1 Bewura 10:13 - EBƆRƐ BE KAWƆL

¹³ Ewura Sɔlɔmɔn daŋ sa Shɛba be ewurche na kakɛ nɛ baa sa befɔ na nna nseŋ naŋ sa mo kusɔ kama nɛ e bee sha n ti so. Asɔ nɛ ewura Sɔlɔmɔn daŋ sa mo na daa chɔ kakɛ nɛ ewurche na bar mo na. Ndoŋ nna nɛ ewurche na nɛ mbe basa bɛta n yɔ Shɛba.

1 Bewura 10:13 ပူးပေါင်းရင်းမြစ်များ

1 Bewura 10:12

Ewura Sɔlɔmɔn daŋ ta ndibi na nna n lɔŋɛ bɔrɛlambu na nɛ ewura be laŋ be asɔ nɛ baa bɔla so a dii a luri amo to na, nseŋ ta amo be ako n lɔŋɛ ejaŋjilaŋ nɛ ejirgo n sa beshɛbompoana. Amo e daa la junipa be ndibi lela nɛ b daŋ shi efuli so m bar Israɛl be efuli so. B maŋ naŋ bar loŋ be ndibi Israɛl be efuli so kikɛ hale kabre.

1 Bewura 10:14

Kafɛ kikɛ ewura Sɔlɔmɔn daa nya shuwa kilo ŋgboŋ adunyɔ nɛ asa nna ashi lampo nɛ e bee sɔ to.

1 Bewura 10:2

E daŋ keta mbe benimu damta ko nna nseŋ kre asɔ nɛ a kɔ efɛa belbelso nɛ yawu kpakpaso be abitasɔ nɛ shuwa damta ko n deŋi enyɔma so n yɔ. E ka ya fo nɛ mo nɛ ewura Sɔlɔmɔn malga asheŋ nɛ a wɔ mbe nfɛra to kikɛ.

1 Bewura 9:1

Ewura Sɔlɔmɔn ka pɔr bɔrɛlambu na nɛ ewura be laŋ na nɛ kusɔ kama nɛ e bee sha na n loge,

2 Kronikɛls 9:12

Ewura Sɔlɔmɔn daŋ ta ndibi na nna n lɔŋɛ bɔrɛlambu na nɛ ewura be laŋ be asɔ nɛ baa bɔla so a dii a luri amo to na nseŋ ta amo be ako n lɔŋɛ ejaŋjilaŋ nɛ ejirgo n sa beshɛbompoana. Loŋ be asheŋ maŋ naŋ wora ashi Juda be kasawule so kikɛ.

Nshɛ 20:4

E shin nɛ fo nya fo kagbene be aparsheŋ kikɛ; nseŋ shin nɛ fo ŋkre kikɛ bɔlɔ so.

Nshɛ 37:4

Shin nɛ fo kagbene e baa fuli fo ga; ŋkpal fo ka bee wora Enyɛnpe Ebɔrɛ na be aparsheŋ so. Mo alɛ beeŋ baa wora kusɔ nɛ fee sha a sa fo.

Matiu 15:28

Ŋkpal e ka kaŋɛ loŋ na so nɛ Yesu kaŋɛ mo: “Fo la eche nɛ fo kɔ yirda nna paa. Feeŋ nya kusɔ nɛ fee sha ere.” Epul na to nɛ kache na pibi na nya alenfia.

Ɛfesesebi 3:20

Kemaŋkura e baa wɔ Ebɔrɛ nɛ mbe eleŋ wɔ anyi to a tiŋ a wora asheŋ ga a chɔ kananɛ anyeeŋ tiŋ m pin ŋ kule mo ŋko n tiŋ n fɛ amo be nfɛra gba na so.