1 Bewura 1:39 - EBƆRƐ BE KAWƆL

³⁹ Ndoŋ nɛ bɔrɛmatapo Zadɔk nɛ anebi Neetan chulgi ɔlif be ŋku nɛ b ta ashi Enyɛnpe be wajɛbu na to na n wurge Sɔlɔmɔn be kumu so n buu mo kuwura nseŋ foŋ kabel nɛ basa na cha awɔrso ŋ kaŋɛ: “Ebɔrɛ e sa ewura Sɔlɔmɔn ŋkpa tenteŋ!”

1 Bewura 1:39 ပူးပေါင်းရင်းမြစ်များ

1 Bewura 1:25

Kabre chipur ere e ta egbolu nɛ mbolpɔ nɛ ana nɛ b daŋ a walɛ eyurto damta n ya lara sarga nseŋ tre fo mbinyɛnsobi kikɛ nɛ fo benapo be enimu Jɔab nɛ bɔrɛmatapo Abiata nɛ bumo kikɛ wɔ ndoŋ a ji bumo be eyur nsaa cha awɔr a kaŋɛ le: ‘Ebɔrɛ e sa ewura Adonija ŋkpa tenteŋ!’

1 Bewura 1:34

nɛ bɔrɛmatapo Zadɔk nɛ anebi Neetan e ya chulgi ŋku n do mbe kumu so m buu mo Israɛl be kuwura. Kumo be kaman nɛ men shin nɛ b foŋ kabel n shin nɛ ekama e cha awɔrso ŋ kaŋɛ le: ‘Ebɔrɛ e sa ewura Sɔlɔmɔn ŋkpa tenteŋ!’

1 Bewura 1:40

Kumo be kaman nɛ bumo kikɛ bɛ Sɔlɔmɔn so a foŋ nlopi a boŋ nshɛ awɔrso m bɛta a yɔ Jerusalɛm hale nɛ bumo be awɔr na shin nɛ kasawule bee gbuŋgbuŋ.

1 Bewura 2:15

Ndoŋ nna nɛ Adonija kaŋɛ: “Fo nyi Israɛlebi kikɛ ka daa nyi fanɛ ma e daa shin nɛ ŋ ki ewura, ama Enyɛnpe Ebɔrɛ chɛrga asheŋ nseŋ ta n sipo Sɔlɔmɔn ŋ ki ewura.

2 Bewura 11:12

Kede be kaman nɛ Jehowada keta Jɔash n lar kowu nseŋ ta kuwurwuro m buu mo nseŋ n ta bewura be mbra be kawɔl n sa mo nseŋ chulgi ŋku n wurge mbe kumu so n ta mo ŋ ki ewura. Ndoŋ nna nɛ ekama na kpla enɔ nseŋ cha awɔr ŋ kaŋɛ le: “Ebɔrɛ e teŋi ewura na be ŋkpa so.”

2 Bewura 11:14

E ka ya wu ewura popɔr na nɛ e yili eshabɔrɛana na akpa ashi bɔrɛlambu na be kabuna be anishito be kakpa nɛ bewura bee chena na, nɛ benapo be benimu nɛ mbelfompoana yili ŋ kulti mo, nɛ basa na kikɛ bee cha awɔr kagbenefuli so nsaa foŋ mbel nɛ bɔrɛlambu to be beshɛbompoana bee juŋkpar kasheŋ wora na kikɛ, nɛ e kpɛa mbe asɔbuuso to kagbenejijaso nseŋ boŋto ŋ kaŋɛ le: “Menyi bedebɔrpo ere!”

2 Bewura 9:1

Kachako nɛ anebi Elaisha tre anebiana be katuŋ na to be eko ŋ kaŋɛ mo le: “Bela ase n ta ɔlif be ŋku kɔlba ere n yɔ Ramɔf nɛ k wɔ Giliad na.

2 Bewura 9:13

Epul to nɛ Jehu mo braana benimu na parga bumo be epiŋi to n deŋi ketempreŋ na so nɛ Jehu dii n yili so. Nɛ b foŋ mbel nseŋ cha awɔr ŋ kaŋɛ: “Jehu e la ewura!”

1 Kronikɛls 29:22

Kumo be kamɔnchɛ ekama be kagbene daŋ fuli mo ga nɛ b ji nseŋ nuu ashi Enyɛnpe Ebɔrɛ be anishito. Ndoŋ nɛ b lara Sɔlɔmɔn kelɛ nyɔsopo fanɛ ewura nseŋ yili Enyɛnpe Ebɔrɛ be ketre to n ta ŋku n do mo so n lara mo ŋ ki bumo be ewura nseŋ ta ŋku n do Zadɔk malɛ so n lara mo ŋ ki bumo be bɔrɛmatapo.

2 Kronikɛls 23:11

Ade kikɛ be kaman nɛ Jehowada nɛ mbe mbinyɛnsobi ya keta Jɔash n lar kowu nseŋ ta kuwurwuro m buu mo. Kumo be kaman nɛ b ta bewura be mbra be kawɔl n sa mo n ta mo ŋ ki ewura. Bɔrɛmatapo Jehowada nɛ mbe mbinyɛnsobi e daŋ duga ŋku n do Jɔash be kumu so n ta mo ŋ ki ewura, nɛ ekama cha awɔr ŋ kaŋɛ: “Ebɔrɛ e teŋi ewura be ŋkpa so!”

2 Kronikɛls 23:13

E ka ya wu ewura popɔr na nɛ e yil eshabɔrɛ na ekpa ashi bɔrɛlambu na be kabuna be anishito be kakpa nɛ bewura bee chena na, nɛ benapo be benimu nɛ mbelfompoana yili ŋ kulti mo, nɛ basa na kikɛ bee cha awɔr kagbenefuliso nsaa foŋ mbel nɛ bɔrɛlambu to be beshɛbompoana bee juŋkpar kasheŋwora na kikɛ na, nɛ e kpɛa mbe asɔbuuso to kagbenejijaso nseŋ boŋto ŋ kaŋɛ le: “Menyi bedebɔrpo ere!”

Nshɛ 89:20

Ma e lara ma kayɛrbi Deevid nseŋ duga ma ŋku cheembi n do mbe kumu so n ta mo ŋ ki ewura.

Ɛksodɔs 30:35

Shin nɛ esa nɛ e nyi tulale be kewora e ta amo n wea abar to n wora duwu nɛ a baa dufɛ fanɛ tulale. Kumo be kaman nɛ men ta nfɔl n wea amo to n lara amo be eyurpi nɛ a baa du cheembi.

1 Samuɛl 10:24

Ndoŋ nna nɛ Samuɛl kaŋɛ basa na le: “Kanyɛn nɛ Enyɛnpe Ebɔrɛ lara nna na! Esa kama maŋ du fanɛ mo.” Ndoŋ nna nɛ basa na kikɛ cha awɔr ŋ kaŋɛ le: “Ewura! Ebɔrɛ e sa fo ŋkpa tenteŋ!”

1 Samuɛl 16:13

Nɛ Samuɛl duga ŋku na n do Deevid be kumu so nɛ mo daana yil a keni mo. Baŋ yili kumo be kamɔnchɛ na kikɛ nɛ Enyɛnpe Ebɔrɛ be kiyoyu ba luri m bɔlɔ Deevid to eleŋso nsaa wɔ mo to saŋkikɛ. Kumo be kamɔnchɛ na malɛ kikɛ nɛ Samuɛl bɛta n yɔ Raama.