1 Tɛsalɔnikaebi 4:5 - EBƆRƐ BE KAWƆL

⁵ Men sa maa kɔ kayɛlga fuloŋ be kacheta fanɛ kananɛ nnyamase nɛ b maŋ nyi Ebɔrɛ bee wora na.

1 Tɛsalɔnikaebi 4:5 ပူးပေါင်းရင်းမြစ်များ

Nshɛ 79:6

Laŋɛ fo agbo na n deŋi efuli pɔtɛana nɛ b maa bunyaŋ fo ŋko a shu a tre fo ketre na so,

Jɛremaya 10:25

Shin nɛ fo agbo e laŋɛ efuliana nɛ b kini kesɔ fo fanɛ bumo be Ebɔrɛ a maa shuŋ fo na. Ŋkpal manɛ so, b mɔ fo basa m mur cheche n shin nɛ anyi be efuli bure a dese fuloŋ.

Matiu 6:32

Loŋ be asɔ ere kikɛ nɛ basa nɛ b maŋ nyi Ebɔrɛ na bee yela kenishi to a fin. Ama men Tuto Ebɔrɛ nɛ e wɔ ebɔrɛso na nyi a ka daga fanɛ men nya loŋ be asɔ na kikɛ.

Luuk 12:30

Loŋ be asɔ nɛ durnya ere to be basa nɛ b maŋ nyi Ebɔrɛ bee yela kenishi to a fin. Ama men Tuto Ebɔrɛ na nyi a ka daga fanɛ men nya loŋ be asɔ na.

Ashuŋ Shunso 17:23

Ŋkpal manɛ so, ŋ ka nite menyi be kade ere to nseŋ wu asɔ nɛ menyee bunyaŋ, n wu bɔrɛsure ko nɛ b sibɛ kumo so: ‘Ebɔrɛ nɛ b maŋ nyi peya.’ Kusɔ nɛ menyee bunyaŋ nsaa maa nyi na be asheŋ nɛ m baa kaŋɛ menyi naniere na.

Romebi 1:24

Amoso, Ebɔrɛ malɛ yige bumo be asheŋ nna n sa bumo nɛ b luri kesakalea be ayɛlgasɔ to a wɔtɔ a kɔ abar be eyurana a wora amɔmɔshiasheŋ.

Romebi 1:26

Ŋkpal le be asheŋ ere so Ebɔrɛ yige bumo nna n sa kesakalea be ayɛlgasɔ hale nɛ bumo be beche yige kedi benyɛn n lɛ nsaa kɔ bumo braana beche a di keche nɛ kenyɛn.

Romebi 1:28

Ade malɛ kikɛ be kaman Ebɔrɛ yige bumo be asheŋ nna n sa bumo ŋkpal b ka kini kenyiŋi kashenteŋ be abɔrɛsheŋ na so nɛ b baa wɔtɔ a wora asheŋ nɛ a maŋ daga kikɛ.

1 Kɔrintebi 1:21

Ebɔrɛ daŋ bɔla mbe kanyiasheŋ so nna n yili kumo fanɛ edimɛdi e sa maŋ ta bumo gbagba be kanyiasheŋ so m ba pin mo. Ama mo ere gbagba be keparso nɛ e yili kumo fanɛ e beeŋ bɔla kubɔya mo nɛ anyeeŋ bɔ n sa basa nɛ baa tre kawulisheŋ be mmalga ere so m mɔlga bekama nɛ b yirda na.

1 Kɔrintebi 15:34

Men naŋ bɛta n nya nfɛra nsaa maŋ naa wora alubi kashenteŋto. Menyi be beko maŋ nyi Ebɔrɛ. Kesheŋ nɛ mee kaŋɛ menyi ere la men be anishinyɔr nna.

Galeeshaebi 4:8

Saŋɛ na men daa maŋ nyi Ebɔrɛ, amoso, men daa la ayoyuana nɛ basa bee fɛ fanɛ a la Ebɔrɛ nɛ amo alɛ maŋ la na be anya nna.

Ɛfesesebi 2:12

Men daa la befɔ nna ashi Israɛl be efuli so ebi to. Menyi alɛ be shɛŋ daa maŋ wɔ nnɔkoŋwule nɛ a wɔ Ebɔrɛ nɛ Israɛlebi be nferinto na to, ŋkpal mbe nnɔ naseso nɛ e nase n sa mbe basa na so. Men daa wɔ durnya ere to nna a maŋ kɔ tama kikɛ, menyi alɛ daa maa ta Ebɔrɛ a wɔtɔ men be asheŋ to.

Kɔlɔsiebi 3:5

Amoso, men yige men be kebaawɔtɔ dra nɛ kumo be asheŋ lubi na, men yige kacheji kpalakpala nɛ kubojuaji nɛ asheŋ jiga nɛ kayɛlga fuloŋ, men sa maa yɛlga alubi, men yige kejimuni. Kejimuni du fanɛ kagbirshuŋ nna.

2 Tɛsalɔnikaebi 1:8

m ba gberge basa nɛ b maŋ nyi Ebɔrɛ nɛ bumo nɛ b maa bɛ an Nyɛnpe Yesu be baru lela na so kusoe.

1 Pita 4:3

Naniere bre a daga fanɛ men ka pin fanɛ asɔ nɛ nnyamase bee sha kewora nɛ menyi alɛ gba daa wora amo na be kewora kukwe. Asɔ nɛ men daa wora saŋɛ na e daa la kusɔjigaya be aworbi nɛ kesakalea be kayɛlga be aworbi nɛ kasanuu nɛ keshɛr abar n ji nseŋ boo ana be kebaawɔtɔ nɛ kushuŋ jiga fanɛ kagbirshuŋ be aworbi.