1 Tɛsalɔnikaebi 5:14 - EBƆRƐ BE KAWƆL

¹⁴ Anyee kule menyi bekurgepoana, men fiɛ betɔlpoana na so nseŋ leŋ befupo to n chɛ bepɔshipo malɛ gba to a ji bumo kikɛ kanyiti.

1 Tɛsalɔnikaebi 5:14 ပူးပေါင်းရင်းမြစ်များ

Aizaaya 40:11

Enyɛnpe Ebɔrɛ na bee keni mbe efuli so nna, fanɛ kananɛ mbolpɔkpapo bee keni mbe mbolpɔ so na. E bee ta mbolpɔbi na nna a di ŋkɔŋ, nsaa juŋkpar mbolpɔ nioana na malɛ boeŋ boeŋ.

Aizaaya 63:9

Enyɛnpe Ebɔrɛ na ka wu mbe basa ka wɔ etɔrɔ to nɛ k tɔrɔ mo ga nɛ e shuŋi mbe malaika nɛ e ba mɔlga bumo ashi awurfoŋ na to. Kashenteŋto Enyɛnpe Ebɔrɛ na bee wu kuwɔr pasaa, amoso nɛ e kɔ n suge mbe basa na. Mbe enɔ to nɛ e keta bumo nfɛ damta nɛ a choŋ ere kikɛ na.

Jɛremaya 6:12

Meeŋ gberge Juda be basa kusoe nseŋ ta bumo be nwu nɛ adɔsawule nɛ bumo be beche n sa basa pɔtɛ.

Ezikɛl 34:16

Ma alɛ beeŋ fin bumo be bumo nɛ foe na nseŋ bɛta bumo nɛ yeŋ na m ba. Kumo be kaman nɛ ŋ kre bumo nɛ b doro na be achuu nseŋ chɛ bumo nɛ baa lɔ na. Ama bekama nɛ b ji n daŋ nsaa kɔ eleŋ na bre, meeŋ mur bumo, ŋkpal manɛ so, n la mbolpɔkpapo nɛ e bee wora kusɔ nɛ k daga nna.

Matiu 12:20

E maaŋ bu kejolobi kɔnto gba to ŋko n duŋ fitila nɛ k maa wu nɛnɛ. Kede e naa ŋini fanɛ e maaŋ pɔ aba kikɛ, hale nɛ kashenteŋ be keji e ya sɔ kejuŋkpar.

Luuk 22:32

ama ŋ kule Ebɔrɛ n sa fo fanɛ fo yirda e tiŋ a kɔ fo to kpakpa a yil. Nɛ fo alɛ ka baŋ lar loŋ be kebaawɔtɔ na to, fo leŋ fo kurgepoana na to.”

Ashuŋ Shunso 20:27

ŋkpal manɛ so, m maŋ ta kusɔ nɛ Ebɔrɛ yili fanɛ e beeŋ wora na ŋ ŋana menyi so.

Ashuŋ Shunso 20:31

Amoso, men baa da so a nyiŋi kananɛ n daŋ shu n fiɛ menyi so kenishipereso kapa nɛ kanyɛ nfɛ asa a ŋini menyi be ekama asheŋ na.

Ashuŋ Shunso 20:35

M bɔla kusɔ kama to ŋ ŋini menyi fanɛ kebaashuŋ le ere nɛ anyee chɛ bepɔshipo to nsaa nyiŋi Enyɛnpe Yesu gbagba be mmalga nɛ e kaŋɛ na: ‘Kakɛ kɔ kagbenefuli a chɔ kesɔ.’ ”

Romebi 12:1

To, ŋ kurgepoana, ŋkpal Ebɔrɛ be kuwɔr be kakɛ damta nɛ e wu anyi na so, mee kule menyi nna nɛ men ta menyi be amu n sa Ebɔrɛ fanɛ sarga nɛ k wɔ ŋkpa to a du cheembi a par Ebɔrɛ. Menyi be kabɔrɛshuŋ nɛ men kɔ a di Ebɔrɛ epaŋ nna na.

Romebi 14:1

Men baa sɔ ekama nɛ e maŋ kɔ eleŋ ashi yirda na to na a wɔtɔ menyi to, ama menyi nɛ mo e sa maa ji emɔrɔ a yɔ mbe asheŋ fɛso be kaplɛa so.

