1 Tɛsalɔnikaebi 5:6 - EBƆRƐ BE KAWƆL

⁶ Amoso, men sa maŋ shin nɛ an baa di fanɛ basa pɔtɛ. Men shin nɛ an baa keni a keta anyi be amu nɛnɛ.

1 Tɛsalɔnikaebi 5:6 ပူးပေါင်းရင်းမြစ်များ

Aŋasa 19:15

Nɛ fo kɔ ntɔl nsaa dese a di, akoŋ e naa mɔ fo.

Aizaaya 56:10

E yɛ: “Bejuŋkparpo nɛ b daga kekpele ma basa kusoe na kikɛ tan nna! B maŋ nyi shɛŋ. B du fanɛ njɔnɔ nɛ b maa gbu nna. Bumo peya e la kebaadese a di a ku edare. Baa sha edi nna ga!

Jona 1:6

Ndoŋ nna nɛ kuloŋgboŋ na be befarpo na be enimu yɔ Jona kutɔ n ya kaŋɛ mo le: “Fo ere dese a di nna a? Koso a shu a tre fo Ebɔrɛ. Ashere e beeŋ mɔlga anyi, nɛ an sa maŋ mur.”

Matiu 13:25

Kanyɛso ko ekama ka bee di nɛ mo doŋ ya duu asɔ duuso nɛ b maa ji n wɔtɔ asɔ duuso lela na to nseŋ choŋ.

Matiu 24:42

Amoso, men baa da so nɛnɛ, ŋkpal manɛ so, men maŋ nyi kachɛ nɛ ma, men Nyɛnpe beeŋ ba.

Matiu 25:13

To, men baa da so, ŋkpal manɛ so, kumo be kifito e la fanɛ men maŋ nyi kachɛ ŋko saŋɛ nɛ ma, Nyiŋgbasa Pibinyɛn na be keba na beeŋ fo.”

Matiu 25:5

Kijafɔ mo kul na daŋ chɛr ga nɛ edi pɛ bumo kikɛ nɛ b fara a di.

Matiu 26:38

Nɛ e kaŋɛ bumo le: “Kagbenejija nɛ k wɔ ma to ere shi ga, hale a sha keburi ma to m mɔ, men shir a wɔ nfe n tu ma a de so.”

Maak 13:37

Kusɔ nɛ mee kaŋɛ menyi nɛ mee kaŋɛ ekama: Men baa da so.”

Luuk 12:37

Bumo nɛ bumo nyɛnpe na beeŋ ba tu nɛ b bela ase a jo mo nsaa keni na beeŋ nu ebel ga. Enyɛnpe na gbagba beeŋ shin nɛ b chena nɛ e kre so n wora ajibi n sa bumo.

Luuk 12:39

Men baa nyi fanɛ laŋwura kama baa nyi saŋɛ nɛ eyu beeŋ ba mbe laŋ to e maaŋ shin nɛ eyu na e ba tintiŋ n luri mbe kowu m ba yuri.

Luuk 21:36

Amoso, men baa da so saŋkama a kule Ebɔrɛ eleŋ nɛ menyeeŋ tiŋ n ta n luri asheŋ nɛ a beeŋ wora ere kikɛ to n lar nseŋ tiŋ m ba yili ma, Nyiŋgbasa Pibinyɛn be anishito.”

Luuk 22:46

Nɛ e bishi bumo le: “Manɛ e ba nɛ menyee di? Men koso a kule Ebɔrɛ fanɛ men maaŋ luri kechɔŋkeni to.”

Ashuŋ Shunso 20:31

Amoso, men baa da so a nyiŋi kananɛ n daŋ shu n fiɛ menyi so kenishipereso kapa nɛ kanyɛ nfɛ asa a ŋini menyi be ekama asheŋ na.

1 Kɔrintebi 15:34

Men naŋ bɛta n nya nfɛra nsaa maŋ naa wora alubi kashenteŋto. Menyi be beko maŋ nyi Ebɔrɛ. Kesheŋ nɛ mee kaŋɛ menyi ere la men be anishinyɔr nna.

1 Kɔrintebi 16:13

Men baa da so a yil men be yirda na to kpakpa a kɔ kenyɛn nseŋ naa kɔ eleŋ.

Ɛfesesebi 2:3

Loŋ malɛ nɛ anyi kikɛ gba daa du saŋko a wɔ amo to a wora anyi be kapɔr lubi ere be aparsheŋ nsaa wora kumo be ayɛlgasɔ a fɛ kumo be nfɛra. Ŋkpal anyi be kapɔr lubi ere so anyi alɛ gba daa du fanɛ ekama nna a wɔ Ebɔrɛ be demuji be agbo to.

Ɛfesesebi 5:14

Amoso nɛ abɔrɛsibɛ na bee kaŋɛ le na fanɛ: “Edipo koso, niŋi to ŋ koso ashi luwu to nɛ Kristo e nyaŋɛ kefulto n yuu fo so.”

Ɛfesesebi 6:18

Jemanɛ kikɛ, men baa kule Ebɔrɛ ashi kiyoyu na to a ta kabɔrɛkule be yiri kikɛ nɛ asheŋ nɛ menyee sha fanɛ a wora kikɛ a kule Ebɔrɛ. Men baa kɔ le be asheŋ ere men be ŋgbene to nsaa keni so a de so nsaa kule Ebɔrɛ saŋkama a sa Ebɔrɛ be basa kikɛ.

Filipaiebi 4:5

Men shin nɛ ekama nyam e baa wu kananɛ men du boeŋ, ŋkpal manɛ so, Enyɛnpe na be keba taga to.

