1 Bewura 10:21 - EBƆRƐ BE KAWƆL

²¹ Shuwa lela nɛ b daŋ ta n lɔŋɛ ewura Sɔlɔmɔn be asɔ nuunchu nɛ laŋ to be asɔjito nɛ a wɔ mbe laŋ to be ebugboŋ nɛ baa tre Lebanɔn be kupo na to. Ewura Sɔlɔmɔn be jemanɛ so, b daa maa keni gbiti a bɔlɔ kenishi ŋkpal shuwa ka daŋ chase kaplɛkama so.

1 Bewura 10:21 ပူးပေါင်းရင်းမြစ်များ

1 Bewura 10:17

E daŋ wora asɔkuŋso wurbi alfa asa nɛ b bɛa shuwa nɛ amo be egbɛ sa fanɛ kilo anyɔ m mata amo alɛ gba be kekama so. E daŋ shin nna nɛ b ta asɔkuŋso na kikɛ n yili ewura be laŋ to be ebugboŋ nɛ baa tre Lebanɔn be kupo na to.

1 Bewura 10:22

Ewura Sɔlɔmɔn daa kɔ nchu so be ekuloŋgboŋ damta nna, nɛ amo nɛ ewura Hiram be nchu so be ekuloŋgboŋ bee nite nchu so. Nfɛ asa kikɛ mbe nchu so be ekuloŋgboŋ na daa sulɔ shuwa nɛ gbiti nɛ asɔlnyii nɛ enyare nɛ efɛate nna a ba.

1 Bewura 7:2

Laŋ na to be lambugboŋ nɛ b daa tre Lebanɔn be Kupo na be nteŋ daa la ayadra kalfa nɛ adunu nna nɛ kumo be mpar malɛ daa la ayadra adushunu nɛ anu nɛ kumo be jeŋgreŋ malɛ la ayadra adena nɛ anu. Sida be eshabɔrɛ be egbaŋ ana nɛ amo be kekama kɔ eshabɔrɛ kuduanu nɛ b ta elarbeŋ adena nɛ anu n deŋi amo so nɛ b daŋ yɔɔri kowu na kikɛ n deŋi so.

Ɛsta 1:7

Shuwa be asɔnuunchu nɛ amo kikɛ kɔr abar to nɛ b daa kɔ a chige nsa a sa basa nɛ b yɔ kejigboŋ na to na. Ewura na daŋ bugi kagbene nna n wora asheŋ.

Job be kawɔl 28:1

Mboŋ nɛ baa kur kasawule a lara shuwa nɛ gbiti wɔtɔ nna, nɛ kakpa nɛ baa ŋalga amo to a lɔŋɛ amo so malɛ gba wɔtɔ.

Zakareya 9:3

Tayɛ be basa pɔr ebu lempo jeŋgreŋ ko a kuŋ bumo be amu nna nseŋ gbare shuwa nɛ gbiti m biti abar so fanɛ eshishɛr na!

Ditɛronɔmi 17:17

Ewura na maŋ daga fanɛ e baa kɔ beche damta, ŋkpal manɛ so, loŋ beeŋ shin nɛ e lar Enyɛnpe Ebɔrɛ na kaman. Mo alɛ maŋ daga fanɛ e gbare shuwa nɛ gbiti n sa mbe kumu nseŋ dii kedama ga.