1 Tɛsalɔnikaebi 3:13 - EBƆRƐ BE KAWƆL

¹³ Loŋ nɛ e beeŋ shin nɛ yirda kpakpaso e baa wɔ men be ŋgbene to nɛ men maaŋ baa kɔ kulubi kikɛ, ama menyeeŋ baa du cheembi ashi an be Ebɔrɛ Etuto na be anishito saŋɛ nɛ an Nyɛnpe Yesu Kristo nɛ bumo nɛ b la mo peya na kikɛ beeŋ ba na.

1 Tɛsalɔnikaebi 3:13 ပူးပေါင်းရင်းမြစ်များ

Zakareya 14:5

Kumo be kaman nɛ men bɔla ketaŋɛ nɛ kebee na baŋɛ to anyɔ n dese n ya fo kakpa nɛ baa tre Azɛl na n shile. Kananɛ men nanaana daŋ shile saŋɛ nɛ kasawule daŋ gbuŋgbuŋ Juda be ewura Uziya be jemanɛ so na gbagba chap nɛ menyi alɛ gba beeŋ shile m mɔlga menyi be amu. Kumo be kaman nɛ Enyɛnpe Ebɔrɛ na nɛ mbe emalaika kikɛ e ba.

Matiu 25:31

Nɛ Yesu naŋ kaŋɛ: “Saŋɛ nɛ ma, Nyiŋgbasa Pibinyɛn beeŋ shi ma kemaŋkura to nɛ emalaika kikɛ e ba na, meeŋ ba chena ma kemaŋkura be kuwurputi na so.

Maak 8:38

Esa kama nɛ e kpal anishinyɔr so a maaŋ tiŋ ŋ kaŋɛ kabre be bɔrɛkinipoana ere nɛ alubiworapoana ere ma nɛ ma mmalga be asheŋ, e baa nyi fanɛ saŋɛ nɛ ma, Nyiŋgbasa Pibinyɛn beeŋ keta n Tuto be kemaŋkura nɛ emalaika cheembi na m ba na, anishinyɔr beeŋ pɛ ma alɛ gba ŋkpal amodoŋwura so.”

Luuk 1:6

Bumo benyɔ kikɛ daa bɛ Enyɛnpe be mbraana na nɛ mbe asheŋ ŋinisoana na kikɛ so nna nɛnɛ a maa foe ekpa kikɛ nsaa wɔ kebaawɔtɔ cheembi nɛ k bee par Ebɔrɛ to.

Romebi 14:4

Manɛ be ekpa nɛ fo alɛ kɔ nɛ fo tiŋ n ji esa pɔtɛ be kayɛrbi demu? Mo nyɛnpe gbagba be anishito nɛ e beeŋ tiŋ n ji n lar ŋko n ji n tɔr, mo alɛ beeŋ ji n lar malɛ, ŋkpal manɛ so, Enyɛnpe beeŋ tiŋ n shin nɛ e ji n lar.

Romebi 16:25

Kemaŋkura e baa wɔ Ebɔrɛ nɛ e beeŋ shin nɛ men baa kɔ menyi be yirda na to a yil kpakpa ŋkpal baru lela nɛ m bɔ n sa menyi m malga Kristo be kubɔya na be asheŋ na so nɛ ŋkpal kashenteŋ be wulo nɛ k daŋ ŋana dra dra na kikɛ so.

1 Kɔrintebi 15:23

Ama ekama nɛ mbe saŋɛ nna, sososo Kristo nɛ e la ejuŋkparso na e tiŋi, mo alɛ kaŋ naŋ ba, bumo nɛ b la mo peya na e naaŋ tiŋi m bɛ so.

Galeeshaebi 1:4

Mo Yesu Kristo na e kpal kumɔlga anyi ashi alubi be jemanɛ be kebaawɔtɔ ere to so n nu n sa anyi be Ebɔrɛ nɛ Etuto na n ta mbe kumu n lara anyi alubi be kewora be eleŋ to.

Ɛfesesebi 5:27

Saŋɛ na so e beeŋ ta asɔri na nɛ kumo be kela kikɛ nɛ kumo be kananɛ k ki cheembi nɛ kananɛ k maŋ kɔ kulubi kikɛ ŋko nɛ kananɛ kulubi kikɛ maŋ do kumo so nɛ kananɛ k maŋ nɔkɔr to ŋko kananɛ k maaŋ baa du bubɔrɔ kikɛ na m bɔɔ mo gbagba be kumu enɔ.

Ditɛronɔmi 33:2

“Enyɛnpe Ebɔrɛ na daŋ shi Sainai be kebeegboŋ na so nna n nyaŋɛ fanɛ epeŋi n yuu Edɔm be kasawule so nɛ mbe kemaŋkura buu mbe basa so ashi Paran be kebeegboŋ na so. Emalaika ŋgboŋ kudu e daa wɔ mo kutɔ, nɛ edɛ daa suse wuloŋ wuloŋ mbe enɔjiso to.

Filipaiebi 1:10

Saŋɛ na so menyeeŋ tiŋ m pin kusɔ nɛ k chɔ kekama kela n lara kumo. Nɛ loŋ e shin nɛ kulubi kikɛ e sa maŋ mata menyi so nsaa maŋ naŋ shin nɛ b kaŋɛ fanɛ men ji n lar ŋ gben kachɛ nɛ Kristo beeŋ naŋ ba na.

Kɔlɔsiebi 1:22

Ama naniere, Etuto na shin nɛ menyi nɛ mo naŋ nyalɛ ŋkpal Yesu be luwu nɛ e wu na so. Kumo e naaŋ shin nɛ men baa du cheembi nɛ esa kikɛ e sa maŋ tiŋ n wu menyi alubi ŋko n ji men be kebaawɔtɔ emɔrɔ jemanɛ nɛ Yesu Kristo beeŋ yɛr menyi Ebɔrɛ kutɔ na.

1 Tɛsalɔnikaebi 2:19

Ŋkpal manɛ so, basa mo malɛ so nɛ anyi be tama nɛ kagbenefuli nɛ kekɔmpɔɔso be kakɛ nɛ anyeeŋ nya na naa wɔ? Menyi nawule so nɛ anyeeŋ tiŋ n nya kemaŋkura ashi an Nyɛnpe Yesu Kristo be anishito saŋɛ nɛ e beeŋ naŋ ba na. Menyi e la anyi be tama nɛ kagbenefuli.

1 Tɛsalɔnikaebi 3:11

Kusɔ nɛ anyee kule e la fanɛ anyi be Ebɔrɛ Etuto na gbagba nɛ an Nyɛnpe Yesu e bugi ekpa n sa anyi nɛ an nya m ba bɔɔ menyi so.

1 Tɛsalɔnikaebi 3:2

An shuŋi mo nna fanɛ e ya leŋ menyi to nseŋ chɛ menyi to nɛ men baa wɔ men be yirda na to. Loŋ e naaŋ shin nɛ men be ekama e sa maŋ foe ekpa ŋkpal etɔrɔ ere so.

1 Tɛsalɔnikaebi 4:15

Kusɔ nɛ anyee kaŋɛ menyi ere la Enyɛnpe na be keŋini nna fanɛ kachɛ nɛ Enyɛnpe na beeŋ ba na, anyi nɛ an kraa wɔ ŋkpa to ere maaŋ juŋkpar bumo nɛ b wu na n yɔ ebɔrɛso.

1 Tɛsalɔnikaebi 4:17

Kumo be kaman, baaŋ chala anyi nɛ an yirda nseŋ kraa wɔ ŋkpa to na n ti bumo nɛ b yirda pɔɛŋ nseŋ wu na so nɛ an kikɛ e ya tu Enyɛnpe na awɔlpa to, nɛ anyi nɛ Enyɛnpe na e baa wɔtɔ saŋkama mbaanaayɔ.

1 Tɛsalɔnikaebi 5:23

Ebɔrɛ nɛ e bee sa kagbenewushi na e wora menyi cheembi n shin nɛ menyi be amu kikɛ nɛ kiyoyu nɛ kagbene nɛ eyur e lar kulubi kikɛ to jemanɛ nɛ anyi nɛ Enyɛnpe Yesu Kristo beeŋ ya ba na.

2 Tɛsalɔnikaebi 1:10

Kachɛ nɛ e beeŋ ba nya kemaŋkura nɛ bunyaŋ ashi mbe basa nɛ b yirda mo na kutɔ na, menyi alɛ gba beeŋ ti loŋ be basa na so ŋkpal men ka yirda kubɔya nɛ an daŋ bɔ n sa menyi na so.

2 Tɛsalɔnikaebi 1:7

Mo e naaŋ sa anyi nɛ menyi nɛ menyee ji awurfoŋ ere ewushi kachɛ nɛ Enyɛnpe Yesu beeŋ lara mbe kumu ŋ ŋini durnya saŋɛ nɛ mo nɛ mbe emalaika lempo beeŋ shi ebɔrɛso m ba nɛ edɛ chɔɔso

2 Tɛsalɔnikaebi 2:1

To, bekurgepoana, an Nyɛnpe Yesu Kristo be kebɛta m ba na nɛ anyi be kechala a wɔ mo kutɔ na malɛ be asheŋ nde:

Jeems 5:8

To, menyi alɛ gba e baa kɔ kanyiti loŋ a yil to nɛnɛ, ŋkpal manɛ so, an Nyɛnpe be kenaŋ bɛta mba be saŋɛ na bee taga to.

1 Pita 5:10

Ama nɛ men baŋ ji tɔrɔ ere gbrɛbi m ba lar, kuwɔr be kakɛ kikɛ be Ebɔrɛ nɛ e bee tre menyi fanɛ men ba tu Kristo nɛ men gama n nya mbe kemaŋkura mo nɛ k maŋ kɔ ekar na gbagba beeŋ naŋ shin nɛ kusɔ kama e nyalɛ n sa menyi nseŋ wɔtɔ menyi eleŋ to n shin nɛ men baa yil to nɛnɛ a maa gbuŋgbuŋ to kikɛ.

Juud 1:14

Le malɛ be basa ere be asheŋ nɛ Inɔk nɛ e la esa nɛ e yili Adam be jemanɛ na so m bɛ so esa shunusopo na daŋ wu ŋ kaŋɛ na fanɛ: “Men keni Enyɛnpe nɛ mbe emalaika ŋgboŋ to ŋgboŋ to ba

Juud 1:24

Men shin nɛ an baa di Ebɔrɛ mo nɛ e beeŋ tiŋ ŋ keni menyi so nɛ men sa maŋ tɔr na epaŋ. Mo e naaŋ tiŋ n chɛ menyi to nɛ men yige alubi be kebaawora nseŋ tiŋ n yili mbe anishito cheembi n wu mbe kemaŋkura kagbenefuliso