Kachako nɛ Enyɛnpetale kaŋɛ: “M maaŋ shin nɛ kiyoyu nɛ n ta n wɔtɔ dimɛdi to na e baa wɔ mo to mbaanaayɔ, ŋkpal manɛ so, e la eyur nɛ ŋklaŋ nna, amoso e beeŋ ji nfɛ kalfa nɛ adunyɔ nawule nna durnya ere to.”
Nfɛ damta nɛ fo kpele bumo kusoe kanyitiso, fo Kiyoyu malɛ bɔla anebiana so m malga kenishipereso n sa bumo, ama b kini kenu n sa fo. Amoso nɛ fo ta bumo bɔɔ bumo doŋana enɔ na.
Ade be kaman nɛ Enyɛnpe Ebɔrɛ be basa na lar mo kaman ŋ kilgi a kɔ mo nɛ mbe Kiyoyu Cheeŋ na be kagbene jija mo ga. Amoso Enyɛnpe Ebɔrɛ ki bumo doŋ nna nseŋ kɔ bumo.
Men kɔ amu kpakpaso ga. Menyi be ŋgbene du fanɛ nnyamase peya nna, men maŋ kɔ Ebɔrɛ be kubɔya na be asoe. Menyi nɛ men nanaana baa la kukoŋwule nna. Menyi alɛ gba maa nu a sa Kiyoyu Cheeŋ na.
Ama nɛ abɔrɛsheŋ be ewuŋkaŋɛpo kama nɛ e bee malga nɛ kelaraŋŋini be kubɔya ko shi Ebɔrɛ kutɔ m ba esa ko nɛ e tase nshɛr na to na kutɔ, ewuŋkaŋɛpo na e lo to.
Saŋkikɛ men baa kɔ yirda to fanɛ kebɛlso be kusɔ kuŋkumuso. Yirda na nɛ menyeeŋ tiŋ n ta n duŋ Setani be atanyembi nɛ a bɛl m pere fanɛ ajanwulɛbi nɛ e kɔ a tu menyi na.
Loŋ na fo maaŋ gal kusɔ nɛ Ebɔrɛ ta m bɔɔ fo enɔ fanɛ fo wora saŋɛ nɛ basa wu fo asheŋ ŋ kaŋɛ nɛ benimu daŋ ta enɔana n deŋi fo so ŋ kule Ebɔrɛ n sa fo na n lɛ.
Amoso nɛ mee nyiŋi fo fanɛ fo shin nɛ kakɛ nɛ Ebɔrɛ daŋ ta n wɔtɔ fo to saŋɛ nɛ n daŋ ta ma enɔana n deŋi fo so kabɔrɛkule to na e baa wora keshi a nyɛrga a ti so fanɛ edɛ na.
Ndoŋ nna nɛ Samuɛl wora kusɔ nɛ Enyɛnpe Ebɔrɛ kaŋɛ fanɛ e wora na nseŋ yɔ Bɛtlɛhɛm, nɛ ndoŋ be benimuana na ba mo kutɔ m ba kaa chicha kufuso, nseŋ bishi le: “Kagbenewushi so nɛ fo ba ere a?”
