1 Tɛsalɔnikaebi 5:21 - EBƆRƐ BE KAWƆL

²¹ Men baa wora asɔ kikɛ a keni, kusɔ kama nɛ k walɛ, men baa kɔ kumo to kpakpa

1 Tɛsalɔnikaebi 5:21 ပူးပေါင်းရင်းမြစ်များ

Aŋasa 23:23

Jija amansherbi ŋ koya kashenteŋji nɛ kanyiasheŋ nɛ kamootiŋ. Sa maŋ yige amo n lɛ kikɛ.

Aŋasa 3:1

M pibinyɛn, sa maŋ kaŋ teŋ asɔ nɛ mee ŋini fo na so. Baa nyiŋi asɔ nɛ mee kaŋɛ fo fanɛ fo baa wora na saŋkikɛ.

Aŋasa 4:13

Baa nyiŋi asɔ nɛ fo koya na saŋkikɛ, nsaa kɔ amo to kpakpa, ŋkpal manɛ so kusɔ nɛ fo koya e la fo ŋkpa.

Sɔlɔmɔn 3:4

Ma nɛ bumo ka baŋ barga abar gbrɛ nɛ n wu ŋ jipo. Nɛ n far n chɛ mo kiŋkiŋ; M maŋ naŋ yige mo to. Kumo be kaman nɛ ŋ keta mo n yɔ n nio be ebu to; ebu nɛ b kurge ma kumo to na gbagba to.

Aizaaya 8:20

Ndoŋ nna nɛ men kaŋɛ bumo le: “Men baa nu kusɔ nɛ Enyɛnpe Ebɔrɛ na bee ŋini menyi nsaa maa nu a sa bekpalpo nɛ belejipo, ŋkpal manɛ so kusɔ nɛ baaŋ kaŋɛ menyi na maaŋ tiŋ n lara menyi ashi etɔrɔ to. Kare maaŋ chɛ bekama nɛ baa malga le ere be ekama!

Luuk 12:57

“Nɛ manɛ e ba nɛ men gbagba maa pin kusɔ nɛ k daga fanɛ men wora to?

Baru lela nɛ Jɔn kute na 15:4

Men baa wɔ ma to nɛ ma alɛ gba e baa wɔ menyi to. Kedibi be keyabi kama nawule maaŋ tiŋ n sɔr asɔrso ama k baa chɔɔ kedibi na gbagba so nna. Menyi alɛ gba maaŋ tiŋ n nya asɔrso kama ama men baa wɔ ma to nna.

Baru lela nɛ Jɔn kute na 8:31

Juwebi nɛ b daŋ yirda mo na, le nɛ Yesu daŋ kaŋɛ bumo: “Nɛ men baa bɛ ma keŋini ere so, menyeeŋ baa la ma bebɛsopo kashenteŋto.

Ashuŋ Shunso 11:23

E ka ba ndoŋ m ba wu kananɛ Ebɔrɛ nɛfa basa na nɛ mbe kagbene fuli mo ga nɛ e leŋ bumo kikɛ to fanɛ b bugi bumo be ŋgbene kikɛ kashenteŋto a nu a sa Enyɛnpe na.

Ashuŋ Shunso 14:22

Kumo be kaman nɛ b bɛta n yɔ Listra nɛ Ikoniam nɛ Pisidia be Antiɔk a wushi beyirdapoana na be ŋgbene nseŋ naa leŋ bumo to fanɛ b baa kɔ yirda nɛ kashenteŋto kpakpa. Le nɛ b daŋ naa kaŋɛ bumo: “An kikɛ beeŋ luri etɔrɔ damta to pɔɛŋ nseŋ luri Ebɔrɛ be kuwura na to.”

Ashuŋ Shunso 17:11

Ndoŋebi bre daŋ bugi bumo be asoe a sha kenu kubɔya na ga nsaa koya abɔrɛsibɛ na kachɛ kama a keni ŋko Pɔɔl be mmalga na bɔla ekpa a.

Romebi 12:2

Men sa maa ta menyi be ŋgbene a wɔtɔ durnya ere to ebi be asheŋ to, men shin nɛ Ebɔrɛ e chɛrga menyi be ŋgbene n sa menyi nɛ men nya nfɛra popɔr. Saŋɛ na so nɛ menyeeŋ tiŋ m pin kusɔ nɛ Ebɔrɛ bee sha, kumo e la fanɛ alelasheŋ, mbe aparsheŋ nɛ asɔ nɛ a daga.

Romebi 12:9

Men shin nɛ menyi be kasha e baa la kashenteŋ be kasha. Men baa kishi alubisheŋ nsaa far a chɛ alelasheŋ.

1 Kɔrintebi 15:58

Amoso ŋ kurgepo shasoana, men baa yil to kpakpa. Men sa maŋ shin nɛ shɛŋ shɛŋ e tia menyi ashi to. Saŋkikɛ men baa ta men be ŋgbene kikɛ a wɔtɔ Enyɛnpe be kushuŋ na to, ŋkpal manɛ so, menyi alɛ gba baa nyi fanɛ men be kegben nɛ menyee gben a sa Enyɛnpe na maaŋ to jiga kikɛ.

1 Kɔrintebi 2:11

Esa kikɛ maa pin esa kama be nfɛra to she esa na wura gbagba be kiyoyu e nyi mo to. Loŋ koŋwule na malɛ nɛ esa kikɛ maaŋ tiŋ m pin Ebɔrɛ be nfɛra to she Ebɔrɛ be Kiyoyu na nawule.

