1 Bewura 10:22 - EBƆRƐ BE KAWƆL

²² Ewura Sɔlɔmɔn daa kɔ nchu so be ekuloŋgboŋ damta nna, nɛ amo nɛ ewura Hiram be nchu so be ekuloŋgboŋ bee nite nchu so. Nfɛ asa kikɛ mbe nchu so be ekuloŋgboŋ na daa sulɔ shuwa nɛ gbiti nɛ asɔlnyii nɛ enyare nɛ efɛate nna a ba.

1 Bewura 10:22 ပူးပေါင်းရင်းမြစ်များ

Jɛnesis 10:4

Javan malɛ be bibinyɛn e daa la Elaisha nɛ Taashish nɛ Kitebi nɛ Rodanebi.

1 Bewura 10:18

Kusɔlnyi nɛ b daŋ ta n lɔŋɛ mbe echenakpa nseŋ ta shuwa lela malɛ m mata mata kumo so.

1 Bewura 10:21

Shuwa lela nɛ b daŋ ta n lɔŋɛ ewura Sɔlɔmɔn be asɔ nuunchu nɛ laŋ to be asɔjito nɛ a wɔ mbe laŋ to be ebugboŋ nɛ baa tre Lebanɔn be kupo na to. Ewura Sɔlɔmɔn be jemanɛ so, b daa maa keni gbiti a bɔlɔ kenishi ŋkpal shuwa ka daŋ chase kaplɛkama so.

1 Bewura 22:48

Ewura Jehoshafat daŋ shin nna nɛ b lɔŋɛ nchu so be ekuloŋgboŋana, nɛ b ba ta a yɔ Ɔfir be kasawule so n ya kaa tɔ shuwa, ama a daŋ mur ashi Eziɔngɛba nna. A daŋ maŋ tiŋ n nite nchu so kikɛ.

1 Bewura 22:49

Ndoŋ nna nɛ ewura Ahab pibinyɛn Ahaziya nɛ e la Israɛl be ewura na kaŋɛ ewura Jehoshafat fanɛ e shin nɛ bumo be nchu so be beshumpo e baa cha abar to a shuŋ nɛ Jehoshafat kini.

1 Bewura 9:26

Kumo be kaman nɛ ewura Sɔlɔmɔn yɔ Eziɔngɛba nɛ Elaf nɛ a wɔ teku peper na be kɔnɔ ase na n yaa wora ekuloŋgboŋana.

2 Kronikɛls 9:21

Ewura Sɔlɔmɔn daa kɔ nchu so be ekuloŋgboŋ damta nɛ amo nɛ ewura Hiram be nchu so be ekuloŋgboŋ bee nite nchu so. Nfɛ asa kikɛ mbe nchu so be ekuloŋgboŋ na daa sulɔ shuwa nɛ gbiti nɛ asɔlnyii nɛ enyare nɛ efɛate nna a bɛta a ba.

Job be kawɔl 39:13

Nyiŋgbeŋ bee ber atɛ to manaŋ manaŋ ga, ama kumo alɛ maaŋ tiŋ n firgi n fo tɔkɔrkɔ so.

Nshɛ 48:7

Ŋko fanɛ afugboŋ ka koso teku so a kpata nchu so be kuloŋgboŋ a yɔ a ba na.

Nshɛ 72:10

Speen be efuli so nɛ mplasawule so be bewuraana beeŋ bar bumo be ŋkɛ m ba sa mo; nɛ Areebia nɛ Itiopia be bewuraana gba e bar bumo be ŋkɛ m ba sa mo.

Aizaaya 2:16

Teku so be ekuloŋgboŋ lela kikɛ beeŋ mur nchu to.

Aizaaya 23:1

Kubɔya nɛ k wɔtɔ a laŋɛ kadegboŋ nɛ baa tre Tayɛ na be kaplɛa so nde. Menyi nɛ menyee ta ekuloŋgboŋ a shuŋ nchu so e boŋ to awɔrso n shu ga! Ŋkpal manɛ so, kade nɛ menyee kaa ta menyi be ekuloŋ a gbuŋ kumo to nɛ baa tre Tayɛ na mur. Kumo to be nwu nɛ ekulonyilikpa kikɛ mur kuraa. Jemanɛ nɛ menyi be ekuloŋgboŋ shi kepla nɛ baa tre Saipres a ba na nɛ men nu ebaru na be asheŋ.

Aizaaya 23:10

Tayɛebi, men ya kaa dɔ menyi be kasawule na so fanɛ kananɛ Ijiptebi bee dɔ Nail be lɔrgboŋ na be ekarso na, ŋkpal manɛ so, menyi maŋ naa kɔ kakpa nɛ men baa yili menyi be ekuloŋgboŋana.

Aizaaya 23:6

Menyi nɛ men wɔ efuli nɛ baa tre Fenisha na e boŋ to awɔrso n shu ga nseŋ wora ania n shile n yɔ efuli nɛ baa tre Speen na!

Aizaaya 60:9

Teku so be ekuloŋgboŋ nɛ e shi aplasawule wɔfɔ wɔfɔ so nna. Ebɔrɛ be basa nɛ e sulɔ a ba epe. Bumo alɛ keta bumo be shuwa nɛ gbiti nna a ba. Enyɛnpe Israɛl be Ebɔrɛ cheembi na e shin nɛ loŋ wora nɛ mbe basa e nya kemaŋkura. Saŋɛ na so baaŋ baa shuŋ mo nsaa bunyaŋ mo.

Aizaaya 66:19

nseŋ pin fanɛ ma e naa gberge bumo kusoe. Ama meeŋ yige bumo be beko nseŋ yɛr bumo efuli pɔtɛana fanɛ Speen nɛ Libiya nɛ Tubal nɛ Griis nɛ nsawule nɛ a wɔ kufɔ kufɔ nɛ b maŋ naŋ nu ma asheŋ ŋko n wu ma keshi nɛ eleŋgboŋ na so. Baaŋ ya bɔ ma kemaŋkura nɛ keshi be kubɔya n sa ndoŋebi.

Ezikɛl 27:12

Fo nɛ Speen be efuli so be basa daŋ ji yawu nna nɛ b ta gbiti nɛ abɛlso nɛ anyembi nɛ epal kikɛ ŋ ka fo asɔ damtaana be kukɔ.

Ezikɛl 27:15

Roodis be efuli so be basa gba daŋ tu fo n ji yawu nɛ basa nɛ b chena teku be ekarso be efuli damtaana ta ejebotenyi nɛ ndibi lembir lela ga n chɛr fo asɔ.

Eemɔs 3:15

Meeŋ bure bumo be elaŋ nɛ baa dese to kebleŋ to nɛ amo nɛ baa dese to awo to na kikɛ. Bumo be elaŋana nɛ b ta asɔlnyii n ji kebita nɛ bumo be elaŋgboŋ kikɛ beeŋ bure. Ma Enyɛnpe Ebɔrɛ na e malga na.”

Jona 1:3

Nɛ Jona kini nseŋ shile Enyɛnpe Ebɔrɛ na. E daŋ yɔ kade ko nɛ baa tre Jɔpa nna n ya luri nchu so be kuloŋgboŋ ko nɛ k bee yɔ kadegboŋ ko nɛ baa tre Tashish ashi Speen be efuli so na to.