1 Tɛsalɔnikaebi 4:10 - EBƆRƐ BE KAWƆL

¹⁰ Kashenteŋ nɛ menyee ŋini beyirdapo nɛ b wɔ Masɛdonia kikɛ na men be kasha. Amoso, an kurgepoana, men pere kenishi n nya kasha nɛ k beeŋ baa chɔ kumo nɛ men kɔ ere.

1 Tɛsalɔnikaebi 4:10 ပူးပေါင်းရင်းမြစ်များ

Romebi 15:26

Masɛdonia nɛ Akaya be efuliana so be asɔriana e yili kumo bumo gbagba be keparso n to amansherbi be toto nɛ n ta n ya sa Ebɔrɛ be basa nɛ b la betirpo a wɔ Jerusalɛm be asɔri to na.

Ɛfesesebi 1:15

Ŋkpal le ere so, baŋ yili saŋɛ nɛ n nu kananɛ men yirda an Nyɛnpe Yesu na nɛ kananɛ menyee sha Ebɔrɛ be basa kikɛ so, m maŋ naŋ yige kebaachɔrɔ Ebɔrɛ ŋkpal menyi so,

Filipaiebi 1:9

Ma kabɔrɛkule nɛ mee kule a sa menyi e la fanɛ Ebɔrɛ e shin nɛ men be kasha e baa wora keshi a ti so ashi kashennyi nɛ kenya lakal ashi asheŋ to to.

Kɔlɔsiebi 1:4

ŋkpal manɛ so, an nu kananɛ men kraa yirda Yesu Kristo nɛ kananɛ men kraa sha bumo nɛ b la Ebɔrɛ peya kikɛ

1 Tɛsalɔnikaebi 1:7

Amoso, men be kebaawɔtɔ ki Masɛdonia nɛ Akaya be bebɛsopo kikɛ be tɔnɔ nɛ baa keni so a wora asheŋ.

1 Tɛsalɔnikaebi 3:12

Enyɛnpe na e shin nɛ men be abar be kasha nɛ basa kikɛ be kasha e baa wora keshi menyi to a ti so n ya fo kananɛ anyee sha menyi na.

1 Tɛsalɔnikaebi 4:1

Bekurgepoana, an shin nɛ men pin kebaawɔtɔ nɛ k bee par Ebɔrɛ. Loŋ malɛ be kebaawɔtɔ to nɛ men chɛr a wɔ to na, ama anyee kule menyi Enyɛnpe Yesu be ketre to fanɛ men pere kenishi n nya kebaawɔtɔ nɛ k bee par Ebɔrɛ saŋkama a ti so.

2 Tɛsalɔnikaebi 1:3

Bekurgepoana, a daga an ka bee chɔrɔ Ebɔrɛ saŋkama ŋkpal menyi so. An kɔ ekpa nɛ an chɔrɔ mo ŋkpal kananɛ men be yirda bee wora keshi a ti so so. Kananɛ men be ekama bee sha mo braana na gba bee ti so.

2 Tɛsalɔnikaebi 3:4

Enyɛnpe na so an yirda menyi a nyi men ka bee wora ŋ kraa beeŋ wora asɔ nɛ anyee kaŋɛ menyi.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.