1 Bewura 1:38 - EBƆRƐ BE KAWƆL

³⁸ Ndoŋ nna nɛ bɔrɛmatapo Zadɔk nɛ anebi Neetan nɛ Bɛnaya nɛ benapo nɛ baa kuŋ ewura Deevid na shin nɛ Sɔlɔmɔn chena ewura Deevid be kurma so nɛ b keta mo n yɔ kebuye nɛ baa tre Gihɔn na ase.

1 Bewura 1:38 ပူးပေါင်းရင်းမြစ်များ

2 Samuɛl 13:29

Ndoŋ nna nɛ nyɛrbi na bɛ kusɔ nɛ Absalɔm kaŋɛ bumo na so nseŋ mɔ Amnɔn. Nɛ ewura na be mbinyɛnbi nɛ Absalɔm tre na kikɛ ta bumo be ekurma nɛ enyɔma n shile n choŋ ŋ ka mo ndoŋ.

2 Samuɛl 15:18

Deevid ka yil na, nɛ e wu mbe benapo nɛ mbe bekumpo ka ba choŋ. Katuŋ nɛ b shir kaman m ba choŋ na e daa la benapo alfa ashe nɛ b daŋ bɛ mo so ashi Gaaf nɛ k wɔ Filisti be efuli so na. Ittai e daa la benapo na be enimu.

2 Samuɛl 20:7

Ndoŋ nna nɛ Abishai keta Jɔab nɛ benapo lempo na kikɛ, nɛ ewura be bekumpo n lar Jerusalɛm a fin Shɛba a yɔ.

2 Samuɛl 8:18

Jehowada pibinyɛn Bɛnaya e daa la esa nɛ e bee kuŋ ewura Deevid. Ewura Deevid malɛ be mbinyɛnsobi e daa la mbe asoetojipoana.

1 Bewura 1:26

Ama e maŋ tre ma nɛ bɔrɛmatapo Zadɔk nɛ Bɛnaya nɛ Sɔlɔmɔn bre.

1 Bewura 1:33

nɛ e kaŋɛ bumo le: “Men keta ma benimuana ere be beko n ya shin nɛ m pibi Sɔlɔmɔn e dii ŋ gbagba be kurma n chena so nɛ men bɛ mo so ŋ keta mo n yɔ kebuye nɛ baa tre Gihɔn na ase,

1 Bewura 1:8

Ama bɔrɛmatapo Zadɔk nɛ Jehowada pibinyɛn Bɛnaya nɛ anebi Neetan nɛ Shimei nɛ Rei nɛ enapo nɛ e bee kuŋ ewura Deevid na bre daa maŋ bɛ kusɔ nɛ Adonija kaŋɛ na so.

1 Bewura 2:15

Ndoŋ nna nɛ Adonija kaŋɛ: “Fo nyi Israɛlebi kikɛ ka daa nyi fanɛ ma e daa shin nɛ ŋ ki ewura, ama Enyɛnpe Ebɔrɛ chɛrga asheŋ nseŋ ta n sipo Sɔlɔmɔn ŋ ki ewura.

1 Bewura 2:35

Nɛ Ewura Sɔlɔmɔn ta Banaya n yili Jɔab be eyilikpa nɛ e ki mbe benapo be enimu, nseŋ ta bɔrɛmatapo Zadɔk malɛ n yili Abiata be eyilikpa nɛ e ki mbe bɔrɛmatapo.

1 Kronikɛls 18:17

Jehowada pibinyɛn Bɛnaya e daa la benapo nɛ baa kuŋ ewura Deevid na be enimu, nɛ ewura Deevid malɛ be mbinyɛnsobi daa la mbe ekrachigboŋ.

Zefanaiya 2:5

Asheŋ maaŋ nyalɛ n sa menyi Filistiebi nɛ men chena teku ase na. Enyɛnpe Ebɔrɛ na tiŋ n ji menyi demu nseŋ ji m bri menyi. E beeŋ mur menyi nɛ menyi to be ekoŋwule gba maaŋ ka.

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

1 Samuɛl 30:14

An ta kena nna n ya tu Chereti be basa nɛ b wɔ Juda be efuli so be kelargato be kaseto be kaba so na nɛ Kalɛb be kanaŋ to ebi be kaba so nseŋ chɔɔ Ziklag.”