1 Tɛsalɔnikaebi 2:9 - EBƆRƐ BE KAWƆL

⁹ Bekurgepoana, m baa nyi fanɛ menyee nyiŋi kananɛ an mɔ anyi be amu n shuŋ saŋɛ nɛ an daa wɔ men kutɔ a malga Ebɔrɛ be baru lela na a sa menyi na ŋko? Kapa nɛ kanyɛ kikɛ nɛ an daa shuŋ, ŋkpal manɛ so, an daa maa sha keshin nɛ men be ekama e baa wɔ kegben to.

1 Tɛsalɔnikaebi 2:9 ပူးပေါင်းရင်းမြစ်များ

2 Bewura 6:2

Amoso to anyi ekpa nɛ an yɔ Jɔɔdan be lɔr to n ya ku ndibi m ba wora kakpa a wɔtɔ.” Nɛ Elaisha kaŋɛ le: “To, kenyalɛ, men yɔ.”

Nehemaya 5:15

Egomena kama nɛ b juŋkpar na daa tɔrɔ basa na nna ga. B daa sɔ gbiti be ndarbi adena nna a tɔ ajibi nɛ asɔnuuso karechɛ kikɛ nna. Bumo be nyɛrbi gba daa tɔrɔ basa na nna, ama ŋkpal ma ere ka bee ŋana Ebɔrɛ na so nɛ ma kebaawɔtɔ daa kɔr bumo to na.

Nehemaya 5:18

Karechɛ kama mee sa kena koŋwule nɛ mbolpɔ lela ashe nɛ ŋkoshi damta nɛ ajibi nna, nsaa chige asɔnuuso popɔr nchɛ kudu kikɛ. Ama ade kikɛ be kaman n nyi asheŋ kpakpaso nɛ a beeŋ ba basa na so, amoso n daa maa sɔ gomena be kakɔka.

Nshɛ 32:4

Fo kasogberge daa wɔ ma so kapa nɛ kanyɛ nna; nɛ ma eleŋ kikɛ loge fanɛ ketarso be epeŋi ka shin nɛ nchu feeto na.

Nshɛ 88:1

O Enyɛnpe Ebɔrɛ nɛ fo la ma emɔlgapo, kapa nɛ kanyɛ, fo nɛ mee shu a tre.

Aŋasa 31:18

E bee ji yawu nna a nya tɔnɔ nsaa shuŋ a fo kiidiso.

Jɛremaya 9:1

N daa yɛlga fanɛ ma kumu beeŋ baa la ketirbu nɛ ma anishi malɛ e baa la kubuye a bul anishichubi, saŋɛ na so meeŋ baa shu kapa nɛ kanyɛ a sa ma basa nɛ b mɔ na.

Luuk 18:7

To, nɛ a ji nuso nɛ Ebɔrɛ bre maaŋ keni mbe basa laraso nɛ b wɔtɔ a shu kapa nɛ kanyɛ a tre mo na be asheŋ to n sa bumo? E beeŋ kini kenu manaŋ n sa bumo a?

Luuk 2:37

E ka daŋ kil kumo be kafɛ shunusopo to nɛ mo kul wu ŋ ka mo nɛ e wɔtɔ loŋ n ya ji nfɛ aduburwa nɛ ana. E daa sha bɔrɛlambu na to ga nseŋ daa wɔtɔ a kule Ebɔrɛ nsaa kishi a bunyaŋ mo saŋkama.

Ashuŋ Shunso 18:3

Ndoŋ nna nɛ Pɔɔl ya chɔrɔ bumo nseŋ shir bumo pe a wɔtɔ a baa ewajɛbu a fa a nya amansherbi a tɔ mbe asɔ jiso fanɛ kananɛ bumo gbagba daa wora na.

Ashuŋ Shunso 20:24

Kusɔ nɛ k tir ma e la kananɛ meeŋ tiŋ n loge Enyɛnpe Yesu be kushuŋ nɛ e sa ma na. Kumo alɛ e la kebɔ Ebɔrɛ be kuwɔr be kakɛ na be baru lela na.

Ashuŋ Shunso 20:31

Amoso, men baa da so a nyiŋi kananɛ n daŋ shu n fiɛ menyi so kenishipereso kapa nɛ kanyɛ nfɛ asa a ŋini menyi be ekama asheŋ na.

Romebi 1:1

Kawɔl ere shi ma Pɔɔl nɛ n la Kristo Yesu be kenya na kutɔ nna. Ebɔrɛ e tre ma nseŋ lara ma ashi ma basa to n shin nɛ ŋ ki mbe eshuŋipo nɛ m ba kaa bɔ mbe baru lela na.

Romebi 15:16

Mee shuŋ nna fanɛ bɔrɛmatapo a wɔtɔ a bɔ baru lela nɛ a shi Ebɔrɛ kutɔ na nna a sa nnyamase, saŋɛ na so, baaŋ baa du fanɛ kakɛ nɛ k bee par mo ere Ebɔrɛ nɛ Kiyoyu Cheeŋ na lara m bɔɔ mo enɔ na.

Romebi 15:19

Kiyoyu na be eleŋ to nɛ m bɔla n shin nɛ b wu etɔɔnɛ nɛ emamachisheŋ. Amoso, baŋ yili Jerusalɛm be kade to n ta ŋ kulti n ya fo Ilirikem kikɛ m bɔ Kristo be baru lela na nɛnɛ n sa basa.

