1 Bewura 10:26 - EBƆRƐ BE KAWƆL

²⁶ Mbe egbaŋɛturko nɛ egbaŋɛ daŋ baa wora keshi nna hale m ba fo egbaŋɛturko kagboŋ nɛ alfa ana nɛ egbaŋɛ malɛ ŋgboŋ kuduanyɔ. E daŋ yige beko Jerusalɛm nna nseŋ yige beko malɛ ndegboŋ na be ako to.

1 Bewura 10:26 ပူးပေါင်းရင်းမြစ်များ

1 Bewura 4:26

Ewura Sɔlɔmɔn be egbaŋɛ nɛ baa gberge egbaŋɛturko na daa wɔ aluu ŋgboŋ adena nɛ mbe egbaŋɛ nɛ baa dii a kɔ kena malɛ daa wɔ ŋgboŋ kuduanyɔ.

1 Bewura 5:6

Amoso chɛ ma to nseŋ shuŋi fo basa nɛ b yɔ Lebanɔn n ya ku ndoŋ be ndibi gboŋgboŋi nɛ baa tre sida na m bar ma. Bumo nɛ ma basa beeŋ baa shuŋ nɛ ŋ ka fo basa na kanaŋkama nɛ feeŋ sɔ ma, ŋkpal manɛ so ma basa maŋ nyi ndibi be kushuŋ fanɛ fo basa.”

1 Bewura 9:19

nseŋ pɔr nde nɛ e bee ta mbe ajibi nɛ egbaŋɛturko nɛ egbaŋɛ a yili to na. Ewura Sɔlɔmɔn daŋ shin nna nɛ mbe beshumpo pɔr asɔ nɛ e bee sha n yili Jerusalɛm nɛ Lebanɔn nɛ mbe efuli so be kaplɛkama.

2 Kronikɛls 9:25

Ewura Sɔlɔmɔn daa kɔ egbaŋɛturko nɛ egbaŋɛ be eyilikpa ŋgboŋ ana nna, nsaa kɔ egbaŋɛ nawule malɛ ŋgboŋ kuduanyɔ. E daŋ shin nna nɛ amo be ako wɔ Jerusalɛm nɛ ako malɛ wɔ mbe nde pɔtɛana to.

Aizaaya 2:7

Bumo be kasawule so kɔ shuwa nɛ gbiti ga, nɛ bumo alɛ daa kɔ asɔ lela ga bumo be ekpanjawu to. Egbaŋɛ daa shi kasawule na so ga nɛ esa maŋ tiŋ ŋ karga amo. Bumo be egbaŋɛturko malɛ gba daa maa kɔ kɔnɔ.

Ditɛronɔmi 17:16

Esa nɛ e beeŋ ki ewura na maŋ daga fanɛ e baa kɔ egbaŋɛ damta, fɔŋfɔŋ egbaŋɛ nɛ a shi Ijipt be efuli so. Ŋkpal manɛ so, Enyɛnpe Ebɔrɛ na tiŋ ŋ kaŋɛ fanɛ mbe basa maŋ daga kenaŋ bɛta n yɔ Ijipt be efuli so kikɛ.