1 Tɛsalɔnikaebi 4:14 - EBƆRƐ BE KAWƆL

¹⁴ An kɔ yirda fanɛ Yesu wu n tiŋi luwu to. Amoso, an nyi fanɛ Ebɔrɛ beeŋ shin nɛ Yesu nɛ basa nɛ b yirda mo pɔɛŋ nseŋ wu na e ba.

1 Tɛsalɔnikaebi 4:14 ပူးပေါင်းရင်းမြစ်များ

Jɛnesis 49:19

Gad, beyu be katuŋ beeŋ ju m buu fo so, ama feeŋ kilgi n ju bumo so n ya lɛ.

Aizaaya 26:19

Anyi be basa nɛ b wu na beeŋ naŋ ba ŋkpa to! Bumo be eyurana beeŋ naŋ bɛta m ba ŋkpa to. Bekama nɛ baa di bumo be nchaŋana to na beeŋ naŋ koso m boŋ nshɛ kagbenefuliso Kananɛ kachipurso be bunyaŋ bee shin nɛ nsawule bee wushi na, loŋ nɛ Enyɛnpe Ebɔrɛ na beeŋ naŋ tiŋi basa nɛ b wu dra dra na.

Zakareya 14:15

Kulɔ lubi koŋwule na beeŋ tɔr Jerusalɛmebi bumo doŋana be egbaŋɛ nɛ ekurmafɔlbi nɛ enyɔma nɛ asɔbɔya be yiri yiri kikɛ nɛ b kɔ ashi bumo be keeyi to so.

Matiu 24:31

Kumo be kaman nɛ b foŋ kabelgboŋ na awɔrso nɛ ma, Nyiŋgbasa Pibinyɛn na e shuŋi ma emalaika durnya ere to be abonfu ana na to nɛ b ya yili esoso be kebonfu ko to n chala ma basa laraso n ya fo kuko to m ba ma kutɔ.

Romebi 14:9

Loŋ so nɛ Kristo na wu nseŋ naŋ lar luwu to m ba na, saŋɛ na so e beeŋ baa la basa nɛ b wu nɛ bumo nɛ b kraa wɔ ŋkpa to be Enyɛnpe.

Romebi 8:11

Nɛ Ebɔrɛ nɛ e tiŋi Yesu ashi luwu to na be Kiyoyu baa wɔ menyi to bre, kumo ere mo koŋwule nɛ e tiŋi Kristo ashi luwu to na gbagba beeŋ naŋ bɔla mbe Kiyoyu nɛ e wɔ menyi to na so n sa menyi be eyurana nɛ a beeŋ kaŋ wu kachako ere ŋkpa.

1 Tɛsalɔnikaebi 3:13

Loŋ nɛ e beeŋ shin nɛ yirda kpakpaso e baa wɔ men be ŋgbene to nɛ men maaŋ baa kɔ kulubi kikɛ, ama menyeeŋ baa du cheembi ashi an be Ebɔrɛ Etuto na be anishito saŋɛ nɛ an Nyɛnpe Yesu Kristo nɛ bumo nɛ b la mo peya na kikɛ beeŋ ba na.

1 Tɛsalɔnikaebi 4:13

Bekurgepoana, anyee sha men ka pin beyirdapo nɛ b wu na be asheŋ nɛ men be ŋgbene e sa maŋ kaŋ jija menyi fanɛ basa nɛ b maŋ kɔ tama na.

1 Tɛsalɔnikaebi 4:17

Kumo be kaman, baaŋ chala anyi nɛ an yirda nseŋ kraa wɔ ŋkpa to na n ti bumo nɛ b yirda pɔɛŋ nseŋ wu na so nɛ an kikɛ e ya tu Enyɛnpe na awɔlpa to, nɛ anyi nɛ Enyɛnpe na e baa wɔtɔ saŋkama mbaanaayɔ.

2 Tɛsalɔnikaebi 2:1

To, bekurgepoana, an Nyɛnpe Yesu Kristo be kebɛta m ba na nɛ anyi be kechala a wɔ mo kutɔ na malɛ be asheŋ nde:

Kelaraŋŋini 1:18

ma e la emo nɛ e wɔ ŋkpa to na. N daŋ wu nna, ama naniere n tiŋi nna a wɔ ŋkpa to mbaanaayɔ. Ma alɛ e kɔ luwu nɛ bubuni to be kakpa be eleŋ.

Kelaraŋŋini 14:13

Ndoŋ nna nɛ n nu ebɔl ka shi ebɔrɛso ŋ kaŋɛ ma le: “Sibɛ le n nase: Kagbenefuli la bekama nɛ b wɔ Enyɛnpe to nseŋ wu naniere mbaanaayɔ na peya nna.” Nɛ Kiyoyu Cheeŋ na kaŋɛ: “Kashenteŋto, baaŋ wushi ashi bumo be kegben ere to, ŋkpal manɛ so, bumo be aworbi beeŋ ba bɛ bumo so n yɔ.”