1 Bewura 10:1 - EBƆRƐ BE KAWƆL

¹ Shɛba be efuli so be ewurche ka nu kananɛ ewura Sɔlɔmɔn be ketre dii ga na, nɛ e yɔ Jerusalɛm nɛ e ya wora mo ŋ keni.

1 Bewura 10:1 ပူးပေါင်းရင်းမြစ်များ

Jɛnesis 10:28

nɛ Obal nɛ Abimaɛl nɛ Sheba

Jɛnesis 10:7

Kush malɛ be bibinyɛn e daa la Seba nɛ Havila nɛ Sabta nɛ Raama nɛ Sabteka. Raama malɛ be bibinyɛn e daa la Sheba nɛ Dedan.

Jɛnesis 25:3

Jɔkshan e daŋ koso ŋ kurge Sheba nɛ Dedan. Dedan be kanaŋ to ebi e daa la Ashuurebi nɛ Letushebi nɛ Leyumebi.

1 Bewura 10:24

Durnya to be bewura kikɛ daa fin kananɛ baaŋ baa ba mo kutɔ nna m ba kaa nu mbe kanyiasheŋ be mmalga nɛ Ebɔrɛ ta n sa mo na be asheŋ.

1 Bewura 4:31

E daa nyi asheŋ a chɔ esa kikɛ ashi durnya to. E daa nyi asheŋ a chɔ Eetan nɛ e shi Ɛzra be kanaŋ to na nɛ Heman nɛ Kalkol nɛ Daada nɛ b la Mahɔl be mbinyɛnsobi na. Mbe ketre daŋ dii ga n yɔ efuli nɛ a kulti Juda nɛ Israɛl na.

1 Bewura 4:34

Durnya be bewura kikɛ nu mbe kanyiasheŋ be asheŋ nseŋ shuŋi basa nɛ b ya nu mbe kanyiasheŋ be mmalga.

1 Bewura 5:14

Kanyɛn ko nɛ baa tre Adoniram na nɛ e daŋ lara fanɛ e baa keni beshumpo na so. Ewura Sɔlɔmɔn daŋ barga beshumpo na to ŋgboŋ kudu kudu be ntuŋ asa nna nɛ katuŋ kikɛ bee ji kufɔl koŋwule ashi Lebanɔn, nsaa ji afɔl anyɔ malɛ ashi epe.

Job be kawɔl 28:28

Kumo be kaman nɛ e kaŋɛ edimɛdi le: “Kanyiasheŋ e la keta bunyaŋ gboŋ n sa ma, Enyɛnpe Ebɔrɛ na. Nɛ kelar alubi to malɛ la asheŋ be kepin to.”

Job be kawɔl 6:19

Tɛma be kadegboŋ nɛ Sheba be efuliana so be eyawujipo nɛ b dii enyɔma bee kaa bɛ amo so nna a fin nchu nɛ b nuu,

Nshɛ 49:4

Aŋasa nɛ mee shin nɛ m bɔ, ama meeŋ ŋini amo be afito saŋɛ nɛ mee laŋ jaŋjilaŋ na.

Nshɛ 72:10

Speen be efuli so nɛ mplasawule so be bewuraana beeŋ bar bumo be ŋkɛ m ba sa mo; nɛ Areebia nɛ Itiopia be bewuraana gba e bar bumo be ŋkɛ m ba sa mo.

Nshɛ 72:15

Shin nɛ ewura na be ŋkpa e teŋi so! N shin nɛ e nya Areebia be kasawule so be shuwa. Shin nɛ basa e baa kule Ebɔrɛ a sa mo jemanɛ kikɛ nsaa nɛfa mo karechɛ kama.

Aizaaya 60:6

Enyɔma be ntuŋ damta beeŋ shi efuliana nɛ baa tre Midian nɛ Efa na so n sulɔ asɔ lela m ba sɔ menyi be efuli na kikɛ so. Beko beeŋ shi Shiba be kasawule so n sulɔ shuwa nɛ eduwu m ba kaa lara esarga a sa Enyɛnpe Ebɔrɛ na nsaa malga kusɔ nɛ e wora be asheŋ!

Jɛremaya 6:20

Ma shɛŋ maŋ wɔ eduwu nɛ baa ta a shi Shɛba be efuli so, ŋko asɔ nɛ e bee shin nɛ ajibi bee wora ebel nɛ baa ta a shi efuli wɔfɔ a bar ma na to. Bumo be esarga nɛ baa lara a sa ma na maa par ma, amoso m maaŋ sɔ amo.

Ezikɛl 16:14

Ndoŋ nna nɛ fo asheŋ sɔ kaplɛkama nɛ ekama bee ji fo kebita be asheŋ ashi efuliana na kikɛ so, ŋkpal kananɛ ma, Enyɛnpetale Ebɔrɛ na shin nɛ fo kela lar nɛ ekama bee wu kumo so.

Ezikɛl 38:13

Saŋɛ na so nɛ Sheba nɛ Dedan be efuliana so be basa nɛ Speen be efuli so be ndeana to be eyawujipo e bishi fo fanɛ fo gama fo benapo abar so nna nɛ fo kɔ n suge asɔ fanɛ shuwa nɛ gbiti nɛ asɔbɔya kikɛ n yɔ a?

Matiu 12:42

Demujiachɛ na Bɔrɛfito be Ewurche beeŋ yili n ji m bri mbreebi, ŋkpal manɛ so, e yili kaboŋ wɔfɔ durnya ere to n nite n ya nu Ewura Sɔlɔmɔn be kashennyi be kesheŋ ŋini, ama ma e kaŋɛ menyi na fanɛ esa ko wɔ nfe a chɔ Ewura Sɔlɔmɔn.”

Matiu 13:11

Nɛ Yesu kaŋɛ bumo le: “Ebɔrɛ bugi mbe kuwura na to be kesheŋ ŋini be ewulo nna n sa menyi, ama e maŋ wora loŋ n sa basa pɔtɛ bre.

Matiu 13:35

E daŋ wora loŋ nna nɛ kusɔ nɛ anebi ko daŋ kaŋɛ na e bɔla ekpa. Anebi na yɛ: “Ebɔrɛ kaŋɛ: ‘M ba kaa malga bumo kutɔ, aŋasa nɛ meeŋ baa bɔ bumo. Meeŋ bugi asheŋ nɛ a la wulo be asɔ, yili kasɔto be jemanɛ na m ba fo mbre n sa basa.’ ”

Maak 4:34

E daa maa malga basa kutɔ nɛ e maŋ bɔ aŋasa, ama mo nɛ mbe bebɛsopo nawule baŋ ya ka, e daa kaŋɛ bumo amo be afito nna.

Luuk 11:31

Demujiachɛ Bɔrɛfito be Ewurche beeŋ yili n ji m bri mbreebi, ŋkpal manɛ so, e yili kaboŋ wɔfɔ durnya ere to n nite n ya nu Ewura Sɔlɔmɔn be kashennyi be kesheŋ ŋini. Ama ma e kaŋɛ menyi na fanɛ esa ko wɔ nfe a chɔ Ewura Sɔlɔmɔn.

Baru lela nɛ Jɔn kute na 17:3

Nɛ basa malɛ baa nyi fo, Ebɔrɛ nɛ fo nawule la kashenteŋ be Ebɔrɛ na nseŋ naa nyi ma, Yesu Kristo nɛ fo shuŋi na, kumo ere baaŋ baa kɔ ŋkpa nɛ k maŋ kɔ ekar na.