1 Tɛsalɔnikaebi 5:9 - EBƆRƐ BE KAWƆL

⁹ Ebɔrɛ maŋ lara anyi nna nɛ e ta mbe agbo n lɛ anyi so, ama e lara anyi nna nɛ an baa nya kumɔlga ashi Enyɛnpe Yesu Kristo to.

1 Tɛsalɔnikaebi 5:9 ပူးပေါင်းရင်းမြစ်များ

Job be kawɔl 23:14

Kusɔ nɛ e kre a laŋɛ ma kaplɛa so ashi mbe ŋkre damtaana to, kumo nɛ e beeŋ wora ma.

Ɛksodɔs 9:16

Ama ŋkpal ŋ ka bee sha fanɛ ŋ ŋini fo ma eleŋ so nɛ n shin nɛ fo kraa wɔtɔ na, saŋɛ na so durnya ere be esa kama beeŋ pin esa nɛ e la ma.

Aŋasa 16:4

Enyɛnpe Ebɔrɛ e nyi kusɔ so so nɛ e lɔŋɛ kusɔ kama nɛ e lɔŋɛ; E wora belubiworapo gba nna a jo bumo be kemur be kachɛ.

Matiu 26:24

Ma, Nyiŋgbasa Pibinyɛn bee yɔ luwu to fanɛ kananɛ b sibɛ n nase abɔrɛsibɛ na to na, ama asheŋ maaŋ nyalɛ n sa emo nɛ e beeŋ debɔr ma, Nyiŋgbasa Pibinyɛn na kikɛ. Nɛ b daa maŋ kurge loŋ be esa gba, k daa beeŋ baa bɔ mo so.”

Ashuŋ Shunso 1:20

Nɛ Pita naŋ kaŋɛ: “Le be esa ere be asheŋ nɛ b sibɛ Ebɔrɛ be Nshɛ be Kawɔl na to fanɛ: ‘A daga mbe kowu ka ki lambure nɛ esa kikɛ e sa maŋ kaa wɔ kumo to.’ Abɔrɛsibɛ na kraa kaŋɛ fanɛ: ‘A daga fanɛ esa pɔtɛ ko e sɔ mo so a shuŋ mbe kushuŋ.’

Ashuŋ Shunso 1:25

nɛ e baa la fo eshuŋipo a shuŋ kushuŋ nɛ Judas daa shuŋ nseŋ yige kumo n yɔ kakpa nɛ k daga mo na.”

Ashuŋ Shunso 13:48

Nnyamase na ka nu loŋ nɛ bumo be ŋgbene fuli bumo ga nɛ b yɛ Enyɛnpe be kubɔya na wɔ ebel. Nɛ bumo nɛ Ebɔrɛ lara fanɛ b nya Ebɔrɛ be ŋkpa nɛ k maŋ kɔ ekar na ki beyirdapo.

Romebi 11:30

An ta fanɛ menyi nnyamase le, saŋɛ na men daa maa nu a sa Ebɔrɛ, ama naniere e bee wu menyi kuwɔr nna ŋkpal Juwebi ka maa nu a sa mo so.

Romebi 11:7

To, naniere manɛ e naa wɔtɔ? Kusɔ nɛ k wɔtɔ e la fanɛ kusɔ nɛ Israɛlebi daŋ pere kenishi a fin na, b fin kumo ŋ gben, ama Ebɔrɛ be basa laraso na bre nya kumo nɛ basa nɛ b ka malɛ nya amu kpakpaso.

1 Tɛsalɔnikaebi 1:10

nɛ e shin nɛ e tiŋi luwu to na fanɛ e shi ebɔrɛso m ba. Mo koŋwule Yesu na e naa mɔlga anyi ashi Ebɔrɛ be agbo nɛ k bee ba na to.

1 Tɛsalɔnikaebi 3:3

Menyi alɛ gba nyi fanɛ etɔrɔ na gba la asɔ nɛ Ebɔrɛ yili fanɛ a wora nna.

1 Timoti 1:13

Ama e wu ma kuwɔr, ŋkpal manɛ so, ŋ ka daa maŋ yirda na so e shin nɛ n wora kawulisheŋ na.

1 Timoti 1:16

Ama Ebɔrɛ wu ma, alubiworapoana be ejuŋkparpo na kuwɔr nɛ e ŋini durnyaebi kananɛ Kristo Yesu be kanyiti ka shi nɛ b yirda mo nseŋ nya ŋkpa nɛ k maŋ kɔ ekar na.

2 Timoti 2:10

Amoso nɛ mee ji awurfoŋ ere be kanyiti ŋkpal Ebɔrɛ be basa laraso na so nɛ bumo alɛ gba e tiŋ m bɔla Kristo Yesu so n nya kumɔlga nɛ kemaŋkura nɛ k maŋ kɔ ekar na.

1 Pita 2:10

Saŋko men daa maŋ la Ebɔrɛ be basa, ama naniere men la mbe basa nna. Saŋko Ebɔrɛ daa maŋ wu menyi kuwɔr, ama naniere men nya mbe kuwɔr.

1 Pita 2:8

Baa fiti a tɔr nna ŋkpal b ka maŋ yirda kamalga na so, kusɔ nɛ Ebɔrɛ malɛ yili bumo nna na.

2 Pita 1:1

Kawɔl ere shi ma, Saimɔn Pita nɛ n la Yesu Kristo be kenya nɛ mbe eshuŋipo na kutɔ nna a yɔ menyi nɛ men bɔla Yesu Kristo an be Ebɔrɛ nɛ an be Emɔlgapo be kananɛ e niŋi ekpa so so n nya yirda koŋwule nɛ anyi alɛ gba kɔ na kutɔ. Anyi be yirda na maŋ kɔ ebarkasa kikɛ.

2 Pita 2:3

Beŋinipoana ere beeŋ bɔla bumo be kajɛ so n ta bumo gbagba be ablɔmbi n ta menyi n nyalɛ. Bumo alɛ be kasogberge dese n chɛr a jo bumo nɛ bumo be esa nɛ e beeŋ mur bumo na maa di.

Juud 1:4

Mee kaŋɛ le nna, ŋkpal manɛ so, basa ko mo nɛ b maa nu a sa Ebɔrɛ ŋana n nyia n luri menyi to a sha kechɛrga Ebɔrɛ be kuwɔr be kakɛ nɛ e kɔ a sa anyi na be kifito, saŋɛ na so baaŋ nya ekpa a wora kulubi kama nɛ baa sha. Baa kini Yesu Kristo gbagba mo nɛ mo nawule la an Nyɛnpe mo nɛ e bee ji anyi so kuwura na. Dra na malɛ kikɛ nɛ b sibɛ abɔrɛsibɛ na to a kaŋɛ fanɛ Ebɔrɛ beeŋ gberge loŋ be basa na kikɛ kusoe.