1 Tɛsalɔnikaebi 2:1 - EBƆRƐ BE KAWƆL

¹ Bekurgepoana, men gbagba nyi fanɛ anyi be kebɔɔso nɛ an bɔɔ menyi so na maŋ la kebɔɔso fuloŋ.

1 Tɛsalɔnikaebi 2:1 ပူးပေါင်းရင်းမြစ်များ

Job be kawɔl 39:16

K bee wora nna fanɛ afule na ka maŋ la kumo peya na. Kumo alɛ be kegben jiga be asheŋ maŋ tir kumo.

Nshɛ 127:1

Enyɛnpe Ebɔrɛ na baa maŋ chɛ to m pɔr kowu na, bepɔrpo bee gben jiga nna. Nɛ e baa maŋ kuŋ kadegboŋ na, bekumpo na bee kuŋ kumo jiga nna.

Nshɛ 73:13

Manɛ be tɔnɔ nɛ n nya ashi ma kebaakɔ nfɛra lela, nɛ kekini kewora asheŋ lubi to bre?

Aizaaya 49:4

Ndoŋ nna nɛ ŋ kaŋɛ le: “N shuŋ ŋ gben jiga. N ta ma eleŋ n shuŋ ga, ama ma alɛ maŋ nya shɛŋ. Kusɔ nɛ k daga fanɛ n nya kikɛ wɔ Enyɛnpe Ebɔrɛ na be enɔ to nna. Mo e naaŋ ka ma kumo be kukɔ.”

Aizaaya 65:23

Bumo be ashuŋ beeŋ nyalɛ n sa bumo nɛ bumo be mbia malɛ maaŋ naaŋ lɔ alɔ lubi n wu. Meeŋ nɛfa bumo nɛ bumo be kaman to ebi kikɛ.

Habakuk 2:13

Efuliana nɛ men daŋ kɔ m pɔɔ so na be basa daŋ shuŋ ŋ gben jiga hale a bɛlɛ nna. Asɔ nɛ b gben m pɔr na kikɛ ji edɛ. Enyɛnpe Ebɔrɛ e shin nɛ loŋ wora na.

1 Kɔrintebi 15:10

Ama ŋkpal Ebɔrɛ be kuwɔr be kakɛ so nɛ n du kananɛ n du ere na, mo alɛ be kuwɔr be kakɛ mo nɛ k ba ma so ere maŋ la jiga nna. Ama nɛ fo keni to, ma e shuŋ ga a chɔ bumo kikɛ, mannɛ ma gbagba bre, Ebɔrɛ be kuwɔr be kakɛ na e wɔ ma to a shuŋ.

1 Kɔrintebi 15:2

Baru lela na so nɛ menyee nya kumɔlga, nɛ men baa kɔ kumo to kpakpa nna na, ama men daŋ yirda jiga nna.

1 Kɔrintebi 15:58

Amoso ŋ kurgepo shasoana, men baa yil to kpakpa. Men sa maŋ shin nɛ shɛŋ shɛŋ e tia menyi ashi to. Saŋkikɛ men baa ta men be ŋgbene kikɛ a wɔtɔ Enyɛnpe be kushuŋ na to, ŋkpal manɛ so, menyi alɛ gba baa nyi fanɛ men be kegben nɛ menyee gben a sa Enyɛnpe na maaŋ to jiga kikɛ.

2 Kɔrintebi 6:1

Naniere anyi nɛ Ebɔrɛ ka bee shuŋ ere, anyee kule nsaa fiɛ menyi so nna fanɛ men sa maa sɔ Ebɔrɛ be kuwɔr be kakɛ na kenyanyaŋɛso.

Galeeshaebi 2:2

N daŋ yɔ nna, ŋkpal manɛ so, Ebɔrɛ e daŋ lara ŋ ŋini ma fanɛ n yɔ. Bumo nɛ b daa la fanɛ benimuana na nɛ n daŋ shɛr wulo to ŋ kaŋɛ bumo baru lela nɛ mee malga a sa nnyamase na be asheŋ, ŋkpal manɛ so, n daa maa sha fanɛ kushuŋ nɛ n fara na e to jiga nɛ kananɛ ŋ kraa wɔ kumo to ere malɛ gba maaŋ baa la kusɔ jiga.

Galeeshaebi 4:11

Men be asheŋ bee ku ma kagbene nna nɛ mee fɛ fanɛ shere ŋ gben menyi so jiga nna na.

Filipaiebi 2:16

nsaa kɔ ŋkpa be kamalga na to kpakpa. Loŋ malɛ e naaŋ shin nɛ n ji njɔŋ kachɛ nɛ Kristo beeŋ naŋ bɛta m ba na nɛ loŋ malɛ e ŋini fanɛ m maŋ shile kebɛso na to jiga ŋko m pere kenishi n shuŋ jiga.

1 Tɛsalɔnikaebi 2:13

Saŋkama anyee chɔrɔ Ebɔrɛ ga ŋkpal kananɛ men sɔ Ebɔrɛ be kubɔya nɛ an daŋ bar menyi na so. Men sɔ kubɔya na fanɛ Ebɔrɛ peya. Kashenteŋ malɛ nna fanɛ Ebɔrɛ be kubɔya nna, kumo alɛ e wɔ menyi beyirdapo to a shuŋ na.

1 Tɛsalɔnikaebi 3:5

Amoso, nɛ m ba gben n shuŋi Timoti nɛ e ya keni ŋko men kraa kɔ men be yirda na to ŋko Setani chɔ menyi ŋ keni n shin nɛ an be kushuŋ ki kushuŋ fuloŋ a.

2 Tɛsalɔnikaebi 1:10

Kachɛ nɛ e beeŋ ba nya kemaŋkura nɛ bunyaŋ ashi mbe basa nɛ b yirda mo na kutɔ na, menyi alɛ gba beeŋ ti loŋ be basa na so ŋkpal men ka yirda kubɔya nɛ an daŋ bɔ n sa menyi na so.

2 Tɛsalɔnikaebi 3:1

Ade kikɛ be buushi, bekurgepoana, men baa kule Ebɔrɛ a sa anyi nɛ Enyɛnpe be kubɔya na e nya manaŋ n sɔ kakpa kikɛ n nya kemaŋkura fanɛ kananɛ k daŋ wora menyi kutɔ na.