1 Bewura 1:40 - EBƆRƐ BE KAWƆL

⁴⁰ Kumo be kaman nɛ bumo kikɛ bɛ Sɔlɔmɔn so a foŋ nlopi a boŋ nshɛ awɔrso m bɛta a yɔ Jerusalɛm hale nɛ bumo be awɔr na shin nɛ kasawule bee gbuŋgbuŋ.

1 Bewura 1:40 ပူးပေါင်းရင်းမြစ်များ

1 Bewura 1:39

Ndoŋ nɛ bɔrɛmatapo Zadɔk nɛ anebi Neetan chulgi ɔlif be ŋku nɛ b ta ashi Enyɛnpe be wajɛbu na to na n wurge Sɔlɔmɔn be kumu so n buu mo kuwura nseŋ foŋ kabel nɛ basa na cha awɔrso ŋ kaŋɛ: “Ebɔrɛ e sa ewura Sɔlɔmɔn ŋkpa tenteŋ!”

1 Bewura 1:41

Saŋɛ nɛ Adonija nɛ basa nɛ e tre mbe kejigboŋ na to ji a loge na nɛ b nu awɔr na. Jɔab ka nu kabel na be kushu, nɛ e bishi le: “Manɛ be awɔr e naa cha kade to le?”

1 Bewura 1:45

nɛ Zadɔk nɛ Neetan duga ŋku n do mo so m buu mo kuwura ashi Gihɔn be kebuye na ase. Nɛ basa na cha awɔr kagbenefuliso m bɛta n luri kade na to nɛ awɔr sɔ kaplɛkama. Loŋ be awɔr na nɛ fo nu na.

2 Bewura 11:14

E ka ya wu ewura popɔr na nɛ e yili eshabɔrɛana na akpa ashi bɔrɛlambu na be kabuna be anishito be kakpa nɛ bewura bee chena na, nɛ benapo be benimu nɛ mbelfompoana yili ŋ kulti mo, nɛ basa na kikɛ bee cha awɔr kagbenefuli so nsaa foŋ mbel nɛ bɔrɛlambu to be beshɛbompoana bee juŋkpar kasheŋ wora na kikɛ, nɛ e kpɛa mbe asɔbuuso to kagbenejijaso nseŋ boŋto ŋ kaŋɛ le: “Menyi bedebɔrpo ere!”

2 Bewura 11:20

Basa na kikɛ be ŋgbene daŋ fuli bumo nna ga nɛ kade na kikɛ wora shruum ŋkpal ewurche Atalia ka wu na so.

Nshɛ 97:1

Enyɛnpe Ebɔrɛ na e la Ewura! Shin nɛ durnya kikɛ e ji eyur nɛ mplasawule kikɛ e wora awɔr.

Danɛl 3:5

Men baŋ nu mbel nɛ nlopi nɛ ejaŋjilaŋ nɛ alaŋsɔ kikɛ be kushu, men jɔŋɛ shuwa be kapɔrduli nɛ ewura Nebukadneeza pɔr n yili na ase m bunyaŋ kumo.

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

Luuk 19:37

E ka ba taga to Ɔlifs be kebee so be kegbelge na nɛ mbe bebɛsopo kikɛ fara a di Ebɔrɛ epaŋ awɔrso nɛ kagbenefuliso, ŋkpal emamachisheŋ damta nɛ b daŋ wu na kikɛ so.

1 Samuɛl 11:15

Ndoŋ nna nɛ bumo kikɛ yɔ Gilgaal be kakpa nɛ baa bunyaŋ Ebɔrɛ na n ya yili kumo fanɛ Sɔɔl e la bumo be ewura. Kumo be kaman nɛ b lara kɔnɔkoŋwuleso be esarga ndoŋ nseŋ ji eyur ndoŋ ga.

1 Samuɛl 4:5

B ka bar ŋkre be deka na, nɛ Israɛlebi na be ŋgbene fuli bumo nɛ b cha awɔr ga hale nɛ kasawule bee gbuŋgbuŋ.