1 Tɛsalɔnikaebi 2:4 - EBƆRƐ BE KAWƆL

⁴ Ama kusɔ nɛ Ebɔrɛ bee sha nɛ anyee malga saŋkama, ŋkpal manɛ so, e yirda anyi nna nseŋ ta baru lela na m bɔɔ anyi enɔ. Mannɛ basa be aparsheŋ nɛ anyee wora ania a fin, ama Ebɔrɛ mo nɛ e bee wora anyi be nfɛra a keni na peya nɛ anyee fin.

1 Tɛsalɔnikaebi 2:4 ပူးပေါင်းရင်းမြစ်များ

1 Bewura 8:39

fo yili esoso n nu bumo be kekule nseŋ ta bumo be alubi m paŋ bumo. Fo nawule e nyi dimɛdi be kagbene to. Shin nɛ ekama e nya mbe asheŋ woraso be kakɔka,

2 Bewura 16:16

Ndoŋ nna nɛ bɔrɛmatapo Uriya wora kusɔ nɛ ewura Ahaz kaŋɛ mo na kikɛ.

1 Kronikɛls 29:17

N nyi fo ka nyi ekama be kagbene. Ma nɛ ma basa nɛ b wɔ nfe ere kikɛ bugi ŋgbene kagbenefuliso nna m bar asɔ ere kikɛ m ba sa fo.

Nshɛ 139:23

O Ebɔrɛ, mige ma to ŋ keni, m pin ma kagbene to; wora ma ŋ keni m pin ma nfɛra fɛso.

Nshɛ 17:3

Fo nyi ma kagbene to. Fo wora ma ŋ keni kanyɛso n wu fanɛ maŋ wora n jija. N yili kumo ma kagbene to fanɛ m maaŋ ku efɛ kikɛ.

Nshɛ 44:21

fo daŋ beeŋ pin; ŋkpal manɛ so, fo nyi kagbene to be ashiri kikɛ.

Nshɛ 7:9

Fo la Ebɔrɛ nɛ e bee wora asheŋ nɛ a niŋi nna, a nyi esa be kagbene to nɛ mbe nfɛra to be asheŋ kikɛ. Shin nɛ alubiworapo e yige alubi be kebaawora, nseŋ kuŋ basa lela ashi alubi to.

Aŋasa 17:3

Edɛ nɛ baa ta a wora shuwa nɛ gbiti a keni a pin amo be kela; ama Enyɛnpe Ebɔrɛ na e naa wora dimɛdi be kagbene a keni.

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Jɛremaya 32:19

Fee kre asheŋ kanyiasheŋ so nna nsaa wora asheŋgboŋ. Fo alɛ bee wu kusɔ kama nɛ basa bee wora nsaa yili bumo be aworbi so a ka bumo kukɔ nna.

Nɔmbɛs 27:16

“Enyɛnpe Ebɔrɛ nɛ kusɔ kikɛ be ŋkpa wɔ fo enɔ to, jande lara esa nɛ e beeŋ tiŋ n juŋkpar basa ere

Luuk 12:42

Nɛ Enyɛnpe na bishi bumo: “Esa mo e la kenya nyiashempo nɛ e maŋ kɔ kebirkɔnshi, emo nɛ mo nyɛnpe na beeŋ shin nɛ e baa keni mbe anya kikɛ so nsaa sa bumo bumo be ajibi saŋɛ nɛ a daga na?

Luuk 16:11

Nɛ fanɛ fo maŋ tiŋ n ta kagbene koŋwule ŋ keni durnya ere to be asɔ so, wanɛ e naaŋ ta asɔ nɛ a la dama kashenteŋto n sa fo nɛ fo baa keni so?

Baru lela nɛ Jɔn kute na 21:17

Kela sasopo nɛ Yesu naŋ bishi Pita: “Saimɔn, Jɔn pibinyɛn fee sha ma a?” Ndoŋ nna nɛ Pita be kagbene jija mo, ŋkpal Yesu ka bishi kela sasopo fanɛ: “Fee sha ma?” Amoso, le nɛ e daŋ kaŋɛ Yesu: “Enyɛnpe, fo nyi kusɔ kama, fo nyi ŋ ka bee sha fo.” Nɛ Yesu kaŋɛ mo: “Baa keni ma mbolpɔ so.”

Romebi 8:27

Ebɔrɛ nɛ e bee wu basa be ŋgbene to na e nyi Kiyoyu na be nfɛra. Kiyoyu na malɛ e naa bɔla ekpa nɛ k bee par Ebɔrɛ so a kule mo a sa mbe basa.

1 Kɔrintebi 7:25

To, naniere men shin nɛ an keni bumo nɛ b maŋ naŋ luri kakil to na be asheŋ to. Enyɛnpe maŋ ta kamalga naseso nɛ k bee yɔ bumo be kaplɛa so n sa ma, ama meeŋ kaŋɛ menyi kusɔ nɛ ma nɛ n la esa nɛ baaŋ tiŋ n yirda ŋkpal Enyɛnpe na be kuwɔr so na gbagba be nfɛra bee kaŋɛ ma.

1 Kɔrintebi 9:17

Ŋkpal manɛ so, nɛ fanɛ mee wora loŋ nna ŋkpal ma alɛ gbagba be keparso, n daa beeŋ baa kɔ kakɔka, ama nɛ k maŋ la fanɛ ŋ gbagba be kepar be asheŋ so nɛ mee wora kumo, kumo ere kusɔ nɛ b ta m bɔɔ ma enɔ nɛ mee wora.

