1 Tɛsalɔnikaebi 5:12 - EBƆRƐ BE KAWƆL

¹² Bekurgepoana, anyee kule menyi fanɛ men baa bunyaŋ bumo nɛ b wɔ menyi to a shuŋ na, bumo nɛ Ebɔrɛ lara nɛ b baa la menyi be benimuana a ŋini menyi na.

1 Tɛsalɔnikaebi 5:12 ပူးပေါင်းရင်းမြစ်များ

Luuk 10:7

Men baa wɔ laŋ na to a ji a nuu kusɔ kama nɛ b sa menyi, ŋkpal manɛ so, a daga eshumpo ka nya mbe kakɔka. Men sa maŋ ya kaa chɛrga elaŋ.

Baru lela nɛ Jɔn kute na 4:38

N daŋ shuŋi menyi nna nɛ men ya teŋi asɔ nɛ men gbagba maŋ dɔ. Beko e dɔ nɛ menyi ere bee ji amo be tɔnɔ na.”

Ashuŋ Shunso 20:28

Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.

Ashuŋ Shunso 20:35

M bɔla kusɔ kama to ŋ ŋini menyi fanɛ kebaashuŋ le ere nɛ anyee chɛ bepɔshipo to nsaa nyiŋi Enyɛnpe Yesu gbagba be mmalga nɛ e kaŋɛ na: ‘Kakɛ kɔ kagbenefuli a chɔ kesɔ.’ ”

Romebi 16:12

Mee chɔrɔ Traifina nɛ Traifosa nɛ b la beche nɛ baa shuŋ ga ashi Enyɛnpe be kushuŋ na to na. Mee chɔrɔ n teri lela Pɛɛsis nɛ mo alɛ gba la eche n shuŋ ga Enyɛnpe be kushuŋ na to na.

Romebi 16:6

Mee chɔrɔ Mɛɛri nɛ e shuŋ ga n sa menyi na.

1 Kɔrintebi 12:28

Asɔri na to, basa nɛ Ebɔrɛ juŋkpar n lara e la beshuŋipo, bumo nɛ b bɛ so e la abɔrɛsheŋ be bewuŋkaŋɛpo, besasopo e la beŋinipo, n ta emamachishumpoana m bɛ so, n ta bechɛpo nɛ bechɛtopo nɛ bumo nɛ baa keni ashuŋ be asheŋ to so m bɛ so nseŋ ta bumo nɛ baa gbar ŋgbar mo nɛ bumo gbagba maa nu m bɛ so.

1 Kɔrintebi 15:10

Ama ŋkpal Ebɔrɛ be kuwɔr be kakɛ so nɛ n du kananɛ n du ere na, mo alɛ be kuwɔr be kakɛ mo nɛ k ba ma so ere maŋ la jiga nna. Ama nɛ fo keni to, ma e shuŋ ga a chɔ bumo kikɛ, mannɛ ma gbagba bre, Ebɔrɛ be kuwɔr be kakɛ na e wɔ ma to a shuŋ.

1 Kɔrintebi 16:16

Amoso, mee kule menyi nna fanɛ men baa nu a sa le be basa nɛ bekama malɛ gba nɛ b luri loŋ be kushuŋ na to a wɔtɔ a shuŋ kumo na.

1 Kɔrintebi 16:18

Ŋkpal manɛ so, b leŋ ma to nseŋ leŋ menyi alɛ gba to loŋ. Loŋ be basa na daga fanɛ men baa sa bumo bunyaŋ.

1 Kɔrintebi 3:9

Ebɔrɛ mo braana beshumpo e la anyi nɛ menyi alɛ du fanɛ mbe kasawule nseŋ naa du fanɛ mbe ebu nɛ e bee pɔr.

2 Kɔrintebi 11:23

Mannɛ Kristo be anya e la bumo a? Keni ŋ kaa bee malga fanɛ ebompo loŋ, ama ma loŋ be kenyaya chɔ bumo peya. N shuŋ ga a chɔ bumo be ekama nɛ b ti ma ebu a chɔ bumo be ekama, b kuya ma so a chɔ bumo be ekama, saŋɛ damta ma alɛ bee taga luwu to a chɔ bumo be ekama.

2 Kɔrintebi 5:9

Ama kusɔ nɛ an baŋ yili e la fanɛ anyeeŋ baa wora mbe aparsheŋ. K maŋ tir ŋko an wɔ epe nfe ashi anyi be eyur ere to ŋko an wɔ kufɔ nna.

