1 Bewura 1:37 - EBƆRƐ BE KAWƆL

³⁷ Enyɛnpe Ebɔrɛ na e baa wɔ Sɔlɔmɔn gba kutɔ fanɛ kananɛ e daŋ baa wɔ fo kutɔ na, nseŋ shin nɛ mbe kuwurji e baa kɔ eleŋ ga a chɔ feya gba.”

1 Bewura 1:37 ပူးပေါင်းရင်းမြစ်များ

1 Bewura 1:47

Hale ewurkpa be benimuana na ya chɔrɔ ewura Deevid nseŋ kaŋɛ mo le: ‘Fo Ebɔrɛ na e shin nɛ Sɔlɔmɔn be kuwurji e baa kɔ eleŋ a chɔ feya, nseŋ shin nɛ mbe ketre gba e dii a chɔ feya, nɛ mbe kedamaya gba e ba chɔ feya.’ Nɛ Ewura Deevid gba chena gedo so ŋ kurge kumu n yuu to

1 Samuɛl 20:13

Nɛ fanɛ e bee sha ketɔrɔ fo malɛ nna, meeŋ kaŋɛ fo nseŋ chɛ fo to nɛ fo shile ŋ ŋana mo so. Nɛ ma alɛ kaa maŋ wora loŋ, kumo ere Enyɛnpe Ebɔrɛ e gberge ma kusoe. Ma kabɔrɛkule e la fanɛ Enyɛnpe Ebɔrɛ e chɛ fo to fanɛ kananɛ e chɛ n tuto to na,

Joshuwa 1:17

Kananɛ an baŋ nu n sa Mosis na, loŋ nɛ anyeeŋ nu n sa fo alɛ gba. Enyɛnpe Ebɔrɛ na e ba wɔ fo kaman fanɛ kananɛ e daa wɔ Mosis be kaman na.

Joshuwa 1:5

Esa kama malɛ maaŋ tiŋ m pɔɔ fo so fo kebaawɔtɔ to kikɛ. Kananɛ n daa wɔ Mosis be kaman na, loŋ nɛ meeŋ baa wɔ fo alɛ gba be kaman. M maaŋ yige fo ŋko ŋ kplaŋ fo so kikɛ.

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

Matiu 1:23

E yɛ: “Kasuŋgurbia nɛ e maŋ nyi enyɛn beeŋ di kedampo ŋ kurge ebinyɛn nɛ b nase mo ketre Emanuɛl. Kumo be kifito e la fanɛ Ebɔrɛ wɔ anyi kutɔ.”

Danɛl 7:14

B daŋ ta eleŋ nɛ bunyaŋ nɛ kuwurji be eleŋ nna m bɔɔ mo enɔ, saŋɛ na so efuliana kikɛ be basa nɛ eyiriana nɛ ŋgbarana be nnaŋ to kikɛ beeŋ shuŋ mo. Mbe eleŋ nɛ e kɔ na beeŋ baa wɔtɔ mbaanaayɔ nɛ mbe kuwurji malɛ maaŋ loge kikɛ.

Aizaaya 8:10

Men wora menyi be ŋkre! Ama amo alɛ maaŋ tiŋ n wora m bɔlɔ so. Menyeeŋ tiŋ m malga kusɔ nɛ menyee sha! Ama amo kikɛ la fuloŋ nna, ŋkpal manɛ so Ebɔrɛ wɔ anyi kutɔ.

Nshɛ 89:27

Meeŋ shin nɛ e ki ma wurkoŋnyɛn, nseŋ ki esagboŋ a chɔ durnya to be bewura kikɛ.

Nshɛ 72:8

Shin nɛ mbe kuwurji e yili teku ko ase n salga to n ya fo teku nyɔsopo ase. Ŋko n yili Yufreetes be Lɔr na ase n salga to n ya fo durnya be ekar.

Nshɛ 46:11

Enyɛnpetale Ebɔrɛ na wɔ anyi kutɔ. An nananyɛn Jeekɔb be Ebɔrɛ na e la anyi be ekumpogboŋ.

Nshɛ 46:7

Enyɛnpetale Ebɔrɛ na wɔ anyi kutɔ nna. Ebɔrɛ nɛ an nananyɛn Jeekɔb shuŋ na e la anyi be ekumpogboŋ.

2 Kronikɛls 1:1

Sɔlɔmɔn nɛ e la ewura Deevid pibinyɛn na daŋ ji Israɛl be efuli na so eleŋ ga ŋkpal Enyɛnpe nɛ e la mbe Ebɔrɛ na ka daŋ nɛfa mo nseŋ sa mo eleŋ ga so.

1 Kronikɛls 28:20

Kede be kaman nɛ ewura Deevid naŋ kaŋɛ mo pibinyɛn Sɔlɔmɔn le: “Sa maa lɔ kufu ŋko a pɔ aba, ŋkpal manɛ so Enyɛnpe Ebɔrɛ nɛ mee shuŋ na beeŋ chɛ fo to. E maaŋ kplaŋ fo so kikɛ, ama fo pɔr bɔrɛlambu na n loge nna.

2 Bewura 2:9

B ka fo lɔr na be kaba ndoŋ nɛ anebi Elaija bishi Elaisha le: “Manɛ nɛ fee sha ŋ ka wora n sa fo pɔɛŋ nɛ Enyɛnpe Ebɔrɛ e ta ma a yɔ?” Nɛ Elaisha malɛ kaŋɛ: “Sa ma fo kenebiya be eleŋ na be ntuŋnyɔ so saŋɛ na so meeŋ tiŋ n sɔ fo so a shuŋ.”

2 Samuɛl 24:3

Nɛ Jɔab kaŋɛ ewura na le: “Yiramu, Enyɛnpe fo Ebɔrɛ na e shin nɛ Israɛl be benapo na e wora kishi n ti so fanɛ ntuŋ kalfa a chɔ kananɛ b du naniere, nseŋ teŋi fo ŋkpa malɛ so nɛ fo wu kumo be loŋ. Ama manɛ nna nɛ fee sha fanɛ fo wora le?”

Ɛksodɔs 3:12

Nɛ Ebɔrɛ kaŋɛ mo le: “Meeŋ baa wɔ fo kutɔ. Fo kaŋ ya lara basa na ashi Ijipt be efuli so m ba kebee ere so nfe m ba bunyaŋ ma na nɛ feeŋ pin fanɛ ma e shin nɛ loŋ wora.”

1 Bewura 1:36

Nɛ Bɛnaya kaŋɛ: “Anyeeŋ wora loŋ yeramu. Enyɛnpe Ebɔrɛ nɛ e la anyi be ewura be Ebɔrɛ na e shin nɛ loŋ e wora.

1 Kronikɛls 29:25

Enyɛnpe Ebɔrɛ daŋ maŋ Sɔlɔmɔn so nna nseŋ shin nɛ mbe kuwurji daa kɔ kemaŋkura a chɔ Israɛl be ewura kama peya; nɛ kumo be loŋ daŋ chinchiŋ efuli na so ebi kikɛ ga.