Galeeshaebi 6:10

Amoso, kananɛ an kraŋ baa kɔ ekpa naniere bre, men shin nɛ an baa wora basa kikɛ kelela, fɔnfɔŋ bumo nɛ b la an braana beyirdapo na.

Ɛfesesebi 5:10

Men baa wora ania a pin asɔ nɛ a bee par Ebɔrɛ.

Filipaiebi 1:10

Saŋɛ na so menyeeŋ tiŋ m pin kusɔ nɛ k chɔ kekama kela n lara kumo. Nɛ loŋ e shin nɛ kulubi kikɛ e sa maŋ mata menyi so nsaa maŋ naŋ shin nɛ b kaŋɛ fanɛ men ji n lar ŋ gben kachɛ nɛ Kristo beeŋ naŋ ba na.

Filipaiebi 3:16

Kusɔ nɛ k tir e la fanɛ men shin nɛ an ba kraa wɔtɔ a bɛ asɔ nɛ an chɛr a bɛ so na so.

Filipaiebi 4:8

Ŋ kurgepoana, ma kamalga be ekar nde fanɛ men shin nɛ asɔ lela nɛ a daga kapandi e bɔlɔ men be nfɛra to. Loŋ be asɔ na e la kashenteŋ be asɔ nɛ asɔ nɛ a maŋ kɔ eyurpi amo to nɛ asɔ nɛ amo be asheŋ bee bɔla ekpa nɛ asɔ nɛ a bee par basa nɛ asɔ nɛ a walɛ kenya nɛ asɔ nɛ a daga kesa bunyaŋ. Loŋ be asɔ ere kikɛ e daga fanɛ men baa fɛ amo be asheŋ.

1 Tɛsalɔnikaebi 5:15

Men baa da so nɛ men be ekama e sa maŋ kaŋ ta kulubi ŋ ka kulubi be kukɔ, ama saŋkama men baa wora abar nɛ basa kikɛ kelela.

1 Tɛsalɔnikaebi 5:22

m barga menyi be amu ashi kulubi be yiri kikɛ to.

2 Tɛsalɔnikaebi 2:15

Amoso, bekurgepoana, men baa kɔ men be amu to kpakpa a kɔ kashenteŋ nɛ an ta abɔrɛsheŋ be kemalga nɛ kawɔl be kesibɛ ŋ ŋini menyi na to kpakpa.

2 Timoti 1:15

Fo nyi fanɛ Eeshia be efuli so ebi kikɛ hale Figɛles nɛ Hɛmɔjines gba yige ma n to ŋko?

2 Timoti 3:6

Bumo to be beko e naa ŋana a luri basa peana a pɔɔ beche nɛ b maa tiŋ a keta bumo be amu so na. Loŋ be beche, alubi e nyaŋ bumo ŋ keta nɛ ayɛlgasɔ be yiri kikɛ kɔ bumo to a wora kusɔ kama.

2 Timoti 4:14

Alɛkzaanda bɔyɛpo shuŋ ma ashuŋ lubi damta ga. Enyɛnpe bee ka mo mbe ashuŋ na be kukɔ.

Hibruwebi 10:23

Men shin nɛ an baa kɔ anyi be shɛda na to kpakpa nsaa maa gbuŋgbuŋ to, ŋkpal manɛ so, esa nɛ e nase kɔnɔ n sa anyi na maa yɛ asheŋ a chɛrga kɔnɔ kikɛ.

1 Jɔn 4:1

N teri shasoana, men sa maa yirda basa kama nɛ baa kaŋɛ fanɛ Ebɔrɛ be Kiyoyu wɔ bumo to. Men baa wora bumo a keni ŋko ayoyu mo nɛ b kɔ na shi Ebɔrɛ kutɔ nna ŋko a maŋ shi mo kutɔ, ŋkpal manɛ so, anebi fɛpo damtaana lar n luri durnya to.

Kelaraŋŋini 2:2

N nyi men be aworbi kikɛ a nyi kananɛ men shuŋ ga nseŋ naa nyi kananɛ men kɔ kanyiti a yil to. N nyi kananɛ menyi nɛ basa lubi maaŋ tiŋ n chena nsaa nyi fanɛ men wora basa nɛ b yɛ b la beshuŋipoana, bumo alɛ ŋkaa maŋ la na ŋ keni n wu fanɛ befɛpo e la bumo.

Kelaraŋŋini 2:25

Ama men baa kɔ asɔ nɛ men tea kɔ ere to hale nɛ n ya ba.

Kelaraŋŋini 3:11

M maaŋ naŋ chɛr nseŋ ba, men baa kɔ kusɔ nɛ men tea kɔ to na to kpakpa nɛ esa kikɛ e sa maŋ tiŋ n sɔ men be kekɔmpɔɔso be tɔnɔ.

Kelaraŋŋini 3:3

Amoso, men baa nyiŋi asɔ nɛ men daŋ sɔ nseŋ nu na kikɛ. Men baa bɛ amo so nseŋ lar alubi to. Nɛ men baŋ maŋ tiŋi men be loŋ be kebaawɔtɔ na to, meeŋ ba fanɛ eyu nɛ men maaŋ pin saŋɛ nɛ meeŋ purgi menyi.