1 Tɛsalɔnikaebi 4:13 - EBƆRƐ BE KAWƆL

¹³ Bekurgepoana, anyee sha men ka pin beyirdapo nɛ b wu na be asheŋ nɛ men be ŋgbene e sa maŋ kaŋ jija menyi fanɛ basa nɛ b maŋ kɔ tama na.

1 Tɛsalɔnikaebi 4:13 ပူးပေါင်းရင်းမြစ်များ

Jɛnesis 37:35

Mbe bibinyɛn nɛ bibiche kikɛ daŋ wushi mo kagbene ŋ gben nɛ e yɛ: “Ayai, m maaŋ tiŋ n yige. Ma nɛ kushu ere e naaŋ yɔ ma nchaŋ to, kakpa nɛ ma kebia na wɔ na.” Kashenteŋto, e daŋ shu ga ŋkpal Josɛf so.

2 Samuɛl 18:33

Ndoŋ nna nɛ kagbenejija tɔr ewura na so, nɛ e fara e chicha nseŋ dii n yɔ ebu nɛ k wɔ kabunagboŋ na be esoso na to n ya shu ga. Le nɛ e daa shu a kaŋɛ a yɔ: “O m pibinyɛn! M pibinyɛn Absalɔm! Absalɔm, m pibinyɛn! Nɛ k daa la fanɛ ma e wu gba, k daa bɔ fo ka wu ere.”

1 Bewura 1:21

Fo baa maŋ wora loŋ pɔɛŋ nseŋ ta fo anishi ŋ ŋana, kumo ere Adonija beeŋ ta ma nɛ m pibinyɛn Sɔlɔmɔn ŋ ki bedoŋ nseŋ mɔ anyi.”

1 Bewura 2:10

Deevid ka wu, Jerusalɛm nɛ baa tre Ewura Deevid be kade na, to nɛ b puli mo.

Job be kawɔl 1:21

nseŋ kaŋɛ le: “B ka kurge ma m ba durnya to, m maaŋ bar shɛŋ. Ŋ ka naŋ wu a lar durnya to, m maaŋ ta shɛŋ n lar. Enyɛnpe Ebɔrɛ na e sa, mo alɛ e sɔ; Kemaŋkura e baa la Enyɛnpe Ebɔrɛ peya!”

Aŋasa 14:32

Belubiworapo gbagba be asheŋ lubi e naa mur bumo, ama belelaworapo bre be alela e naa kuŋ bumo.

Ezikɛl 37:11

Ade kikɛ be kaman, nɛ Enyɛnpe Ebɔrɛ na naŋ kaŋɛ ma: “Dimɛdi pibi, Israɛl be basa du fanɛ awibi kɔŋkɔŋ ere nna. Baa fubel nna a kaŋɛ fanɛ b wɔlso nna nsaa maa kɔ echefoso be tama kikɛ kebaawɔtɔ to.

Danɛl 12:2

Basa damta nɛ b wu na beeŋ naŋ tiŋi luwu to, nɛ bumo be beko e nya ŋkpa nɛ k maŋ kɔ ekar na, nɛ beko malɛ e ji awurfoŋ nɛ anishinyɔr hale mbaanaayɔ.

Levitikɔs 19:28

Men sa maa wora ndulgi men be eyur so ŋko a ku nchule men be eyur so ŋkpal bubuni so. Ma e la Enyɛnpe Ebɔrɛ na.

Levitikɔs 21:2

ama k baa la mo nio ŋko mo tuto ŋko mo pibi ŋko mo da ŋko mo sipo nɛ e maa kil ŋko a kɔ eche nsaa wɔ mo ere bɔrɛmatapo na be laŋ to nɛ e bee bela mo be keeli nna.

Matiu 27:52

Nchaŋana malɛ gba daŋ bugi to nna nɛ Ebɔrɛ tiŋi basa cheembiana na be bedamta ashi bumo be eluwu na to.

Baru lela nɛ Jɔn kute na 11:24

Nɛ Maata kaŋɛ mo: “N nyi e ka beeŋ tiŋi ashi luwu to lalaloge be kachɛ na.”

Ashuŋ Shunso 13:36

Ŋkpal manɛ so, Deevid be jemanɛ na, e daŋ wora Ebɔrɛ be aparsheŋ nna nseŋ wu nɛ b ta mo m puli m mata mo nanaana nɛ e bɛ.

Ashuŋ Shunso 7:60

Ndoŋ nna nɛ e gbir nseŋ kaŋɛ awɔrso: “Enyɛnpe, ta bumo be kulubi ere m paŋ bumo.” Kede be kaman nɛ e wu.

