1 Tɛsalɔnikaebi 5:15 - EBƆRƐ BE KAWƆL

¹⁵ Men baa da so nɛ men be ekama e sa maŋ kaŋ ta kulubi ŋ ka kulubi be kukɔ, ama saŋkama men baa wora abar nɛ basa kikɛ kelela.

1 Tɛsalɔnikaebi 5:15 ပူးပေါင်းရင်းမြစ်များ

Jɛnesis 45:24

Ade kikɛ be kaman nɛ e sa mo daana nɛ mo sipo ekpa. B ka bee yɔ nɛ e kaŋɛ bumo: “Men sa maŋ ya kaa bile ekpa to!”

Nshɛ 38:20

Baa ta kulubi nna a ka ma kelela be kukɔ, nsaa malga a gbiti ma ŋkpal ŋ kaa bee wora alela so.

Nshɛ 7:4

ŋko n lar nlɔpo kikɛ kaman, ŋko ŋ kɔ n sɔ n doŋ be asɔ nɛ e maŋ wora shɛŋ;

Aŋasa 17:13

Fo baa ta kulubi a ka kelela be kukɔ, alubi maaŋ lar fo laŋ to kikɛ.

Aŋasa 20:22

Sa maa kɔ a fin kewora n tal esa nɛ e wora fo kulubi to. Shin nɛ Enyɛnpe Ebɔrɛ e bishi kuwule n sa fo.

Aŋasa 24:17

Sa maŋ shin nɛ fo doŋ be tɔrɔ e baa fuli fo kagbene. Fo doŋ baŋ fiti n tɔr, sa maa mushe.

Aŋasa 24:29

Sa maŋ kaŋɛ fanɛ: “Meeŋ wora mo n tal to.”

Aŋasa 25:21

Nɛ akoŋ kɔ fo doŋ fo sa mo ajibi nɛ e ji, nɛ achukoŋ kɔ mo fo sa mo nchu nɛ e nuu.

Levitikɔs 19:18

Sa maŋ kaŋ wora n tal esa kikɛ to ŋkpal kulubi so ŋko n nya yurkishi fo kagbene to n sa esa, ama baa sha fo barkasa fanɛ fo kumu. Ma e la Enyɛnpe Ebɔrɛ na.

Matiu 5:39

Ama ma e kaŋɛ menyi na fanɛ, nɛ esa lubi ko wora menyi kulubi, men sa maŋ wora mo kulubi n tal to. Nɛ esa baŋ kpa fo jisoso be ketaya etaŋ, fo naŋ kilgi fo bena so be ketaya gba n sa mo.

Luuk 6:35

Men baa sha men doŋana nsaa wora bumo kelela. Men sa maa ta men be asɔ a paŋ basa nsaa tama kebɛta n nya tɔnɔ kama ashi bumo kutɔ. Loŋ nɛ menyeeŋ nya tɔnɔgboŋ nseŋ ki Enyɛnpetale Ebɔrɛ na be mbia. Ebɔrɛ gba bee wora ebutuli nɛ dalubiwuraana kelela.

Ashuŋ Shunso 16:28

Ndoŋ nna nɛ Pɔɔl boŋ to awɔrso ga ŋ kaŋɛ: “Sa maŋ doro fo kumu. Anyi kikɛ wɔtɔ.”

Romebi 12:9

Men shin nɛ menyi be kasha e baa la kashenteŋ be kasha. Men baa kishi alubisheŋ nsaa far a chɛ alelasheŋ.

Romebi 14:19

Amoso, men shin nɛ an baa wora ania saŋkikɛ a wora asheŋ nɛ a bee bar kagbenewushi nɛ asheŋ nɛ a beeŋ tiŋ n chɛ to n shin nɛ an baa leŋ abar to.

1 Kɔrintebi 14:1

Amoso, men baa kɔ a fin kasha nseŋ ta menyi be ŋgbene kikɛ n fin ŋkɛ mo nɛ a shi Kiyoyu na kutɔ na, fɔnfɔŋ kewu abɔrɛsheŋ ŋ kaŋɛ be kakɛ na.

1 Kɔrintebi 16:10

Timoti kaŋ ba, men keta mo nɛnɛ nsaa maŋ shin nɛ kufu e pɛ mo fanɛ efɔ, ŋkpal manɛ so, mo alɛ gba bee shuŋ Enyɛnpe na be kushuŋ nna fanɛ ma.

1 Kɔrintebi 6:7

Men ka baa kɔ asheŋ menyi to ere e naa ŋini fanɛ men tɔr kashenteŋto pasaa. Men daa maaŋ tiŋ n shuli kejija nna n sa abar ŋkaa maaŋ yɛr abar demujikpa a? Keshuli n shin nɛ b puni menyi maŋ bɔ keyɛr abar demujikpa a?

Galeeshaebi 6:10

Amoso, kananɛ an kraŋ baa kɔ ekpa naniere bre, men shin nɛ an baa wora basa kikɛ kelela, fɔnfɔŋ bumo nɛ b la an braana beyirdapo na.

