1 Tɛsalɔnikaebi 2:10 - EBƆRƐ BE KAWƆL

¹⁰ Menyi nɛ Ebɔrɛ e la an be eshɛdajipoana. An daa maŋ ta da lubi n tu menyi nɛ men yirda na, anyi be da daa du cheembi a kɔ kashenteŋ nna.

1 Tɛsalɔnikaebi 2:10 ပူးပေါင်းရင်းမြစ်များ

Jɛremaya 18:20

N wora ania fanɛ meeŋ chɛ bumo to, ama baa kre keta kulubi nna ŋ ka ma kukɔ. K du fanɛ b kaa kur kemaŋ nna n nase nɛ n tɔr kumo to. Jemanɛ ko n daŋ kule fo fanɛ fo sa maŋ nya agbo ŋ gberge bumo kusoe.

Nɔmbɛs 16:15

Ndoŋ nna nɛ Mosis nya agbo ga nseŋ kaŋɛ Enyɛnpe Ebɔrɛ le: “Sa maŋ kaŋ sɔ sarga nɛ basa ere kɔ a bar fo ere. M maŋ wora bumo be ekama kulubi. Ma alɛ maŋ sɔ esa kama be kurma.”

Luuk 23:41

Anyi ere be alubi be tɔnɔ nɛ anyee ji na, ama kanyɛn ere bre maŋ wora shɛŋ.”

Ashuŋ Shunso 20:18

B ka ba nɛ e kaŋɛ bumo: “Men nyi kebaawɔtɔ nɛ n daa kɔ a wɔ menyi kutɔ na yili kachɛ nɛ n fara m ba Eeshia be efuli ere so na m ba fo kabre.

Ashuŋ Shunso 20:26

Amoso, m baa bugi asheŋ to nna a kaŋɛ menyi kabre nna fanɛ: Nɛ menyi be ekama baŋ foe ekpa, mannɛ ma e bar kumo,

Ashuŋ Shunso 24:16

Amoso, saŋkama mee wora ania nna nɛ m baa kɔ kagbene koŋwule nɛ k maa wora ma shikashika ashi ma nɛ Ebɔrɛ nɛ nyiŋgbasa be kebaawɔtɔ to.

2 Kɔrintebi 1:12

Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.

2 Kɔrintebi 11:11

Manɛ e ba nɛ ŋ kaŋɛ loŋ ere? Ŋ ka maa sha menyi so a? Ayai, Ebɔrɛ gba nyi ŋ ka bee sha menyi!

2 Kɔrintebi 11:31

Enyɛnpe Yesu na be Ebɔrɛ nɛ mo Tuto nɛ e daga epaŋ be kedi saŋkikɛ na nyi fanɛ m maa fule nna.

2 Kɔrintebi 4:2

Naniere, an yige wulo to be asheŋ nɛ anishinyɔr be ekpaana. Anyi maa ta kafule a wora asheŋ, anyi alɛ maa chɛrga Ebɔrɛ be kamalga na. Ama kashenteŋ nɛ an lara n dii efuli. Loŋ malɛ, ekama be nfɛra fɛso beeŋ ŋini mo fanɛ an walɛ nna ashi Ebɔrɛ be anishito.

2 Kɔrintebi 5:11

Ŋkpal anyi alɛ ka nyi kusɔ nɛ baa tre Ebɔrɛ be kaŋana na so, anyee wora ania nna ga a chɛ basa to nɛ b pin kusɔ nɛ k wɔtɔ. Ebɔrɛ e nyi kananɛ an du nɛnɛ nɛ ma alɛ bee tama fanɛ loŋ nɛ menyi alɛ gba nyi anyi ashi men be ŋgbene to.

2 Kɔrintebi 7:2

Men shin nɛ an be asheŋ e baa wɔ men be ŋgbene to. Anyi maŋ wora esa kikɛ kulubi, anyi maŋ jija esa kama, anyi alɛ maŋ naŋ ta esa kama n nyalɛ.

1 Tɛsalɔnikaebi 1:5

ŋkpal manɛ so, baru lela nɛ an bar menyi na maŋ la kafule be mmalga nna, ama amo nɛ eleŋ nɛ Kiyoyu Cheeŋ na nɛ kashenteŋ nɛ k maŋ kɔ yalayala kikɛ nna. Saŋɛ nɛ an daa wɔ menyi kutɔ na, men nyi kananɛ an be kebaawɔtɔ daa du. Menyi so nɛ an daa du loŋ na.

1 Tɛsalɔnikaebi 2:5

Men baa nyi geeŋ fanɛ an ka daŋ ba menyi kutɔ na, mannɛ kafule be mmalga nɛ an daŋ bar. Menyi alɛ naa nyi fanɛ an maŋ ta mmalga tenteŋ nna m buu anyi be kajɛ so. Ebɔrɛ e la anyi be shɛdajipo.

2 Tɛsalɔnikaebi 3:7

Menyi gbagba e baa nyi a ka daga men ka bee kute anyi to. An ka daa wɔ menyi kutɔ, an daa maŋ kɔ ntɔl.

1 Timoti 4:12

Sa maŋ shin nɛ esa kama e fɛl fo ŋkpal fo ka la kabrantiɛbia so, ama shin nɛ beyirdapo na e keni fo kebaawɔtɔ to ŋ koya asɔ ashi fo mmalga nɛ fo da to nɛ fo kasha nɛ fo yirda nɛ kananɛ fo maŋ kɔ kusɔ jigaya be nfɛra to.

2 Timoti 3:10

Ama fo ere nyi ma keŋini na kikɛ nɛ ma da nɛ ma kebaawɔtɔ be kifi to. Fo alɛ naŋ wu ma yirda nɛ ma kanyiti nɛ ma kasha nɛ kananɛ ŋ kɔ tɔrɔ be kanyiti.

1 Pita 5:3

Men sa maa ŋini bumo nɛ Ebɔrɛ ta m bɔɔ menyi enɔ na kenimu, men baa la basa nɛ mbolpɔbi na beeŋ tiŋ ŋ keni so n wora asheŋ.