1 Kɔrintebi 4:12

Anyi gbagba be enɔana nɛ an kɔ a shuŋ ga. Basa baŋ so anyi kɔnɔ, anyee nɛfa bumo nna, b baŋ tɔrɔ anyi, anyee ji kumo be loŋ be kanyiti nna.

1 Kɔrintebi 9:15

Ama ma alɛ daa maŋ ŋini ekpa nɛ ŋ kɔ ana ere be kekama, ma alɛ maŋ naa sibɛ naniere nna a sa menyi nɛ n nya loŋ be kechɛto na. Cha, nɛ n wu gba k bɔ ŋ ka shin nɛ esa e nya ekpa m mɔn ma ashi kepuchi to.

1 Kɔrintebi 9:18

To, nɛ manɛ e la ma tɔɔnɛ? Kumo nde jia: Mee bɔ kubɔya na nna nɛ n tiŋ n ta kumo n sa basa ŋkaa maaŋ sɔ bumo shɛŋ, saŋɛ na so m maaŋ ta ekpa mo nɛ ŋ kɔ ana ere a ji ashi kushuŋ na to.

1 Kɔrintebi 9:4

Anyi maŋ kɔ ekpa fanɛ basa e sa anyi ajibi nɛ asɔnuuso nna ŋkpal anyi be kushuŋ ere so a?

2 Kɔrintebi 11:27

Saŋkikɛ ma nɛ kegben nɛ kebaawɔtɔ kpakpaso e wɔtɔ. Saŋɛ damta ma nɛ kadigal nna, akoŋ mɔ ma nɛ achukoŋ pɛ ma. Saŋɛ damta m maŋ kɔ ajibi nɛ n ji saŋko nɛ n dese awo to saŋko m maaŋ ba kɔ asɔbuuso.

2 Kɔrintebi 11:9

Saŋɛ nɛ n daa wɔ menyi kutɔ na nɛ k ba fanɛ n daa sha kusɔ ko, m maŋ dese menyi so, ŋkpal manɛ so, bekurgepo mo nɛ b daŋ shi Masɛdonia na e daa sa ma kumo. N daa maa sha fanɛ n dese menyi so ekpa kama so, ma alɛ maaŋ dese menyi so kikɛ.

2 Kɔrintebi 6:5

B daŋ kebri anyi n ti anyi ebu n shɛr agboso ŋ kulti anyi, an shuŋ m baŋ anyi be amu so ŋ gal edi nseŋ di akoŋ malɛ gba.

Filipaiebi 4:16

Hale ŋ ka daa wɔ Tɛsalɔnika be kade to, men daŋ yɛr ma kechɛto.

1 Tɛsalɔnikaebi 1:3

Ŋkpal manɛ so, an baa kule anyi be Ebɔrɛ Etuto na, anyee nyiŋi kananɛ men ta men be yirda a shuŋ kushuŋ nɛ kananɛ men be kasha shin nɛ men mɔ men be amu a shuŋ. Anyee kaa nyiŋi kananɛ men kɔ tama kpakpaso an Nyɛnpe Yesu Kristo so ashi an be Ebɔrɛ Etuto na be anishito.

1 Tɛsalɔnikaebi 2:2

Men nyi kananɛ b tɔrɔ anyi n tege anyi ashi Filipai pɔɛŋ nɛ an ba menyi kutɔ ashi Tɛsalɔnika. Kɔnɔgberge damta daa wɔtɔ, ama anyi be Ebɔrɛ sa anyi kenyɛn nɛ an bɔ kubɔya lela nɛ k shi mo kutɔ na n sa menyi.

1 Tɛsalɔnikaebi 2:6

An daa beeŋ tiŋ n shin nɛ men wora kusɔ kikɛ n sa anyi ŋkpal an ka la Yesu be beshuŋipo so, ama an daa maŋ fin mbo ashi esa kikɛ kutɔ ŋko menyi gbagba kutɔ ŋko basa pɔtɛ kutɔ.

1 Tɛsalɔnikaebi 3:10

Kapa nɛ kanyɛ anyee bugi anyi be ŋgbene to nna a kule Ebɔrɛ fanɛ e shin nɛ an gbagba e wu menyi n sa menyi yirda na be kusɔ nɛ k ka.

1 Timoti 1:11

Le nɛ nɛfa be Ebɔrɛ na be baru lela nɛ kemaŋkura wɔ kumo to nɛ b ta m bɔɔ ma enɔ na bee ŋini.

1 Timoti 4:10

Anyee shuŋ ga a maŋ kɔ kachena ŋkpal an ka ta anyi be yirda n wɔtɔ Ebɔrɛ nɛ e kɔ ŋkpa nsaa la basa kikɛ be Emɔlgapo, fɔnfɔŋ bumo nɛ b yirda mo na to so.

1 Timoti 5:5

Ekulpoche gbagba nɛ e maŋ kɔ esa kikɛ nɛ e bee keni mo so be tama wɔ Ebɔrɛ so nna fanɛ e baa chɛ mo to. Mo alɛ baa wɔtɔ nna a kule Ebɔrɛ kapa nɛ kanyɛ fanɛ Ebɔrɛ e chɛ mo to.

2 Timoti 1:3

Mee chɔrɔ Ebɔrɛ nɛ ŋ kɔ nfɛra lela a shuŋ fanɛ kananɛ n nananyɛnana shuŋ mo na. Saŋkama, kapa nɛ kanyɛ nɛ n nyiŋi fo asheŋ, mee di mo epaŋ nna.