1 Tɛsalɔnikaebi 4:16 - EBƆRƐ BE KAWƆL

¹⁶ Kumo be kamɔnchɛ menyeeŋ nu kaponte nɛ malaika nimuso be ebɔl nɛ Ebɔrɛ be kabel be kushu, saŋɛ na so nɛ Enyɛnpe na gbagba e shi ebɔrɛso m ba. Bumo nɛ b yirda Yesu Kristo pɔɛŋ nseŋ wu na e naaŋ juŋkpar n tiŋi luwu to.

1 Tɛsalɔnikaebi 4:16 ပူးပေါင်းရင်းမြစ်များ

Nshɛ 47:1

Menyi efuliana na be basa kikɛ e kpla enɔ, nseŋ ponte kagbenefuliso n di Ebɔrɛ epaŋ.

Nshɛ 47:5

Kagbenefuli be awɔr be kecha, nɛ mbel be kefoŋ be awɔr to nɛ Ebɔrɛ bɔla so n dii n yɔ mbe kuwurputi so ashi bɔrɛlambu na to.

Ɛksodɔs 19:16

Kumo be kachɛ na be kachipurdidi nɛ bɔrɛ nyɛkpɛ nseŋ ponte nɛ kuwɔlpagboŋ ko ba kebeegboŋ na be awɔlto nɛ kabel ponte awɔrso nɛ basa mo nɛ b daa wɔ kaboŋ na chicha kufuso.

Ɛksodɔs 20:18

Basa na ka daŋ wu bɔrɛ ka nyɛkpɛ m ponte nɛ kabel ponte awɔrso nɛ b wu edishi ka sɔ kebeegboŋ na kikɛ so na nɛ kufu pɛ bumo nɛ b chicha kufuso nseŋ bɛta n yɔ kufɔ n ya yili.

Aizaaya 27:13

Kachɛ na kaŋ fo, kabel beeŋ shu awɔrso n tre Israɛlebi nɛ b pɛ n yɔ kenyaya to ashi Asiriya nɛ Ijipt be efuliana so na. Baaŋ bɛta m ba kaa shuŋ Enyɛnpe Ebɔrɛ na mbe kebee cheembi na so ashi Jerusalɛm to.

Jowɛl 2:11

Enyɛnpe Ebɔrɛ na bee kaa ponte to nna a juŋkpar mbe benapo, nɛ b kɔ eleŋ nsaa shi nɛ esa maaŋ tiŋ ŋ karga bumo na, nɛ baa nu a sa mo. Yee, Enyɛnpe Ebɔrɛ be kachɛ na beeŋ lubi pasaa! Wanɛ e naaŋ nya ŋkpa loŋ be kachɛ na bre?

Zakareya 4:7

Kusɔ kama nɛ k du fanɛ kebee a kagle fo to beeŋ foe fo anishito. Feeŋ lɔŋɛ bɔrɛlambu na m pɔr. Kachɛ nɛ feeŋ ta lalaloge be berkishi m mɔ kapɔr na so na, basa na kikɛ beeŋ boŋ to awɔrso ŋ kaŋɛ le: “Ebɔrɛ e nɛfa kumo! Ebɔrɛ e nɛfa kumo!”

Zakareya 9:14

Enyɛnpe Ebɔrɛ na beeŋ ba buu mbe basa so fanɛ bɔrɛwɔlpa, nseŋ to mbe atanyembi fanɛ bɔrɛ ka nyɛkpɛ na. Enyɛnpetale Ebɔrɛ beeŋ foŋ mbe kabel nseŋ bɔla bɔrɛfu to n shi kelargato be kaseto m ba.

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

Nɔmbɛs 23:21

Mee keni a wu fanɛ Israɛl be echefoso be kebaawɔtɔ maaŋ ba kɔ kumulubi nɛ tɔrɔ. Ŋkpal manɛ so Enyɛnpe, bumo be Ebɔrɛ na, wɔ bumo kutɔ nna. B yɛ, mo e la bumo be ewura.

Matiu 16:27

Ma, Nyiŋgbasa Pibinyɛn beeŋ keta ma emalaika na nɛ n Tuto be kemaŋkura m ba nseŋ ba yili ekama be ashuŋ nɛ e wora so ŋ ka mo kukɔ.

Matiu 16:28

Ma e kaŋɛ menyi kashenteŋto na fanɛ basa ko wɔ nfe a maaŋ wu she b wu ma, Nyiŋgbasa Pibinyɛn ka ba fanɛ Ewura nna pɔɛŋ.”

Matiu 25:31

Nɛ Yesu naŋ kaŋɛ: “Saŋɛ nɛ ma, Nyiŋgbasa Pibinyɛn beeŋ shi ma kemaŋkura to nɛ emalaika kikɛ e ba na, meeŋ ba chena ma kemaŋkura be kuwurputi na so.

Matiu 26:64

Ndoŋ nna nɛ Yesu kaŋɛ mo: “Loŋ nɛ fo yɛ na. Ma alɛ bee kaŋɛ menyi nna, yili kabre a yɔ menyeeŋ wu ma, Nyiŋgbasa Pibinyɛn ka tase Elempo na be jisoso nseŋ naŋ wu ŋ ka shi awɔlpa to a ba.”

