1 Bewura 10:25 - EBƆRƐ BE KAWƆL

²⁵ Bewura kama nɛ b ba mo kutɔ daa bar mo kakɛ nna. Beko daa bar mo gbiti nɛ shuwa nɛ epiŋi tenteŋ nɛ adoŋsɔ nɛ asɔ nɛ a kɔ efɛa belbelso nɛ egbaŋɛ nɛ ekurma nna. Loŋ nɛ bekama nɛ baa ba mo kutɔ kafɛ kafɛ kikɛ na daa wora.

1 Bewura 10:25 ပူးပေါင်းရင်းမြစ်များ

Jɛnesis 36:24

Zibiɔn malɛ be mbia e daa la Aya nɛ Ana. Le be Ana ere e daŋ fara n wu kabombi tushiso na ashi kiyi to saŋɛ nɛ e daa kpa mo tuto Zibiɔn be ekurma na.

2 Samuɛl 8:10

nɛ e shuŋi mo pibinyɛn Joram fanɛ e ya chɔrɔ ewura Deevid nseŋ sa mo ansaŋ nɛ kushuŋ, ŋkpal e ka kɔ m pɔɔ ewura Hadadeza, nɛ ewura Toi kɔ mo kena alɛ damta a maŋ tiŋ m pɔɔ mo so na so. Joram daŋ ta shuwa nɛ gbiti nɛ danyaŋ be abɛlso nna m ba sa Deevid.

2 Samuɛl 8:2

Deevid gba daŋ kɔ m pɔɔ Mowabebi na so nna nseŋ daŋ shin nɛ bumo be benapo na dese kasawule nɛ e mɔ bumo be basa asa to kikɛ be benyɔ. Mowabebi na daa shuŋ mo nna nsaa ka lampo a sa mo.

1 Bewura 1:33

nɛ e kaŋɛ bumo le: “Men keta ma benimuana ere be beko n ya shin nɛ m pibi Sɔlɔmɔn e dii ŋ gbagba be kurma n chena so nɛ men bɛ mo so ŋ keta mo n yɔ kebuye nɛ baa tre Gihɔn na ase,

1 Bewura 10:10

Ewurche na daŋ ta shuwa kilo ŋgboŋ ana nɛ yawu kpakpaso be abitasɔ damta nɛ asɔ nɛ a kɔ efɛa belbelso nɛ amo be efɛa maŋ kɔ sara nna m ba sa ewura Sɔlɔmɔn. Yawu kpakpaso be asɔ nɛ a kɔ efɛa belbelso kikɛ daa maŋ walɛ fanɛ amo nɛ Shɛba be ewurche na ta m ba sa ewura Sɔlɔmɔn na.

1 Bewura 18:5

Obadaya ka ba nɛ ewura Ahab kaŋɛ mo le: “Shin nɛ an yɔ efuli ere be abuye nɛ kumo be ataŋɛ kikɛ to n ya keni anyeeŋ nya afitiri ndoŋ nɛnɛ nɛ anyi be egbaŋɛ nɛ ekurma e baa ji a? Saŋɛ na so an maaŋ mɔ amo be kekama ŋkpal akoŋ so.”

1 Bewura 5:1

Ewura Deevid mo teri kpakpaso e daa la Hiram nɛ e la Tayɛ be kade be ewura na, amoso e ka nu fanɛ Sɔlɔmɔn e sɔ mo tuto so n ji kuwura, nɛ e shuŋi mbe benimu fanɛ b ya chɔrɔ mo.

2 Bewura 17:4

Kafɛ ko nɛ ewura Hoshiya shuŋi mbɔ Ijipt be efuli so be ewura nɛ baa tre Soo na kutɔ a fin fanɛ e chɛ mo to nɛ e sa maŋ naa ka kafɛ kafɛ kikɛ be lampo na a sa Asiriya be ewura na. Ewurgboŋ Shalmaneesa ka nu loŋ na, nɛ e shin nɛ b pɛ Hoshiya n ti ebu.

2 Kronikɛls 26:8

Ammɔnebi na daa ka lampo nna a sa ewura Uziya ŋkpal loŋ so e daŋ ji eleŋ ga nna nɛ mbe ketre daŋ dii hale nɛ Ijipt be kasawule so ebi nu mbe asheŋ.

2 Kronikɛls 9:24

Bewura nɛ baa ba mo kutɔ na be ekama daa bar mo kakɛ nna. Beko daa bar mo gbiti nɛ shuwa nɛ epiŋi tenteŋ nɛ akɔsɔ nɛ asɔ nɛ a kɔ efɛa belbelso nɛ egbaŋɛ nɛ ekurma. Loŋ nɛ bekama nɛ baa ba mo kutɔ kafɛ kafɛ kikɛ na daa wora.