Ashuŋ Shunso 8:2

Ebɔrɛ be bebɛsopo ko e daŋ puli Stiven nseŋ boŋ to n shu mbe keeli ga.

Romebi 1:13

Bekurgepoana, mee sha fanɛ men baa nyi fanɛ saŋɛ damta nɛ ŋ kre keba menyi kutɔ be nia nɛ m ba shin nɛ basa e yirda Yesu kananɛ n shin nɛ nnyamase ko gba wora ashi mboŋ ko na, ama m maŋ nya kumo be ekpa.

1 Kɔrintebi 10:1

Bekurgepoana, mee sha fanɛ men pin fanɛ kuwɔlpa daŋ juŋkpar an tutoana kikɛ nna nɛ bumo kikɛ daŋ bɔla teku na so n choŋ.

1 Kɔrintebi 12:1

To, naniere ŋ kurgepoana, men shin nɛ an keni ŋkɛ mo nɛ a bee shi Kiyoyu na to na be asheŋ to. Mee sha fanɛ men baa nyi amo be asheŋ nna.

1 Kɔrintebi 15:6

Amo be kaman nɛ e lar bekurgepo mo nɛ b chɔ basa alfa anu so ashi kaboŋ koŋwule. Bumo be galeŋga kraa wɔ ŋkpa to kabre, ama beko bre wu.

2 Kɔrintebi 1:8

Bekurgepoana, anyee sha fanɛ men pin kekɔrfɛ mo nɛ b kɔrfɛ anyi ashi Eeshia be kasawule so nna. Kashenteŋto, asheŋ nɛ b daŋ ta n tu anyi na daŋ wora anyi egbɛ ga n ya kaa pɔɔ anyi so, nɛ an daa fɛ fanɛ anyi be ŋkpaana loge durnya to.

Ɛfesesebi 2:12

Men daa la befɔ nna ashi Israɛl be efuli so ebi to. Menyi alɛ be shɛŋ daa maŋ wɔ nnɔkoŋwule nɛ a wɔ Ebɔrɛ nɛ Israɛlebi be nferinto na to, ŋkpal mbe nnɔ naseso nɛ e nase n sa mbe basa na so. Men daa wɔ durnya ere to nna a maŋ kɔ tama kikɛ, menyi alɛ daa maa ta Ebɔrɛ a wɔtɔ men be asheŋ to.

Ɛfesesebi 2:3

Loŋ malɛ nɛ anyi kikɛ gba daa du saŋko a wɔ amo to a wora anyi be kapɔr lubi ere be aparsheŋ nsaa wora kumo be ayɛlgasɔ a fɛ kumo be nfɛra. Ŋkpal anyi be kapɔr lubi ere so anyi alɛ gba daa du fanɛ ekama nna a wɔ Ebɔrɛ be demuji be agbo to.

1 Tɛsalɔnikaebi 4:14

An kɔ yirda fanɛ Yesu wu n tiŋi luwu to. Amoso, an nyi fanɛ Ebɔrɛ beeŋ shin nɛ Yesu nɛ basa nɛ b yirda mo pɔɛŋ nseŋ wu na e ba.

1 Tɛsalɔnikaebi 4:15

Kusɔ nɛ anyee kaŋɛ menyi ere la Enyɛnpe na be keŋini nna fanɛ kachɛ nɛ Enyɛnpe na beeŋ ba na, anyi nɛ an kraa wɔ ŋkpa to ere maaŋ juŋkpar bumo nɛ b wu na n yɔ ebɔrɛso.

1 Tɛsalɔnikaebi 5:10

Yesu na e wu n sa anyi, loŋ na e kaŋ ya bɛta m ba nɛ an wu ŋko an kraa keni, anyi nɛ mo beeŋ baa wɔtɔ.

1 Tɛsalɔnikaebi 5:6

Amoso, men sa maŋ shin nɛ an baa di fanɛ basa pɔtɛ. Men shin nɛ an baa keni a keta anyi be amu nɛnɛ.

2 Pita 3:4

Baaŋ kaŋɛ le: “Mannɛ mo e nase kumo fanɛ e beeŋ naŋ ba na a? To, nɛ e wɔ nnɛ? An tutoana ka baŋ wu kikɛ, asheŋ baa du kananɛ a du yili durnya be faraŋko na kikɛ nna.”

2 Pita 3:8

Ama n teri shasoana, men sa maŋ kaŋ teŋ kesheŋ koŋwule ere so fanɛ Enyɛnpe bre kutɔ kachɛ koŋwule du fanɛ nfɛ kagboŋ nna nɛ nfɛ kagboŋ malɛ du fanɛ kachɛ koŋwule mo kutɔ.