Ashuŋ Shunso 1:11

nseŋ bishi bumo: “Galiliebi, manɛ e ba nɛ men yil a keni esoso loŋ? Yesu koŋwule nɛ Ebɔrɛ shin nɛ e lar menyi kutɔ a yɔ ebɔrɛso ere beeŋ naŋ bɛta loŋ gbagba chap m ba kananɛ men wu mo nɛ e bee yɔ ebɔrɛso ere.”

1 Kɔrintebi 15:18

nɛ bumo nɛ b daŋ yirda Kristo pɔɛŋ nseŋ wu na malɛ foe bumo be alubi to kuraa.

1 Kɔrintebi 15:20

Ama kashenteŋ malɛ nna fanɛ Kristo juŋkpar bumo nɛ b wu na kikɛ n tiŋi luwu to.

1 Kɔrintebi 15:23

Ama ekama nɛ mbe saŋɛ nna, sososo Kristo nɛ e la ejuŋkparso na e tiŋi, mo alɛ kaŋ naŋ ba, bumo nɛ b la mo peya na e naaŋ tiŋi m bɛ so.

1 Tɛsalɔnikaebi 1:10

nɛ e shin nɛ e tiŋi luwu to na fanɛ e shi ebɔrɛso m ba. Mo koŋwule Yesu na e naa mɔlga anyi ashi Ebɔrɛ be agbo nɛ k bee ba na to.

1 Tɛsalɔnikaebi 3:11

Kusɔ nɛ anyee kule e la fanɛ anyi be Ebɔrɛ Etuto na gbagba nɛ an Nyɛnpe Yesu e bugi ekpa n sa anyi nɛ an nya m ba bɔɔ menyi so.

2 Tɛsalɔnikaebi 1:7

Mo e naaŋ sa anyi nɛ menyi nɛ menyee ji awurfoŋ ere ewushi kachɛ nɛ Enyɛnpe Yesu beeŋ lara mbe kumu ŋ ŋini durnya saŋɛ nɛ mo nɛ mbe emalaika lempo beeŋ shi ebɔrɛso m ba nɛ edɛ chɔɔso

2 Tɛsalɔnikaebi 2:1

To, bekurgepoana, an Nyɛnpe Yesu Kristo be kebɛta m ba na nɛ anyi be kechala a wɔ mo kutɔ na malɛ be asheŋ nde:

2 Pita 3:10

Ama Enyɛnpe be kachɛ na beeŋ purgi basa nna fanɛ eyu na. Kumo be kachɛ na, esosoana beeŋ ta awɔr chilili n foe basa be anishito. Esoso be asɔana beeŋ chɔɔ edɛ m mur. Nɛ kasawule nɛ asɔ nɛ a wɔ kumo so ere kikɛ e dii efuli.

Juud 1:9

Hale Maikel mo nɛ e la emalaika kikɛ be ejuŋkparpo na daa maŋ shoduu Setani saŋɛ nɛ mo nɛ mo daa ji emɔrɔ ŋkpal anebi Mosis be eyur so na. E daa maŋ maŋ mbe kumu so n tege Setani, kusɔ nɛ e daŋ kaŋɛ e la: “Ebɔrɛ e fiɛ fo so!”

Kelaraŋŋini 1:10

Enyɛnpe be kachɛ ko mbe kiyoyu koso ma kikɛ to nɛ n nu ebɔl ka wora awɔr ma kamanto fanɛ kabel na.

Kelaraŋŋini 1:7

Men keni mo nɛ awɔlpa kulti a ba na, kenishi kama malɛ beeŋ wu mo n ta bumo nɛ b ta kusɔ n da mo m mɔ na n ti so nɛ kasawule ere so be basa kikɛ e shu ŋkpal mo so. Kumo be loŋ bre maŋ kɔ emɔrɔ. Amɛn.

Kelaraŋŋini 14:13

Ndoŋ nna nɛ n nu ebɔl ka shi ebɔrɛso ŋ kaŋɛ ma le: “Sibɛ le n nase: Kagbenefuli la bekama nɛ b wɔ Enyɛnpe to nseŋ wu naniere mbaanaayɔ na peya nna.” Nɛ Kiyoyu Cheeŋ na kaŋɛ: “Kashenteŋto, baaŋ wushi ashi bumo be kegben ere to, ŋkpal manɛ so, bumo be aworbi beeŋ ba bɛ bumo so n yɔ.”

Kelaraŋŋini 8:13

Nɛ n naŋ keni n wu kusore ka wɔ esoso kumu so a firgi nsaa tre awɔrso a kaŋɛ: “Asheŋ maaŋ nyalɛ, asheŋ maaŋ nyalɛ, asheŋ maaŋ nyalɛ n sa basa nɛ b wɔ kasawule ere so kikɛ ŋkpal mbel be kushu mo nɛ emalaika asa mo nɛ b ka na bee shin nɛ b foŋ nɛ a wora na so.”

Kelaraŋŋini 8:2

Nɛ n wu emalaika ashunu mo nɛ b yil Ebɔrɛ be anishito na nɛ b ta mbel ashunu m bɔɔ bumo enɔ.