2 Kɔrintebi 6:1

Naniere anyi nɛ Ebɔrɛ ka bee shuŋ ere, anyee kule nsaa fiɛ menyi so nna fanɛ men sa maa sɔ Ebɔrɛ be kuwɔr be kakɛ na kenyanyaŋɛso.

Galeeshaebi 4:11

Men be asheŋ bee ku ma kagbene nna nɛ mee fɛ fanɛ shere ŋ gben menyi so jiga nna na.

Filipaiebi 2:16

nsaa kɔ ŋkpa be kamalga na to kpakpa. Loŋ malɛ e naaŋ shin nɛ n ji njɔŋ kachɛ nɛ Kristo beeŋ naŋ bɛta m ba na nɛ loŋ malɛ e ŋini fanɛ m maŋ shile kebɛso na to jiga ŋko m pere kenishi n shuŋ jiga.

Filipaiebi 2:19

Nɛ Enyɛnpe Yesu malɛ shuli, mee tama fanɛ k maaŋ chɛr nɛ n shuŋi Timoti menyi kutɔ, saŋɛ na so e beeŋ ya bar ma men be baru nɛ ma kagbene e fuli ma.

Kɔlɔsiebi 1:29

Kede so nɛ m baa mɔ ma kumu a ta eleŋ nɛ Yesu Kristo bee sa ma a shuŋ na.

1 Tɛsalɔnikaebi 2:9

Bekurgepoana, m baa nyi fanɛ menyee nyiŋi kananɛ an mɔ anyi be amu n shuŋ saŋɛ nɛ an daa wɔ men kutɔ a malga Ebɔrɛ be baru lela na a sa menyi na ŋko? Kapa nɛ kanyɛ kikɛ nɛ an daa shuŋ, ŋkpal manɛ so, an daa maa sha keshin nɛ men be ekama e baa wɔ kegben to.

1 Tɛsalɔnikaebi 4:1

Bekurgepoana, an shin nɛ men pin kebaawɔtɔ nɛ k bee par Ebɔrɛ. Loŋ malɛ be kebaawɔtɔ to nɛ men chɛr a wɔ to na, ama anyee kule menyi Enyɛnpe Yesu be ketre to fanɛ men pere kenishi n nya kebaawɔtɔ nɛ k bee par Ebɔrɛ saŋkama a ti so.

1 Tɛsalɔnikaebi 5:14

Anyee kule menyi bekurgepoana, men fiɛ betɔlpoana na so nseŋ leŋ befupo to n chɛ bepɔshipo malɛ gba to a ji bumo kikɛ kanyiti.

1 Timoti 5:1

Sa maŋ kaa ponte enyɛnnimu so, ama baa malga mo kutɔ a leŋ mo to fanɛ kananɛ feeŋ wora fo tuto kurgeso. Baa leŋ mbrantiɛbia to fanɛ kananɛ feeŋ wora fo sipoana gbagba.

1 Timoti 5:20

Benimu nɛ b wɔ alubi to na, fiɛ bumo so asɔri to ebi na kikɛ be anishito nɛ kufu e pɛ bumo nɛ b ka na.

2 Timoti 2:6

Baa kraa nyiŋi fanɛ edɔpo nɛ e bee shuŋ kushuŋ na ga na gbagba nawule e kɔ ekpa nɛ e tiŋ n fara a ji mbe adɔjibi popɔr.

Taites 1:3

Jemanɛ nɛ mo ere Ebɔrɛ an be Emɔlgapo na gbagba bee sha na nɛ e bugi mbe kubɔya na to n sa basa nseŋ yili kumo fanɛ kubɔya na be kebɔ n sa basa be kushuŋ e baa la meya.

Taites 1:5

N daŋ yige fo Kriit nna nɛ fo wora asheŋ nɛ a daŋ ka kewora na nna. Asheŋ nɛ n daŋ ta m bɔɔ fo enɔ na e daa la fanɛ kade kama be asɔri to, fo lara benimu n sa ndoŋebi.

Taites 2:15

Baa ŋini asheŋ ere a leŋ basa na to nsaa ta fo kejuŋkpar be eleŋ kikɛ na a fiɛ bumo so. Sa maŋ shin nɛ esa kikɛ e fɛl fo.