Ɛzra 2:66

Bumo be egbaŋɛ daa la alfa ashunu nɛ adesa nɛ ashe nɛ asɔbɔya nɛ kurma nɛ gbaŋɛ gama ŋ kurge na malɛ daa la alfa anyɔ nɛ adena nɛ anu.

Ɛsta 8:10

Ewura Sɛgsis be ketre to nɛ Mɔdikaya daŋ shin nɛ b sibɛ nwɔl na kikɛ nseŋ ta ewura na be kepinibi nɛ b kɔ a dulgi nwɔl na n dulgi amo kikɛ. Kumo be kaman nɛ b ta amo n sa ewura be egbaŋɛ nɛ baa shile ga na be bediipo fanɛ b chige.

Ɛsta 8:14

Ndoŋ nna nɛ ewura sa ekpa nɛ egbaŋɛdiipoana na ta ewurkpa be egbaŋɛ na n lar n shile eleŋso n ya chige nwɔl na efuli na kikɛ so. Nɛ mbra na sɔ Susa gba be kade to kikɛ.

Job be kawɔl 42:11

Kumo be kaman nɛ Job wora kejigboŋ n sa mo niopibiana kikɛ nɛ mo teri draana kikɛ ashi mbe laŋ to. B daŋ ba wushi mo kagbene nseŋ lolo mo nna a laŋɛ etɔrɔ nɛ Enyɛnpe Ebɔrɛ na daŋ sa ekpa nɛ a ba mo so na kikɛ be kaplɛa so nna. Bumo be ekama daŋ sa mo amansherbi nɛ shuwa be kepinibi nna.

Nshɛ 68:29

Nɛ bewura e ta ŋkɛ m ba fo bɔrɛlambu to ashi Jerusalɛm.

Nshɛ 72:10

Speen be efuli so nɛ mplasawule so be bewuraana beeŋ bar bumo be ŋkɛ m ba sa mo; nɛ Areebia nɛ Itiopia be bewuraana gba e bar bumo be ŋkɛ m ba sa mo.

Nshɛ 72:15

Shin nɛ ewura na be ŋkpa e teŋi so! N shin nɛ e nya Areebia be kasawule so be shuwa. Shin nɛ basa e baa kule Ebɔrɛ a sa mo jemanɛ kikɛ nsaa nɛfa mo karechɛ kama.

Aizaaya 36:16

Men sa maŋ nu n sa ewura Hɛzekaya! Men nu n sa ma ewurgboŋ na. Menyi alɛ e ta menyi be amu n sa mo. E beeŋ shin nɛ men baa kraa kɔ menyi be waindibi be adɔana nɛ efigi be ndibi be asɔrso a ji nsaa nu menyi be atirbu to be nchu

Aizaaya 66:20

Bumo alɛ beeŋ bɛta men kurgepoana ashi efuliana na so fanɛ kakɛ m ba sa Enyɛnpe Ebɔrɛ na. Egbaŋɛ nɛ egbaŋɛturko nɛ ekurma nɛ enyɔma nɛ baaŋ dii m ba ma kebee cheembi so ashi Jerusalɛm to fanɛ kananɛ Israɛlebi bee ta bumo be ayu be esarga ekpa nɛ k daga so ashi ma bɔrɛlambu to na.

Ezikɛl 27:14

Fo alɛ daŋ fa fo asɔ n sa Bɛf Togaama be efuli so ebi n sɔ egbaŋɛshuŋso nɛ egbaŋɛ nɛ baa ta a yɔ kena to nɛ ekurma.

Matiu 2:11

B ka luri laŋ na to n wu kebia na nɛ mo nio Mɛɛri nɛ b gbir m bunyaŋ kebia na. Kumo be kaman nɛ b bugi bumo be asɔ to n lara shuwa nɛ asɔ ko nɛ baa tre fraŋkinsensi nɛ mir ŋ kɛ kebia na.

Demujipoana 3:15

Ndoŋ nna nɛ Israɛlebi na naŋ shu n tre Enyɛnpe Ebɔrɛ na nɛ e naŋ sa bumo emɔlgapo nɛ baa tre mo Ehud, nɛ e la enapo nsaa la kanyɛn nɛ baa tre Gɛra, nɛ e shi Bɛnjamin be yiri to na pibinyɛn. Israɛlebi daŋ ta bumo be lampo nna n shuŋi Ehud fanɛ e ta n ya sa ewura Ɛglɔn nɛ e la Mowab be efuli so be ewura na.

1 Samuɛl 10:27

Ama basa nɛ baa ku asheŋ na bre daŋ kaŋɛ le nna: “Nuso nɛ Sɔɔl malɛ beeŋ tiŋ m mɔlga anyi ashi anyi doŋana kutɔ?” B daa maa sha Sɔɔl ka ki bumo be ewura, ŋkpal loŋ so b daa maŋ bar mo kakɛ kikɛ. Ama Sɔɔl malɛ daa maŋ kaŋɛ shɛŋ.