1 Tɛsalɔnikaebi 5:8 - EBƆRƐ BE KAWƆL

⁸ Amoso, a daga fanɛ an baa du boeŋ a maa boo nsa. An baa shin nɛ yirda nɛ kasha e baa buu anyi so fanɛ kebɛlso be kekpaŋkale nseŋ naa shin nɛ anyi be kumɔlga be tama malɛ gba e baa buu anyi so fanɛ kebɛlso be kekpaŋwuro.

1 Tɛsalɔnikaebi 5:8 ပူးပေါင်းရင်းမြစ်များ

Nshɛ 42:11

Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo; ma alɛ kraŋ beeŋ di fo epaŋ ŋkpal fo ka chɛ ma to so. Fo e la ma Ebɔrɛ.

Nshɛ 42:5

Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo; ma alɛ kraŋ beeŋ di fo epaŋ ŋkpal fo ka chɛ ma to so.

Nshɛ 43:5

Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo, ma alɛ kraŋ beeŋ di fo epaŋ ŋkpal fo ka chɛ ma to so. Fo alɛ e la ma Ebɔrɛ.

Aizaaya 59:17

E beeŋ ta keji asheŋ nɛ amo be ekpa so m buu fanɛ enapo be kebɛlso be kekpaŋkale nɛ kumɔlga malɛ gba m buu fanɛ enapo be kebɛlso be kekpaŋwuro. Mo alɛ beeŋ naŋ ta kewora asheŋ ekpa nɛ k daga so kenishipereso fanɛ kusɔbuuso m buu nseŋ sɔ basa nɛ baa ji awurfoŋ be kɔnɔ so ŋ ka kulubi kukɔ.

Nfabel 3:26

Amoso, a daga fanɛ anyi e baa wora kanyiti a jo Enyɛnpe Ebɔrɛ na nɛ e mɔlga anyi.

1 Kɔrintebi 13:13

Ama asheŋ ere kikɛ to asɔ nɛ a beeŋ baa wɔtɔ e la, yirda nɛ tama nɛ kasha, ama amo alɛ kikɛ be kejuŋkparso e la kasha.

2 Kɔrintebi 6:7

Amo alɛ nseŋ naŋ shi kashenteŋ be kamalga nɛ Ebɔrɛ be eleŋ to. An kɔ Ebɔrɛ be anishito be alelasheŋ nna fanɛ akɔsɔ a ta bena nɛ jiso a kɔ.

Galeeshaebi 5:5

Kusɔ nɛ anyi ere bee tama e la fanɛ Ebɔrɛ beeŋ shin nɛ anyi nɛ mo e ba abar so. Mbe Kiyoyu na be eleŋ to so nɛ loŋ be kesheŋ beeŋ bɔla anyi be yirda to n wora, kumo be loŋ malɛ nɛ anyee jo na.

Ɛfesesebi 6:11

Men baa ta Ebɔrɛ be akɔsɔ kikɛ nyam a buu a kre to, saŋɛ na so menyeeŋ tiŋ n yili n tu Setani na be kafulesheŋ ana.

Ɛfesesebi 6:23

Ebɔrɛ Etuto na nɛ Enyɛnpe Yesu Kristo e sa bekurgepoana na kagbenewushi nɛ kasha nɛ yirda.

1 Tɛsalɔnikaebi 5:5

Menyi kikɛ la kefulto to be basa nna, kapaso be basa. Anyi maŋ la kanyɛ ŋko tentembiri to be basa.

2 Tɛsalɔnikaebi 2:16

An Nyɛnpe Yesu Kristo gbagba nɛ Ebɔrɛ an Tuto nɛ e sha anyi nseŋ bɔla mbe kuwɔr be kakɛ so a leŋ anyi to mbaanaayɔ nsaa sa anyi tama lela na

Hibruwebi 6:19

Le be tama ere e shin nɛ anyi be yirda nɛ k wɔ anyi be ŋgbene to na bee wora eleŋ nɛnɛ a yili fanɛ kananɛ baa chɛ ekuloŋ a muni na a jo saŋɛ nɛ anyeeŋ nya n luri acheembiana to be kakpa cheembi to na.

1 Pita 1:13

Amoso, men bela men be amu ase nɛnɛ ashi men be nfɛraana to a jo asheŋ be kewora. Men baa kɔ nfɛra cheembi nseŋ ta men be tama kikɛ n wɔtɔ nɛfa mo nɛ menyeeŋ nya saŋɛ nɛ Ebɔrɛ beeŋ lara Yesu Kristo ŋ ŋini na.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

1 Jɔn 1:7

Ama nɛ fanɛ an baa na kefulto to fanɛ kananɛ e wɔ kefulto to na bre, kumo ere anyi nɛ an braana beeŋ baa kɔ kɔnɔkoŋwule be kebaawɔtɔ nɛ mo Pibinyɛn Yesu be ŋklaŋ nɛ a lar saŋɛ nɛ e wu na e baa fɔr kulubi kikɛ nyam ashi anyi be ŋgbene to.