Hibruwebi 13:17

Men baa nu a sa menyi be bejuŋkparpoana nsaa sɔ bumo be atande. Bumo e naa keni menyi be ayoyu so fanɛ basa nɛ Ebɔrɛ beeŋ ba bishi bumo menyi be asheŋ. Men baa nu a sa bumo nɛ b tiŋ n shuŋ bumo be ashuŋ kagbenefuliso, mannɛ kagbenejijaso, ŋkpal manɛ so, keshuŋ ashuŋ kagbenejijaso maaŋ chɛ menyi to kuraa.

Hibruwebi 13:7

Men baa nyiŋi menyi be benimuana nɛ b daŋ malga abɔrɛsheŋ n sa menyi na n fɛ kananɛ bumo be lalaloge be kebaawɔtɔ daŋ ba kaa du nsaa kute bumo be yirda na to.

Kelaraŋŋini 1:20

Achɛkpabi ashunu nɛ fo wu ma enɔjiso to na nɛ shuwa be kefitilatɔl ashunu na be wulo na be afito nde: Achɛkpabi ashunu na e la asɔri ashunu na be emalaika nɛ kefitilatɔl ashunu na malɛ la asɔri ashunu na.”

Kelaraŋŋini 2:12

Nɛ e naŋ kaŋɛ: “Sibɛ kawɔl ere n sa Pɛɛgamem be kade to be asɔri be malaika na ŋ kaŋɛ mo le: ‘Mmalga ere shi emo nɛ e kɔ tokobi jinnɔnyɔ jiso to na kutɔ nna.

Kelaraŋŋini 2:18

Nɛ e naŋ kaŋɛ: “Sibɛ kawɔl ere n sa Tayataira be kade to be asɔri be malaika na ŋ kaŋɛ mo le: ‘Mmalga ere shi Ebɔrɛ Pibinyɛn mo nɛ mbe anishi du fanɛ edɛ be adondulombi nɛ mbe ayadra malɛ bee kpa edɛ fanɛ katishaŋ peper na kutɔ nna.

Kelaraŋŋini 2:3

N nyi kananɛ men kɔ kanyiti a yil to nɛ kananɛ menyee ji tɔrɔ ŋkpal ma ketre so, menyi alɛ ŋkaa maa pɔ aba.

Kelaraŋŋini 2:8

Kede be kaman nɛ e naŋ kaŋɛ: “Sibɛ kawɔl ere n sa Smɛɛna be kade to be asɔri be malaika na ŋ kaŋɛ mo le: ‘Mmalga ere shi emo nɛ e la sososo nɛ lalaloge nseŋ daŋ wu n naŋ tiŋi a wɔ ŋkpa to na kutɔ nna.

Kelaraŋŋini 3:1

Nɛ e kaŋɛ: “Sibɛ kawɔl ere n sa Saadis be kade to be asɔri be malaika na ŋ kaŋɛ mo le: ‘Mmalga ere shi esa nɛ e kɔ Ebɔrɛ be ayoyu ashunu nɛ achɛkpabi ashunu na to na kutɔ nna. N nyi men be aworbi kikɛ, n nyi men ka kɔ ketre basa kutɔ fanɛ men wɔ ŋkpa to nna, ama men wu nna a wɔtɔ.

Kelaraŋŋini 3:14

Nɛ e naŋ kaŋɛ: “Sibɛ kawɔl ere n sa Laodisiya be kade to be asɔri be malaika na ŋ kaŋɛ mo le: ‘Mmalga ere shi ma nɛ n la Amɛn nɛ kashenteŋ be shɛdajipo nɛ baaŋ tiŋ n yirda na nɛ n la Ebɔrɛ be kepɔrso kikɛ be gbaltɔlase na kutɔ nna.

Kelaraŋŋini 3:7

Nɛ e kaŋɛ: “Sibɛ kawɔl ere n sa Filadɛlfia be kade to be asɔri be malaika na ŋ kaŋɛ mo le: ‘Mmalga ere shi ma, emo nɛ e du cheembi nsaa la kashenteŋwura nsaa kɔ Ewura Deevid be sɔfi to na kutɔ nna. Kusɔ nɛ m bugi, esa kikɛ maaŋ tiŋ n ti kumo, kusɔ kama malɛ nɛ n ti, esa kikɛ maaŋ tiŋ m bugi kumo.