2 Kɔrintebi 2:17

Anyi alɛ maŋ du fanɛ basa damta nɛ b kɔ Ebɔrɛ be kawɔl to na a fin kenya tɔnɔ ko n ji na nna. Anyi ere, Ebɔrɛ e shuŋi anyi, amoso, nfɛra niŋiso nɛ an kɔ a malga asheŋ Kristo be ketre to ashi Ebɔrɛ be anishito.

2 Kɔrintebi 4:2

Naniere, an yige wulo to be asheŋ nɛ anishinyɔr be ekpaana. Anyi maa ta kafule a wora asheŋ, anyi alɛ maa chɛrga Ebɔrɛ be kamalga na. Ama kashenteŋ nɛ an lara n dii efuli. Loŋ malɛ, ekama be nfɛra fɛso beeŋ ŋini mo fanɛ an walɛ nna ashi Ebɔrɛ be anishito.

2 Kɔrintebi 5:11

Ŋkpal anyi alɛ ka nyi kusɔ nɛ baa tre Ebɔrɛ be kaŋana na so, anyee wora ania nna ga a chɛ basa to nɛ b pin kusɔ nɛ k wɔtɔ. Ebɔrɛ e nyi kananɛ an du nɛnɛ nɛ ma alɛ bee tama fanɛ loŋ nɛ menyi alɛ gba nyi anyi ashi men be ŋgbene to.

2 Kɔrintebi 5:16

Amoso, naniere mannɛ dimɛdi be kaplɛa so nɛ an naa bɔla so a keni kananɛ esa du. Saŋko bre, loŋ nɛ an daa keni Kristo na, ama naniere bre anyi maŋ naa keni mo loŋ.

Galeeshaebi 1:10

To, kananɛ m malga le ere maa ŋini ŋ ka bee sha kenya ketre basa kutɔ, ama Ebɔrɛ nawule kutɔ. Ŋko basa nɛ mee sha fanɛ n wora asheŋ nɛ a par bumo a? Cha, nɛ n daa sha kebaawora basa be aparsheŋ nna n daa maaŋ tiŋ a la Kristo be kenya.

Galeeshaebi 2:7

Ama kusɔ nɛ b daŋ baŋ wu bre e daa la fanɛ Ebɔrɛ ta baru lela na nna m bɔɔ ma enɔ nɛ m bɔ kubɔya na n sa nnyamase fanɛ kananɛ e ta kubɔya koŋwule na n sa Pita fanɛ e bɔ n sa Juwebi na.

Ɛfesesebi 3:8

Kashenteŋto nna fanɛ m maŋ fo Ebɔrɛ be basa to be ekekarso gba kuraa, ama Ebɔrɛ ta le be kuwɔr be kakɛ ere nna n sa ma nɛ m bɔ Kristo be enɛfa damta be baru lela na n sa nnyamase

Ɛfesesebi 6:6

Saŋkikɛ men baa nu a sa bumo, mannɛ fanɛ nɛ b wu menyi nɛ men nya ketre bumo kutɔ so, ama men baa ta men be ŋgbene kikɛ a wora asɔ nɛ a bee par Ebɔrɛ nɛ men baa du fanɛ Kristo be anya.

Kɔlɔsiebi 3:22

Anya, men baa bunyaŋ men nyɛnpeana kusɔ kama to, mannɛ fanɛ men ya kaa shuŋ nɛ baa keni menyi so nawule ŋkpal men ka baa sha men be asheŋ e baa par bumo so, ama men baa kɔ kagbene koŋwule a shuŋ ŋkpal men ka bee bunyaŋ Enyɛnpe Yesu Kristo na so.

1 Timoti 6:20

Timoti, baa de kusɔ nɛ Ebɔrɛ ta m bɔɔ fo enɔ na so nɛnɛ nsaa gelge chilchil be emɔrɔ be mmalga nɛ a maa par Ebɔrɛ nɛ efɛ be keŋini nɛ baa tre kashennyi be keŋini na.

2 Timoti 1:14

Baa kɔ asheŋ lela nɛ Kiyoyu Cheeŋ nɛ e wɔ anyi to na ta m bɔɔ fo enɔ na to kpakpa.

2 Timoti 2:2

nseŋ ta mmalga nɛ fo nu ŋ ka bugi to m malga basa damta be anishito na m bɔɔ basa nɛ fo yirda fanɛ bumo alɛ beeŋ tiŋ ŋ ŋini beko enɔ.

Taites 1:3

Jemanɛ nɛ mo ere Ebɔrɛ an be Emɔlgapo na gbagba bee sha na nɛ e bugi mbe kubɔya na to n sa basa nseŋ yili kumo fanɛ kubɔya na be kebɔ n sa basa be kushuŋ e baa la meya.

Hibruwebi 4:13

Kusɔ toso kikɛ maŋ wɔtɔ a ŋana Ebɔrɛ so. Kusɔ kikɛ nyam dii efuli nna n dese mbe anishito, mo alɛ nɛ anyi kikɛ beeŋ yili mbe anishito ŋ kaŋɛ mo ashuŋ nɛ an wora kikɛ nɛ kusɔ nɛ k ba nɛ an wora amo.

1 Pita 4:11

Ekama nɛ e bee malga e shin nɛ mbe mmalga na e baa la fanɛ Ebɔrɛ be mmalga gbagba, nɛ ekama malɛ nɛ e bee shuŋ mo braana e baa ta eleŋ mo nɛ Ebɔrɛ bee sa mo na a wora loŋ, saŋɛ na so, kusɔ kama to, Ebɔrɛ beeŋ bɔla Yesu Kristo so n nya epaŋ be kedi. Kemaŋkura nɛ eleŋ e baa la mo peya mbaanaayɔ. Amɛn.

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.