1 Kɔrintebi 4:14

M maa sibɛ asɔ ere nna a sa menyi nɛ n ta anishinyɔr m pɛ menyi, ama mee sibɛ amo nna nɛ n niŋi menyi ekpa ŋkpal men ka la ma mbia shaso so.

1 Kɔrintebi 8:7

Anyi alɛ nyi le be asheŋ ere, ama mannɛ ekama e kɔ le be kanyiasheŋ ere bre. Hale mbre, agbirshuŋ baŋ luri basa be nfɛra to nna ga nɛ baa fɛ fanɛ nɛ baa ji nlɔŋɛjibi, kegbir gbagba be ajibi nɛ baa ji. Bumo alɛ be nfɛra ka maŋ kɔ eleŋ so a maa dese bumo nsaa wora bumo fanɛ b luri eyurpi to nna na.

Galeeshaebi 5:22

Ama nɛ Kiyoyu na baa wɔ esa to, le be asɔ lela ere e du fanɛ kusɔrso a wɔ amodoŋwura to nɛ e bee wora: Kasha nɛ kagbenefuli nɛ kagbenewushi nɛ kanyiti nɛ kebaala esa nɛ alelasheŋ nɛ kebaayɛ a wora

Ɛfesesebi 4:2

Saŋkikɛ men baa bar men be amu ase a du boeŋ nsaa kɔ kanyiti a chɛ abar to a ŋini kasha nɛ k wɔ menyi to na.

Ɛfesesebi 4:32

Kebaawɔtɔ nɛ k daga fanɛ men baa kɔ e la fanɛ men baa la basa a wu abar kuwɔr nsaa ta abar be alubi a paŋ abar fanɛ kananɛ Ebɔrɛ bɔla Kristo so n ta men be alubi m paŋ menyi na.

Kɔlɔsiebi 1:28

Yesu Kristo be asheŋ nɛ anyee malga a sa basa kikɛ a fiɛ ekama so nsaa ŋini bumo kanyiashenso nɛ an shin nɛ ekama e pin Yesu Kristo nɛnɛ.

2 Tɛsalɔnikaebi 3:15

Men sa maŋ ta mo ŋ ki men doŋ, ama men fiɛ mo so fanɛ ekurgepo.

1 Timoti 3:3

E sa maa nuu nsa ga ŋko a la esa brembreŋ, ama a daga fanɛ e baa du boeŋ nsaa maa la elushapo ŋko a ta mbe kagbene a wɔtɔ amansherbi to.

1 Timoti 6:11

Ama fo ere ka la Ebɔrɛ be esa ere, baa gelge le be asɔ ere kikɛ nsaa kɔ a fin alelasheŋ nɛ abɔrɛsheŋ be kebaawɔtɔ nɛ yirda nɛ kasha nɛ awurfoŋ to be kanyiti nsaa du boeŋ.

2 Timoti 4:2

fo baa bɔ kubɔya na a sa basa. Kelela ŋko kulubi to kikɛ baa sha kebaabɔ kubɔya na a sa basa a shin nɛ b baa wu kananɛ kashenteŋ na baa dese geeŋ. Baa ta kubɔya na a fiɛ basa so ŋko a leŋ bumo to nsaa kɔ kanyiti a ŋini bumo abɔrɛsheŋ na.

Taites 1:10

Ŋkpal manɛ so, amuleŋwuraana damta nɛ bumo be efɛ nɛ mmalga fuloŋ shi ndoŋ ga, fɔnfɔŋ bebɛsopo nɛ b shi Juwebi be kanaŋ to na.

Taites 1:6

Ŋ kaŋɛ fo fanɛ a maŋ daga loŋ be basa ka kɔ eda lubi. A daga fanɛ loŋ be basa e baa la beche koko wuraana nɛ bumo be mbia malɛ e baa la beyirdapo a kɔ kasonu nɛ esa kikɛ e sa maŋ nya ekpa ŋ kuli bumo ŋkpal bumo be kusɔjigaya be kebaawɔtɔ so. A daga fanɛ b baa kɔ kebaawɔtɔ lela.

Hibruwebi 12:12

Amoso, men koso n wora menyi be enɔ pɔsoana nɛ amuli chichasoana ere eleŋto.

Hibruwebi 13:3

Men baa nyiŋi bumo nɛ b wɔ kabuti to na fanɛ menyi nɛ bumo kikɛ nɛ b ti ebu na nseŋ naa nyiŋi bumo nɛ baa tɔrɔ nfɛlso na fanɛ menyi alɛ gba ka bee ji loŋ be tɔrɔ na.