1 Bewura 1:25 - EBƆRƐ BE KAWƆL

²⁵ Kabre chipur ere e ta egbolu nɛ mbolpɔ nɛ ana nɛ b daŋ a walɛ eyurto damta n ya lara sarga nseŋ tre fo mbinyɛnsobi kikɛ nɛ fo benapo be enimu Jɔab nɛ bɔrɛmatapo Abiata nɛ bumo kikɛ wɔ ndoŋ a ji bumo be eyur nsaa cha awɔr a kaŋɛ le: ‘Ebɔrɛ e sa ewura Adonija ŋkpa tenteŋ!’

1 Bewura 1:25 ပူးပေါင်းရင်းမြစ်များ

2 Samuɛl 16:16

Deevid mo teri kpakpaso Hushai ka tu Absalɔm nɛ e ponte ŋ kaŋɛ le: “Yiramu, Ebɔrɛ e sa fo ŋkpa tenteŋ!”

1 Bewura 1:19

E ta egbolu nɛ mbolpɔ nɛ ana fɔlbi nɛ b daŋ a walɛ eyurto damta n lara sarga nseŋ tre bɔrɛmatapo Abiata nɛ Jɔab nɛ e la fo benapo be enimu na nɛ fo mbinyɛnsobiana kikɛ kejigboŋ na to, she fo pibinyɛn Sɔlɔmɔn nawule.

1 Bewura 1:24

Kumo be kaman nɛ e bishi le: “Yiramu, fo e kaŋɛ fanɛ fo kaman Adonija e naaŋ ki ewura n chena fo mputi so a?

1 Bewura 1:34

nɛ bɔrɛmatapo Zadɔk nɛ anebi Neetan e ya chulgi ŋku n do mbe kumu so m buu mo Israɛl be kuwura. Kumo be kaman nɛ men shin nɛ b foŋ kabel n shin nɛ ekama e cha awɔrso ŋ kaŋɛ le: ‘Ebɔrɛ e sa ewura Sɔlɔmɔn ŋkpa tenteŋ!’

1 Bewura 1:39

Ndoŋ nɛ bɔrɛmatapo Zadɔk nɛ anebi Neetan chulgi ɔlif be ŋku nɛ b ta ashi Enyɛnpe be wajɛbu na to na n wurge Sɔlɔmɔn be kumu so n buu mo kuwura nseŋ foŋ kabel nɛ basa na cha awɔrso ŋ kaŋɛ: “Ebɔrɛ e sa ewura Sɔlɔmɔn ŋkpa tenteŋ!”

1 Bewura 1:9

Kachako nɛ Adonija ta mbolpɔ nɛ egbolu nɛ anafɔlbi nɛ b daa walɛ eyurto n lara sarga ashi kefalta nɛ baa tre ‘Kuwɔ’, nɛ k mata kebuye nɛ baa tre Enrogɛl na ase. E daŋ tre mo sipo nyɛnsobiana nɛ ewura Deevid be benimuana nɛ b shi Juda na nna m ba loŋ be sarga be kejigboŋ na to.

1 Bewura 2:15

Ndoŋ nna nɛ Adonija kaŋɛ: “Fo nyi Israɛlebi kikɛ ka daa nyi fanɛ ma e daa shin nɛ ŋ ki ewura, ama Enyɛnpe Ebɔrɛ chɛrga asheŋ nseŋ ta n sipo Sɔlɔmɔn ŋ ki ewura.

2 Bewura 11:12

Kede be kaman nɛ Jehowada keta Jɔash n lar kowu nseŋ ta kuwurwuro m buu mo nseŋ n ta bewura be mbra be kawɔl n sa mo nseŋ chulgi ŋku n wurge mbe kumu so n ta mo ŋ ki ewura. Ndoŋ nna nɛ ekama na kpla enɔ nseŋ cha awɔr ŋ kaŋɛ le: “Ebɔrɛ e teŋi ewura na be ŋkpa so.”

