1 Tɛsalɔnikaebi 3:8 - EBƆRƐ BE KAWƆL

⁸ Naniere nɛ men kɔ Enyɛnpe na to kpakpa nɛ kagbene koŋwule, anyeeŋ baa wɔ ŋkpa to be kebaawɔtɔ lela to ŋkpal menyi so.

1 Tɛsalɔnikaebi 3:8 ပူးပေါင်းရင်းမြစ်များ

Nshɛ 30:5

E maa nya agbo a chɛr; Mbe kelela bre wɔtɔ nna n sa esa saŋɛ nɛ e wɔ ŋkpa to kikɛ. Kushu beeŋ tiŋ m ba kanyɛso, ama kare tea ka chɛ nɛ kagbenefuli ba.

Baru lela nɛ Jɔn kute na 15:4

Men baa wɔ ma to nɛ ma alɛ gba e baa wɔ menyi to. Kedibi be keyabi kama nawule maaŋ tiŋ n sɔr asɔrso ama k baa chɔɔ kedibi na gbagba so nna. Menyi alɛ gba maaŋ tiŋ n nya asɔrso kama ama men baa wɔ ma to nna.

Baru lela nɛ Jɔn kute na 15:7

Nɛ men baa wɔ ma to nɛ ma mmalga gba wɔ menyi to, men kule kusɔ kama nɛ menyee sha nɛ men nya kumo.

Baru lela nɛ Jɔn kute na 8:31

Juwebi nɛ b daŋ yirda mo na, le nɛ Yesu daŋ kaŋɛ bumo: “Nɛ men baa bɛ ma keŋini ere so, menyeeŋ baa la ma bebɛsopo kashenteŋto.

Ashuŋ Shunso 11:23

E ka ba ndoŋ m ba wu kananɛ Ebɔrɛ nɛfa basa na nɛ mbe kagbene fuli mo ga nɛ e leŋ bumo kikɛ to fanɛ b bugi bumo be ŋgbene kikɛ kashenteŋto a nu a sa Enyɛnpe na.

1 Kɔrintebi 15:58

Amoso ŋ kurgepo shasoana, men baa yil to kpakpa. Men sa maŋ shin nɛ shɛŋ shɛŋ e tia menyi ashi to. Saŋkikɛ men baa ta men be ŋgbene kikɛ a wɔtɔ Enyɛnpe be kushuŋ na to, ŋkpal manɛ so, menyi alɛ gba baa nyi fanɛ men be kegben nɛ menyee gben a sa Enyɛnpe na maaŋ to jiga kikɛ.

1 Kɔrintebi 16:13

Men baa da so a yil men be yirda na to kpakpa a kɔ kenyɛn nseŋ naa kɔ eleŋ.

Galeeshaebi 5:1

Kebaawɔ anyi be amu so nɛ Kristo shin nɛ an nya anyi be amu. Amoso, naniere men baa yil kpakpa nsaa maŋ shin nɛ b naŋ ta menyi ŋ ki anya.

Ɛfesesebi 3:17

nɛ Kristo e tiŋ m bɔla men be yirda so a wɔ men be ŋgbeneana to. Ma alɛ nseŋ naa kule mo fanɛ e shin nɛ men tɔl to m pɛ kasha to a yil kpakpa fanɛ nliŋi na.

Filipaiebi 1:21

Ŋkpal manɛ so, ma ere kutɔ n wɔ ŋkpa ere to nna ŋkpal Kristo so, nɛ ma alɛ naaŋ wu nna, luwu na la nɛfa nna.

Filipaiebi 1:27

Amoso, kusɔ kama nɛ k la gba, men baa kɔ men be amu to nɛnɛ a du fanɛ kananɛ Kristo be baru lela na bee ŋini na. Saŋɛ na so, nɛ m ba wu menyi nna ŋko n wɔ kufɔ nna nsaa nu menyi be asheŋ, n nyi men ka yil to nɛnɛ kɔnɔkoŋwuleso a kɔ fanɛ esa koŋwule ŋkpal yirda nɛ k shi baru lela na to na so.

Filipaiebi 4:1

Amoso, ŋ kurgepoana, mee sha men be asheŋ ga nsaa sha kewu menyi. Menyi e naa shin nɛ ma kagbene bee fuli ma, menyi alɛ nseŋ naa la ma kegben be tɔnɔ. N teriana, amoso nɛ a daga fanɛ men baa kɔ Enyɛnpe na to a yil kpakpa na.

Kɔlɔsiebi 1:23

Kananɛ Yesu Kristo beeŋ yɛr menyi Ebɔrɛ kutɔ nna na, nɛ men baŋ yirda baru lela na a maa chɛrga men be ŋgbene nsaa tama asɔ nɛ men nu baru lela na to nna na. Baru lela na nɛ baa malga a sa basa kama nɛ ma Pɔɔl gba ki kumo be emalgapo na.

1 Tɛsalɔnikaebi 3:7

Bekurgepoana, ŋkpal menyi so an be awurfoŋ nɛ tɔrɔ kikɛ maŋ tir anyi. Men be yirda e daŋ leŋ anyi to.

Hibruwebi 10:23

Men shin nɛ an baa kɔ anyi be shɛda na to kpakpa nsaa maa gbuŋgbuŋ to, ŋkpal manɛ so, esa nɛ e nase kɔnɔ n sa anyi na maa yɛ asheŋ a chɛrga kɔnɔ kikɛ.

Hibruwebi 3:14

Ŋkpal manɛ so, nɛ an baa kɔ anyi be sososo be tama na to kpakpa n ya fo ekar, kumo ere anyi nɛ Kristo e kɔ kachige koŋwule.

Hibruwebi 4:14

An ka kɔ bɔrɛmatapo nimuso nɛ baa tre mo Yesu, Ebɔrɛ Pibinyɛn, nɛ e yɔ Ebɔrɛ gbagba be anishito na so, men shin nɛ an baa kɔ anyi be yirda nɛ anyee ji kumo be shɛda na be asheŋ to kpakpa.

1 Pita 5:10

Ama nɛ men baŋ ji tɔrɔ ere gbrɛbi m ba lar, kuwɔr be kakɛ kikɛ be Ebɔrɛ nɛ e bee tre menyi fanɛ men ba tu Kristo nɛ men gama n nya mbe kemaŋkura mo nɛ k maŋ kɔ ekar na gbagba beeŋ naŋ shin nɛ kusɔ kama e nyalɛ n sa menyi nseŋ wɔtɔ menyi eleŋ to n shin nɛ men baa yil to nɛnɛ a maa gbuŋgbuŋ to kikɛ.

2 Pita 3:17

Ama n teri lelaana, menyi ere tea nyi asheŋ ere kikɛ, amoso, men baa da so nɛ mbrakinipoana be alubi e sa maŋ shin nɛ men foe ekpa n lar kakpa lela nɛ men yil ere so n tɔr.

Kelaraŋŋini 3:11

M maaŋ naŋ chɛr nseŋ ba, men baa kɔ kusɔ nɛ men tea kɔ to na to kpakpa nɛ esa kikɛ e sa maŋ tiŋ n sɔ men be kekɔmpɔɔso be tɔnɔ.

Kelaraŋŋini 3:3

Amoso, men baa nyiŋi asɔ nɛ men daŋ sɔ nseŋ nu na kikɛ. Men baa bɛ amo so nseŋ lar alubi to. Nɛ men baŋ maŋ tiŋi men be loŋ be kebaawɔtɔ na to, meeŋ ba fanɛ eyu nɛ men maaŋ pin saŋɛ nɛ meeŋ purgi menyi.

1 Samuɛl 25:6

Le be kubɔya nɛ e daŋ ta n shuŋi bumo Nabaal kutɔ. E yɛ: “Fo teri Deevid e naa chɔrɔ fo na, nsaa bishi fo nɛ fo kanaŋ nɛ kusɔ kama nɛ fo kɔ be alenfia be asheŋ.