1 Tɛsalɔnikaebi 4:15 - EBƆRƐ BE KAWƆL

¹⁵ Kusɔ nɛ anyee kaŋɛ menyi ere la Enyɛnpe na be keŋini nna fanɛ kachɛ nɛ Enyɛnpe na beeŋ ba na, anyi nɛ an kraa wɔ ŋkpa to ere maaŋ juŋkpar bumo nɛ b wu na n yɔ ebɔrɛso.

1 Tɛsalɔnikaebi 4:15 ပူးပေါင်းရင်းမြစ်များ

1 Bewura 13:1

Kachako nɛ ewura Jeroboam wɔ bɔrɛsure na ase a lara sarga ashi Bɛtɛl nɛ Enyɛnpe Ebɔrɛ yili Juda n shuŋi anebi ndoŋ.

1 Bewura 13:22

E yɛ kakpa nɛ e kaŋɛ fanɛ fo sa maŋ kaŋ ji nɛ fo ba chena n ji. Amoso ŋkpal kusɔ nɛ fo wora ere so, feeŋ wu nɛ b maaŋ puli fo kakpa nɛ b puli fo kanaŋ to ebi na.”

1 Bewura 13:9

Enyɛnpe Ebɔrɛ na e kaŋɛ ma fanɛ n sa maŋ kaŋ ji ajibi ŋko n nuu nchu, ŋko n naŋ bɛta m bɔla ekpa nɛ m bɔla m ba na.”

1 Bewura 20:35

Loŋ be jemanɛ na so nɛ Enyɛnpe Ebɔrɛ kaŋɛ anebi ko fanɛ e kaŋɛ mo barkasa le: “Ŋmɛa ma.” Nɛ anebi na kini.

1 Bewura 22:14

Ama le nɛ anebi Mikaya daŋ kaŋɛ: “Kusɔ nɛ Enyɛnpe Ebɔrɛ nɛ e wɔ ŋkpa to na kaŋɛ ma nɛ meeŋ kaŋɛ!”

Job be kawɔl 41:11

Ma e naa yili asheŋ a sa durnya kikɛ, ma alɛ maŋ ji esa kikɛ be kukɔ.

Nshɛ 88:13

Ama fo Enyɛnpe Ebɔrɛ na nɛ mee shu a tre kachipurso kikɛ fanɛ fo chɛ ma to.

Matiu 17:25

Nɛ Pita kaŋɛ bumo: “Mm, e bee ka.” Pita ka ba luri laŋ to Yesu e fara m malga, e yɛ: “Saimɔn, kaŋɛ ma kusɔ nɛ fee fɛ kesheŋ ere to. Fee tama fanɛ durnya ere to be bewura bee sɔ lampo ashi bumo gbagba be mbia kutɔ ŋko basa pɔtɛ nɛ baa sɔ?”

1 Kɔrintebi 15:18

nɛ bumo nɛ b daŋ yirda Kristo pɔɛŋ nseŋ wu na malɛ foe bumo be alubi to kuraa.

2 Kɔrintebi 12:1

A daga fanɛ m baa puchi hale nɛ k maŋ kɔ tɔnɔ gba. Ama naniere bre meeŋ malga ebɔrɛdareana nɛ kewuŋkaŋɛana nɛ Enyɛnpe sa na be asheŋ.

2 Kɔrintebi 4:14

Ŋkpal manɛ so, an nyi fanɛ esa nɛ e tiŋi Enyɛnpe Yesu luwu to na beeŋ tiŋi anyi alɛ gba nɛ Yesu na nseŋ ta anyi nɛ menyi kikɛ n yɔ mo gbagba be anishito.

Galeeshaebi 1:12

Mannɛ nyiŋgbasa ko kutɔ nɛ n nya kumo ŋko ŋ koya kumo. Yesu Kristo e lara kumo efuli n sa ma.

1 Tɛsalɔnikaebi 2:19

Ŋkpal manɛ so, basa mo malɛ so nɛ anyi be tama nɛ kagbenefuli nɛ kekɔmpɔɔso be kakɛ nɛ anyeeŋ nya na naa wɔ? Menyi nawule so nɛ anyeeŋ tiŋ n nya kemaŋkura ashi an Nyɛnpe Yesu Kristo be anishito saŋɛ nɛ e beeŋ naŋ ba na. Menyi e la anyi be tama nɛ kagbenefuli.

1 Tɛsalɔnikaebi 4:13

Bekurgepoana, anyee sha men ka pin beyirdapo nɛ b wu na be asheŋ nɛ men be ŋgbene e sa maŋ kaŋ jija menyi fanɛ basa nɛ b maŋ kɔ tama na.

1 Tɛsalɔnikaebi 5:10

Yesu na e wu n sa anyi, loŋ na e kaŋ ya bɛta m ba nɛ an wu ŋko an kraa keni, anyi nɛ mo beeŋ baa wɔtɔ.

2 Tɛsalɔnikaebi 2:1

To, bekurgepoana, an Nyɛnpe Yesu Kristo be kebɛta m ba na nɛ anyi be kechala a wɔ mo kutɔ na malɛ be asheŋ nde: