1 Tɛsalɔnikaebi 4:8 - EBƆRƐ BE KAWƆL

⁸ Amoso, ekama nɛ e kini keŋini ere, mannɛ nyiŋgbasa nɛ e kini, ama Ebɔrɛ nɛ e bee sa menyi mbe Kiyoyu na nɛ e kini.

1 Tɛsalɔnikaebi 4:8 ပူးပေါင်းရင်းမြစ်များ

Nehemaya 9:30

Nfɛ damta nɛ fo kpele bumo kusoe kanyitiso, fo Kiyoyu malɛ bɔla anebiana so m malga kenishipereso n sa bumo, ama b kini kenu n sa fo. Amoso nɛ fo ta bumo bɔɔ bumo doŋana enɔ na.

Ɛksodɔs 16:8

Ade kikɛ be kaman nɛ Mosis naŋ kaŋɛ bumo le: “Enyɛnpe Ebɔrɛ na e la esa mo nɛ e beeŋ baa sa menyi eblaŋ kaaseso nɛ men baa we, nseŋ naa sa menyi ajibi malɛ chipurso kanaŋkamaso nɛ k daga. Ŋkpal manɛ so, Enyɛnpe Ebɔrɛ na nu menyi be nfubel, manɛ e la anyi nɛ menyee malga gbiti anyi? Enyɛnpe Ebɔrɛ nɛ menyee malga a gbiti, mannɛ anyi.”

Aŋasa 1:7

Kabɔrɛŋana e la kenyi be sososo. Ewulpo e naa kini kanyiasheŋ be kekoya nɛ kebela be kasogberge.

Aŋasa 23:9

Sa maŋ jija saŋɛ a ŋini ewulpo asheŋ. E maaŋ ta fo kanyiasheŋ be mmalga na n shuŋ.

Aizaaya 49:7

Israɛl be basa, ma e la Enyɛnpe menyi be Ebɔrɛ cheembi na. Ma alɛ e la menyi be emɔlgapo! Men daa la anya nna n sa efuli pɔtɛana be bewura nɛ baa keni menyi jiga. Naniere kɔnɔ nɛ mee nase a sa menyi nde: “Bewurjipo nɛ kenimujiana beeŋ gbir m bunyaŋ menyi. Menyeeŋ tiŋ n yirda ma! Ŋkpal manɛ so, ma e la Enyɛnpe menyi be Ebɔrɛ nɛ menyi alɛ la ma basa laraso.”

Aizaaya 53:10

Kumo be kaman nɛ Enyɛnpe Ebɔrɛ na kaŋɛ le: “Ma keparso nɛ ma kenya bee ji awurfoŋ. Mbe luwu na la sarga nɛ k beeŋ bar alubi be ketampaŋ m ba sa basa pɔtɛ nna. Amoso e beeŋ naŋ wu mbe kaman to ebi kenishiso nsaa wɔ ŋkpa to n chɛr. Mo so nɛ kusɔ nɛ ŋ kre kikɛ beeŋ wora m bɔlɔ so nɛnɛ.

Luuk 10:16

Kumo be kaman nɛ e kaŋɛ mbe bebɛsopo: “Esa kama nɛ e bee nu a sa menyi, bee nu a sa ma nna na. Ekama malɛ nɛ e bee kini menyi, bee kini ma nna na. Nɛ ekama malɛ nɛ e kini ma, kini emo nɛ e shuŋi ma na nna na.”

Baru lela nɛ Jɔn kute na 12:48

Esa kama nɛ e bee kini ma a maa sɔ ma mmalga na kɔ esa nɛ e beeŋ ji mo demu. Mmalga nɛ m malga na gbagba e naaŋ ki amodoŋwura be demujipo lalaloge be kachɛ na.