Ɛfesesebi 5:15

Amoso, men baa de men be kebaawɔtɔ so nɛnɛ fanɛ benyiashempo, mannɛ fanɛ bewulpo.

Ɛfesesebi 5:33

Ama a daga fanɛ men be ekama gba e baa sha mbe eche fanɛ kananɛ e bee sha mo gbagba be kumu, nɛ eche kama malɛ e baa bunyaŋ mo kul.

Ditɛronɔmi 16:20

Nɛ menyi Israɛlebi bee sha kechena kayurwushi so n chɛr, kumo ere men ta kashenteŋji n chena abar so kasawule nɛ Enyɛnpe menyi be Ebɔrɛ bee sa menyi ere so.

1 Tɛsalɔnikaebi 2:12

An daa leŋ menyi to a lɔlɔ menyi nseŋ daa kaŋɛ menyi kananɛ menyeeŋ baa wora nɛ menyi be kebaawɔtɔ e baa par Ebɔrɛ nɛ e bee tre menyi a ba mbe kuwura nɛ kemaŋkura na to na.

1 Tɛsalɔnikaebi 5:21

Men baa wora asɔ kikɛ a keni, kusɔ kama nɛ k walɛ, men baa kɔ kumo to kpakpa

1 Timoti 6:11

Ama fo ere ka la Ebɔrɛ be esa ere, baa gelge le be asɔ ere kikɛ nsaa kɔ a fin alelasheŋ nɛ abɔrɛsheŋ be kebaawɔtɔ nɛ yirda nɛ kasha nɛ awurfoŋ to be kanyiti nsaa du boeŋ.

2 Timoti 2:24

A maŋ daga Enyɛnpe malɛ be kenya ka bee kɔ nlu. A daga fanɛ e baa la esa basa kikɛ kutɔ nseŋ naa la eŋinipo lela nɛ e kɔ kanyiti

Taites 3:2

Kaŋɛ bumo fanɛ b sa maa malga alubi a gbiti esa kikɛ, bumo alɛ e sa maŋ la basa nɛ baa bar kebagato, ama b baa sha basa keteri nsaa ta da nɛ k du boeŋ a ŋini basa kikɛ.

Hibruwebi 12:14

Men wora ania nɛ menyi nɛ basa kikɛ e baa wɔ ebel nɛ men baa kɔ kebaawɔtɔ cheembiana, ŋkpal manɛ so, esa kama maaŋ wu Ebɔrɛ na ama amodoŋwura baa kɔ kebaawɔtɔ cheembi nna.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.

1 Pita 2:17

Men baa sa basa kikɛ bunyaŋ nsaa sha bekurgepoana na kikɛ. Men baa ŋana Ebɔrɛ nsaa bunyaŋ men be efuli so be ewurgboŋ na.

1 Pita 3:9

Men sa maa laŋɛ kulubi a ka kulubi ŋko a laŋɛ katege a ka katege. Ama kusɔ nɛ k daga e la fanɛ men baa nɛfa basa nɛ baa wora menyi loŋ be alubiana, ŋkpal manɛ so, Ebɔrɛ ka tre menyi na, nɛfa nɛ e nase kɔnɔ fanɛ e beeŋ sa menyi.

3 Jɔn 1:11

N teri shaso, sa maa kute asheŋ lubi to, baa kute asheŋ lela to. Esa kama nɛ e bee wora alela la Ebɔrɛ peya nna, ama ekama nɛ e bee wora alubi maŋ naŋ wu Ebɔrɛ.

Kelaraŋŋini 19:10

Ndoŋ nna nɛ ŋ gbir n dese kasawule mbe anishito nɛ m maŋ mo so nɛ e kaŋɛ ma: “A maŋ daga fanɛ fo wora loŋ, ŋkpal manɛ so, n la fo barkasa kenya nna fanɛ fo nɛ fo niopibiana nɛ b bɛ Yesu be shɛda be ekpa so na, Ebɔrɛ e daga fanɛ fo baa maŋ mo so.” Ŋkpal manɛ so, kashenteŋ mo nɛ Yesu lara ŋ ŋini na e la Kiyoyu mo nɛ e bee leŋ anebiana na to.

Kelaraŋŋini 22:9

nɛ e kaŋɛ ma le: “A maŋ daga fanɛ fo wora loŋ. Ma alɛ gba la fo nɛ fo niopibiana anebiana nɛ bumo nɛ baa ta kawɔl ere to be mmalga a wɔtɔ bumo be ŋgbene to na bumo barkasa kenya nna. Ebɔrɛ e daga fanɛ fo baa maŋ mo so.”

1 Samuɛl 24:13

Dra kikɛ nɛ baa bɔ keŋasa a kaŋɛ fanɛ: ‘Basa lubi e naa wora kulubi.’ Amoso ma ere maaŋ wora fo kulubi kikɛ.