2 Bewura 11:14

E ka ya wu ewura popɔr na nɛ e yili eshabɔrɛana na akpa ashi bɔrɛlambu na be kabuna be anishito be kakpa nɛ bewura bee chena na, nɛ benapo be benimu nɛ mbelfompoana yili ŋ kulti mo, nɛ basa na kikɛ bee cha awɔr kagbenefuli so nsaa foŋ mbel nɛ bɔrɛlambu to be beshɛbompoana bee juŋkpar kasheŋ wora na kikɛ, nɛ e kpɛa mbe asɔbuuso to kagbenejijaso nseŋ boŋto ŋ kaŋɛ le: “Menyi bedebɔrpo ere!”

2 Bewura 9:13

Epul to nɛ Jehu mo braana benimu na parga bumo be epiŋi to n deŋi ketempreŋ na so nɛ Jehu dii n yili so. Nɛ b foŋ mbel nseŋ cha awɔr ŋ kaŋɛ: “Jehu e la ewura!”

1 Kronikɛls 29:13

Anyi be Ebɔrɛ, kechɔrɔ nɛ kapandi e baa la fo peya.

1 Kronikɛls 29:21

Kumo be ŋklade, nɛ b mɔ asɔbɔya n lara esarga n sa Enyɛnpe Ebɔrɛ na. Kumo be kaman nɛ b mɔ egbolu kagboŋ nɛ ekpakpa kagboŋ nɛ ekpakpafɔlbi kagboŋ n chɔɔ n lara sarga bɔrɛsure na so n sa mo. B daŋ ta asɔnuuso gba n ti so n lara sarga na.

2 Kronikɛls 23:11

Ade kikɛ be kaman nɛ Jehowada nɛ mbe mbinyɛnsobi ya keta Jɔash n lar kowu nseŋ ta kuwurwuro m buu mo. Kumo be kaman nɛ b ta bewura be mbra be kawɔl n sa mo n ta mo ŋ ki ewura. Bɔrɛmatapo Jehowada nɛ mbe mbinyɛnsobi e daŋ duga ŋku n do Jɔash be kumu so n ta mo ŋ ki ewura, nɛ ekama cha awɔr ŋ kaŋɛ: “Ebɔrɛ e teŋi ewura be ŋkpa so!”

Matiu 21:9

Le nɛ jimaŋ nɛ b daŋ juŋkpar mo na nɛ bumo nɛ b daŋ bɛ mo so na kikɛ daa ponte a kaŋɛ: “Hosana e baa wɔ Ewura Deevid mo Nanabi so. Nɛfa la esa nɛ e shi Enyɛnpe be ketre to a ba na peya nna. Hosana e baa la Enyɛnpetale peya.”

Matiu 22:4

Ndoŋ nna nɛ e naŋ shuŋi anya ko n ti so ŋ kaŋɛ bumo: ‘Men ya kaŋɛ basa nɛ n tre na fanɛ n loge ma kejigboŋ be ajibi na. B teŋ bɛ ma ana nɛ amo be afɔlbi danso n loge nɛ kusɔ kama wora shiriya, amoso, men baa ba kejafɔ to be kejigboŋ na to.’

Luuk 19:38

Le nɛ b daŋ kaŋɛ: “Nɛfa la Ewura nɛ e shi Enyɛnpe be ketre to a ba na peya nna. Kagbenewushi e baa wɔ ebɔrɛso nɛ kemaŋkura e baa la Enyɛnpetale peya.”

1 Samuɛl 10:24

Ndoŋ nna nɛ Samuɛl kaŋɛ basa na le: “Kanyɛn nɛ Enyɛnpe Ebɔrɛ lara nna na! Esa kama maŋ du fanɛ mo.” Ndoŋ nna nɛ basa na kikɛ cha awɔr ŋ kaŋɛ le: “Ewura! Ebɔrɛ e sa fo ŋkpa tenteŋ!”