Ashuŋ Shunso 13:41

‘Menyi nɛ menyee fɛl kusɔ nɛ Ebɔrɛ kaŋɛ na, men nu nfe. Menyeeŋ kooba nseŋ wu. Meeŋ wora kusɔ ko menyi be ŋkpa ere to, ama esa bugi kumo to n sa menyi gba, men maaŋ yirda kumo.’ ”

Romebi 5:5

Ebɔrɛ bɔla Kiyoyu Cheeŋ nɛ e la Ebɔrɛ be kakɛ nɛ e kɔ a sa anyi na so nna n ta mbe kasha m bɔlɔ anyi be ŋgbene to.

1 Kɔrintebi 2:10

Ebɔrɛ bɔla mbe Kiyoyu so nna n lara asheŋ ere ŋ ŋini anyi. Ebɔrɛ be Kiyoyu na malɛ e naa wu asheŋ to nɛnɛ hale Ebɔrɛ be wulo to be asheŋ.

1 Kɔrintebi 7:40

Ma ere kutɔ, nɛ e chena loŋ e beeŋ baa kɔ kagbenefuli a chɔ e ka naŋ kil, ma alɛ bee tama fanɛ ŋ kɔ Ebɔrɛ be Kiyoyu na.

2 Kɔrintebi 1:22

nseŋ ta mbe kenya be ndulgi n dulgi anyi nseŋ ta mbe Kiyoyu n wɔtɔ anyi be ŋgbene to a ŋini fanɛ mo e wɔ anyi.

Galeeshaebi 4:6

Kusɔ nɛ k bee ŋini fanɛ men la Ebɔrɛ be mbia nde: Mo ere Ebɔrɛ koŋwule na shuŋi mo Pibinyɛn be Kiyoyu na anyi be ŋgbene to, Kiyoyu na e naa tre Ebɔrɛ ‘Aba’, kumo e la fanɛ n Tuto na.

1 Pita 1:12

Ebɔrɛ daŋ lara nna ŋ ŋini anebiana na fanɛ mannɛ bumo gbagba so nɛ b daa shuŋ, ama menyi so nɛ b daŋ shuŋ fanɛ kananɛ b daŋ malga asheŋ nɛ naniere menyee nu Baru Lela na be mbɔ ka kɔ Kiyoyu Cheeŋ nɛ b shi ebɔrɛso n shuŋi na be eleŋ a bɔ kubɔya na. Le be asheŋ ere la asɔ nɛ emalaika gba daa beeŋ baa sha kepinto nna.

2 Pita 1:21

Ŋkpal manɛ so, abɔrɛsheŋ wuŋkaŋɛ kama maŋ naŋ shi dimɛdi be katiŋ so m ba, ama Kiyoyu Cheeŋ na e daŋ ta basa nɛ b malga baru nɛ k shi Ebɔrɛ kutɔ na.

1 Jɔn 3:24

Bekama malɛ nɛ baa bɛ mbe mmalga nasesoana na so shir a wɔ mo to nna nɛ mo alɛ gba wɔ bumo to. To, kananɛ anyee wora a pin fanɛ e wɔ anyi to nde: Mbe Kiyoyu nɛ e ta n sa anyi na so so nɛ an pin loŋ.

Juud 1:8

Loŋ koŋwule na malɛ nɛ bumo nɛ b luri menyi to na du. B wɔtɔ nna a ku edare nsaa wora alubi a gbiti bumo gbagba be eyurana, baa kini Ebɔrɛ be eleŋ nsaa tege emalaika mo nɛ b kɔ kemaŋkura ashi ebɔrɛso na.

1 Samuɛl 10:19

Ma e la Ebɔrɛ nɛ e lara menyi ashi menyi be etɔrɔ nɛ awurfoŋ kikɛ to na, ama kabre men kini ma nseŋ kaŋɛ ma fanɛ n fin ewura n sa menyi. Amoso men yɔ n ya gbargbar abar yiriyiri so nɛ mbuna mbuna be ntuŋ so n yili ma anishito.”

1 Samuɛl 8:7

Nɛ Enyɛnpe Ebɔrɛ kaŋɛ mo le: “Kusɔ kama nɛ b kaŋɛ fo, fo nu n sa bumo. Mannɛ fo nɛ b kini; ma nɛ b kini fanɛ bumo be ewura.