1 Bewura 1:5 - EBƆRƐ BE KAWƆL

^5-6 Absalɔm ka wu na nɛ ewura Deevid be eche Hagif pibinyɛn Adonija ki ewura Deevid pibinyɛn nimuso. Mo e daa bɛ Absalɔm so nseŋ daa walɛ kayɛrbi ga. Kachako nɛ e yili kumo fanɛ e beeŋ ta mbe kumu ŋ ki ewura. Ndoŋ nna nɛ mo gbagba fin egbaŋɛturko nɛ egbaŋɛ nseŋ ta benapo adunu fanɛ b baa kuŋ mo. Mo tuto, ewura Deevid, malɛ daŋ maŋ bishi mo kusɔ nɛ k ba nɛ e bee wora loŋ, ŋkpal manɛ so, e maŋ naŋ fiɛ mo so kikɛ.

1 Bewura 1:5 ပူးပေါင်းရင်းမြစ်များ

2 Samuɛl 15:1

Ade kikɛ be kaman nɛ Absalɔm ya fin egbaŋɛturko nɛ amo be egbaŋɛ nɛ baŋ baa gberge amo n sa mbe kumo, nɛ basa adunu nɛ bumo alɛ beeŋ baa juŋkpar a kuŋ mo.

2 Samuɛl 3:4

Mo pibinyɛn nasopo e la Adonija nɛ mo nio daa la Hagif. Shifatia nɛ mo nio la Abitaal na e la mo pibinyɛn nusopo.

1 Bewura 1:11

Anebi Neetan ka nu kumo nɛ e ya bishi Sɔlɔmɔn mo nio Bɛshiba le: “Fo nu Hagif pibinyɛn Adonija ka buu mo gbagba be kumu kuwura nɛ ewura Deevid gba maŋ nyi kumo be asheŋ a?

1 Bewura 1:4

Kebichebi na daa keta ewura na nɛnɛ ga ama mo nɛ mo daa maŋ di keche nɛ kenyɛn.

1 Bewura 2:13

Kachɛ nɛ Adonija yɔ Sɔlɔmɔn mo nio Bɛshiba kutɔ, nɛ Bɛshiba bishi mo le: “A wɔ ebel nna nɛ fo ba nɛ fo ba bɔ ma so a?” Nɛ Adonija kaŋɛ: “Mm a wɔ ebel nna.

1 Bewura 2:15

Ndoŋ nna nɛ Adonija kaŋɛ: “Fo nyi Israɛlebi kikɛ ka daa nyi fanɛ ma e daa shin nɛ ŋ ki ewura, ama Enyɛnpe Ebɔrɛ chɛrga asheŋ nseŋ ta n sipo Sɔlɔmɔn ŋ ki ewura.

1 Bewura 2:24

Enyɛnpe Ebɔrɛ na bɛ mbe kɔnɔ nɛ e nase fanɛ e beeŋ ta Israɛl be kuwurji n sa ma nɛ ma kaman to ebi na so n ta ma ŋ ki ewura n chena n tuto ewura Deevid be kuwurputi na so. Enyɛnpe Ebɔrɛ nɛ e wɔ ŋkpa to na be ketre to, Adonija beeŋ paŋ mbe ŋkpa kabre kikɛ!”

1 Kronikɛls 28:5

Enyɛnpe Ebɔrɛ ta mbinyɛnsobi damta n nɛfa ma ama m pibinyɛn Sɔlɔmɔn nɛ e lara fanɛ e ki Israɛl be ewura ma kaman.

1 Kronikɛls 29:1

Kede be kaman nɛ ewura Deevid kaŋɛ basa na malɛ le: “M pibinyɛn Sɔlɔmɔn nɛ Ebɔrɛ lara fanɛ e pɔr bɔrɛlambu na ama mo alɛ kra la kebia nna, e maŋ naŋ pin asheŋ nɛnɛ. Bɔrɛlambu na malɛ be kushuŋ maŋ la alefasha, ŋkpal manɛ so k maŋ la edimɛdi peya, Enyɛnpe Ebɔrɛ be bɔrɛlambu nna.

Ɛksodɔs 9:17

Ŋkeshin nɛ fo alɛ kraa wɔtɔ nna a ŋini ma basa fo eleŋ nsaa kini keshin nɛ b yɔ.

Aŋasa 16:18

Kamoowu e naa yɛr esa kemur to nɛ ŋkpensheŋ malɛ bee bar esa kaseto.

Aŋasa 18:12

Kamoowu bee yɛr esa kemur to nna; ama kamoobarase bre bee sa esa kemaŋkura nna.

Aizaaya 2:7

Bumo be kasawule so kɔ shuwa nɛ gbiti ga, nɛ bumo alɛ daa kɔ asɔ lela ga bumo be ekpanjawu to. Egbaŋɛ daa shi kasawule na so ga nɛ esa maŋ tiŋ ŋ karga amo. Bumo be egbaŋɛturko malɛ gba daa maa kɔ kɔnɔ.

Luuk 14:11

Ekama nɛ e bee maŋ mbe kumu so, baaŋ bar mo kaseto nɛ ekama nɛ e bee bar mbe kumu kaseto, baaŋ maŋ mo so.”

Luuk 18:14

Nɛ Yesu naŋ kaŋɛ: “Ma e kaŋɛ menyi na fanɛ Ebɔrɛ shin nɛ lamposɔpo na ki elelapo mbe anishito n yɔ epe. Ama Farisinyɛn na bre maŋ nya loŋ, ŋkpal manɛ so, esa kama nɛ e bee maŋ mbe kumu so, baaŋ bar mo kaseto, ama ekama nɛ e bee bar mbe kumu kaseto, baaŋ maŋ mo so.”

Demujipoana 9:2

“Men bishi Shɛkɛmebi na n sa ma, fanɛ Gidiɔn be mbia adushunu na kikɛ be keji kuwura menyi so nɛ menyee sha a, ŋko bumo to be ekoŋwule ka ji kuwura menyi so nɛ menyee sha a? Men baa nyiŋi fanɛ ma nɛ menyi kikɛ la eyur nɛ ŋklaŋ koŋwule nna.”