1 Bewura 1:53 - EBƆRƐ BE KAWƆL

⁵³ Kede be kaman nɛ ewura Sɔlɔmɔn shuŋi nɛ b ya keta Adonija bɔrɛsure na ase m ba. Adonija ka ba jɔŋɛ ewura Sɔlɔmɔn ase nɛ ewura Sɔlɔmɔn kaŋɛ mo fanɛ e baa yɔ epe.

1 Bewura 1:53 ပူးပေါင်းရင်းမြစ်များ

2 Samuɛl 1:2

Kumo be nchɛ asa be kaman nɛ kabrantiɛbia ko shi ewura Sɔɔl be keeyi to m ba. E daŋ kpɛa mbe asɔbuuso to nna nseŋ wora shishɛr n wurge mbe kumu so a ŋini kagbenejija nɛ k tɔr mo so. Kumo be kaman nɛ e yɔ Deevid kutɔ n ya jɔŋɛ m bunyaŋ mo.

2 Samuɛl 14:24

Nɛ ewura na kaŋɛ fanɛ Absalɔm e sa maŋ kaŋ luri mbe laŋ to. E yɛ: “Maa sha kewu mo kenishiso.” Amoso Absalɔm daa wɔ mo gbagba be laŋ to nna, e maŋ ba ewura na kutɔ kikɛ.

2 Samuɛl 14:28

Absalɔm malɛ daŋ chena Jerusalɛm to nfɛnyɔ kikɛ nɛ mo nɛ ewura na be kenishi maŋ wu abar.

2 Samuɛl 14:33

Ndoŋ nna nɛ Jɔab yɔ ewura Deevid kutɔ n ya kaŋɛ mo kusɔ nɛ Absalɔm kaŋɛ kikɛ. Nɛ ewura shuŋi n tre Absalɔm nɛ e ba m ba jɔŋɛ mbe anishito, nɛ ewura na chɔrɔ mo kashaso.

1 Bewura 1:16

Nɛ Bɛshiba ya jɔŋɛ ewura na ase bunyaŋ so, nɛ ewura Deevid bishi mo le: “Manɛ nɛ fee sha nɛ n wora n sa fo?”

1 Bewura 1:31

Nɛ Bɛshiba jɔŋɛ mo ase ŋ kaŋɛ: “Ebɔrɛ e teŋi fo ŋkpa so Yiramu!”

1 Bewura 1:52

Nɛ Sɔlɔmɔn malɛ kaŋɛ le: “Nɛ e beeŋ bɛ ma so bre, m maaŋ yuu mo kukuti gba; ama nɛ e maaŋ wora loŋ bre, e beeŋ wu.”

1 Bewura 2:1

Deevid ka bee shin nɛ e wu nɛ e tre mo pibinyɛn Sɔlɔmɔn m malga mbe lalaloge be kamalga n sa mo ŋ kaŋɛ le:

1 Bewura 2:36

Kumo be kaman nɛ ewura na shuŋi n tre Shimei ŋ kaŋɛ mo le: “Pɔr ebu Jerusalɛm nfe a wɔ kumo to. Sa maŋ kaŋ lar kade ere to kikɛ.

Aŋasa 24:21

M pibi, baa ŋana Enyɛnpe Ebɔrɛ na nsaa ŋana bewura gba, sa maa tu amukpakpaso wuraana a wora asheŋ.