Kɔlɔsiebi 4:2

Men baa wɔ kabɔrɛkule kpakpaso to a de so nsaa chɔrɔ Ebɔrɛ men be kabɔrɛkule na to. Men baa kule a sa anyi alɛ gba nɛ Ebɔrɛ e sa anyi ekpa nɛ an kaŋɛ Yesu Kristo be asheŋ, kede e la wulo nɛ Ebɔrɛ daa maŋ naŋ bugi to ŋ ŋini basa na.

1 Tɛsalɔnikaebi 4:13

Bekurgepoana, anyee sha men ka pin beyirdapo nɛ b wu na be asheŋ nɛ men be ŋgbene e sa maŋ kaŋ jija menyi fanɛ basa nɛ b maŋ kɔ tama na.

1 Tɛsalɔnikaebi 5:10

Yesu na e wu n sa anyi, loŋ na e kaŋ ya bɛta m ba nɛ an wu ŋko an kraa keni, anyi nɛ mo beeŋ baa wɔtɔ.

1 Tɛsalɔnikaebi 5:8

Amoso, a daga fanɛ an baa du boeŋ a maa boo nsa. An baa shin nɛ yirda nɛ kasha e baa buu anyi so fanɛ kebɛlso be kekpaŋkale nseŋ naa shin nɛ anyi be kumɔlga be tama malɛ gba e baa buu anyi so fanɛ kebɛlso be kekpaŋwuro.

1 Timoti 2:15

Ama nɛ eche baa wɔtɔ a kurge nsaa yirda Ebɔrɛ nseŋ naa sha basa a kɔ kanyiasheŋ a wɔ kebaawɔtɔ cheembi to nsaa du boeŋ a wɔtɔ, e beeŋ nya kumɔlga.

1 Timoti 2:9

Mee sha nna fanɛ beche malɛ e baa nyi asheŋ nsaa buu asɔ nɛ a bee kukwe a yulge bumo so nɛnɛ. B sa maa kre bumo be amu kenyishaso ŋko a buu yawu kpakpaso be asɔbuuso ŋko a wɔtɔ shuwa nɛ yawu kpakpaso be abitasɔ nsaa wu bumo be amu kamoowuso.

1 Timoti 3:11

Bumo be beche gba e baa kɔ da lela nsaa maa ji bumo braana be asheŋ. A daga fanɛ b baa fɛ nfɛra dede a la beshenteŋjipo.

1 Timoti 3:2

Amoso, a daga fanɛ asɔri to be ejuŋkparpo e baa la esa nɛ e maŋ kɔ amoso. A daga fanɛ e baa la eche koŋwule wura a nyi asheŋ a maa nya agbo jigajiga, ama e baa fɛ nfɛra dede a la esa nɛ basa bee sa bunyaŋ. A daga fanɛ e baa la esa a sha basa nsaa tiŋ a ŋini basa abɔrɛsheŋ na nɛnɛ.

2 Timoti 4:5

Fo ere, baa kɔ fo kumu to nɛnɛ kusɔ kama to. Baa ji tɔrɔ be kanyiti nsaa wora kushuŋ nɛ k daga fanɛ baru lela be emalgapo kaa bee wora. Baa shuŋ kushuŋ nɛ Ebɔrɛ ta m bɔɔ fo enɔ na kikɛ nyam.

Taites 2:12

Le be kuwɔr be kakɛ ere e naa ŋini anyi fanɛ an yige kabɔrɛfɛl nɛ durnya to be ayɛlgasɔ nsaa wɔ kamootiŋ nɛ kashenteŋ nɛ kabɔrɛŋana be kebaawɔtɔ to anyi be jemanɛ ere to.

Taites 2:6

Loŋ koŋwule na e daga fo ka kaŋɛ mbrantiɛbiana na fanɛ b baa tiŋ bumo be amu.

1 Pita 1:13

Amoso, men bela men be amu ase nɛnɛ ashi men be nfɛraana to a jo asheŋ be kewora. Men baa kɔ nfɛra cheembi nseŋ ta men be tama kikɛ n wɔtɔ nɛfa mo nɛ menyeeŋ nya saŋɛ nɛ Ebɔrɛ beeŋ lara Yesu Kristo ŋ ŋini na.

1 Pita 4:7

Asɔ kikɛ be ekar be jemanɛ na bee taga to nna na, amoso, men baa kɔ nfɛra niŋiso nsaa tiŋ men be amu, saŋɛ na so menyeeŋ tiŋ ŋ kule Ebɔrɛ nɛnɛ.

1 Pita 5:8

Men baa da so n shin nɛ men be nfɛra e baa niŋi, ŋkpal manɛ so, men doŋ alubipo na wɔtɔ nna a kilgi to fanɛ buluŋ a fin esa nɛ e beeŋ mur.

Kelaraŋŋini 16:15

“Men nu nfe, meeŋ ba menyi to fanɛ eyu. Kagbenefuli baa la ekama nɛ e maa di, mo alɛ nsaa kɔ mbe asɔbuuso to na peya nna, saŋɛ na so, e maaŋ delge so n nite nɛ anishinyɔr e pɛ mo.”

Kelaraŋŋini 3:2

Men tiŋi ashi loŋ be kebaawɔtɔ na to nseŋ wɔtɔ men be kabɔrɛbɛso na be mboŋ nɛ a ka a shin nɛ a mur na eleŋ to, nɛ mannɛ aloŋ, amo alɛ gba beeŋ mur kuraa. Ŋkpal manɛ so, m maŋ wu men be aworbi ka walɛ a bɔlɔ ma Ebɔrɛ be kenishi.