa fo kanyiasheŋ nɛ nfɛra a chɔ basa kama nɛ b juŋkpar fo m ba durnya ere to nɛ bumo nɛ baaŋ ba kumo to fo kaman kikɛ.

2 Kronikɛls 9:2

Ewura Sɔlɔmɔn daŋ sa mmalga na kikɛ be atuwebi nna. Asheŋ bishiso na be kekama daa maŋ du mo so kpakpa.

Aŋasa 13:20

Esa kama nɛ e bee tu benyiashempo a nite bee ki enyiashempo nna, ama esa nɛ mo nɛ bewulpo bee wora asheŋ bre bee luri tɔrɔ to nna.

Aizaaya 42:16

Meeŋ juŋkpar etanpo m bɔla ekpaana nɛ b maŋ naŋ bɔla so ŋ ku so so. Meeŋ shin nɛ bumo be tentembiri e ki kefulto nseŋ shin nɛ ekpa lubi nɛ baa nite so e nyalɛ n sa bumo. Ma nnɔ naseso nna na, ma alɛ beeŋ wora m bɔlɔ amo kikɛ so nyam.

Matiu 13:11

Nɛ Yesu kaŋɛ bumo le: “Ebɔrɛ bugi mbe kuwura na to be kesheŋ ŋini be ewulo nna n sa menyi, ama e maŋ wora loŋ n sa basa pɔtɛ bre.

Baru lela nɛ Jɔn kute na 7:17

Esa kama nɛ e bee sha kewora Ebɔrɛ be aparsheŋ beeŋ pin fanɛ asɔ nɛ mee ŋini ere shi Ebɔrɛ kutɔ nna ŋko ŋ gbagba be eleŋ nɛ ŋ kɔ a ŋini amo.

1 Kɔrintebi 1:30

Mo nawule e shin nɛ menyi nɛ Kristo Yesu ba ki kukoŋwule, mo alɛ e shin nɛ Kristo shin nɛ an pin kanyiasheŋ gbagba. Kristo na malɛ gba so e shin nɛ Ebɔrɛ bee ta anyi fanɛ basa niŋiso nɛ basa cheembi, basa nɛ b fɔr so n nyalɛ so nɛ b nya kumɔlga.

Kɔlɔsiebi 2:3

Wulo na e la fanɛ Ebɔrɛ lara Yesu Kristo nɛ mo nawule shin nɛ an nya kanyiasheŋ kashenteŋto nseŋ shin nɛ an pin kashenteŋ na kikɛ.