1 Tɛsalɔnikaebi 1:10 - EBƆRƐ BE KAWƆL

¹⁰ nɛ e shin nɛ e tiŋi luwu to na fanɛ e shi ebɔrɛso m ba. Mo koŋwule Yesu na e naa mɔlga anyi ashi Ebɔrɛ be agbo nɛ k bee ba na to.

1 Tɛsalɔnikaebi 1:10 ပူးပေါင်းရင်းမြစ်များ

Jɛnesis 49:18

O, Enyɛnpe, mee jo fo kenya be kesɔnyige nna.

Matiu 1:21

E beeŋ kurge ebinyɛn nɛ men nase mo ketre Yesu, ŋkpal manɛ so, mo e naaŋ mɔlga mbe basa ashi bumo be alubi to.”

Matiu 16:27

Ma, Nyiŋgbasa Pibinyɛn beeŋ keta ma emalaika na nɛ n Tuto be kemaŋkura m ba nseŋ ba yili ekama be ashuŋ nɛ e wora so ŋ ka mo kukɔ.

Matiu 16:28

Ma e kaŋɛ menyi kashenteŋto na fanɛ basa ko wɔ nfe a maaŋ wu she b wu ma, Nyiŋgbasa Pibinyɛn ka ba fanɛ Ewura nna pɔɛŋ.”

Matiu 3:7

Jɔn ka wu Efarisi nɛ Esadusi damtaana ka bee ba mo kutɔ nɛ e bɛr bumo kabɔrɛbɛr, nɛ e bishi bumo le: “Awɔ lubi be mbia ere, wanɛ e ŋini menyi fanɛ menyeeŋ tiŋ ŋ gelge Ebɔrɛ be agbo nɛ k bee ba basa so na?

Luuk 2:25

Kanyɛn ko malɛ daa wɔ Jerusalɛm nɛ baa tre mo Simiɔn. E daa la esa lela nna a bunyaŋ Ebɔrɛ nsaa jo jemanɛ nɛ Israɛlebi beeŋ nya kumɔlga. Kiyoyu Cheeŋ na daa wɔ mo to.

Luuk 3:7

Basa damta daŋ ba Jɔn kutɔ nɛ e bɛr bumo kabɔrɛbɛr nɛ e bishi bumo le: “Awɔ lubi be mbia ere, wanɛ e ŋini menyi fanɛ menyeeŋ tiŋ ŋ gelge Ebɔrɛ be agbo nɛ k bee ba basa so na?

Ashuŋ Shunso 1:11

nseŋ bishi bumo: “Galiliebi, manɛ e ba nɛ men yil a keni esoso loŋ? Yesu koŋwule nɛ Ebɔrɛ shin nɛ e lar menyi kutɔ a yɔ ebɔrɛso ere beeŋ naŋ bɛta loŋ gbagba chap m ba kananɛ men wu mo nɛ e bee yɔ ebɔrɛso ere.”

Ashuŋ Shunso 17:31

Ŋkpal manɛ so, e lara kachako n yili a sha keshin nɛ esa ko nɛ e lara n yili na e ji durnya ere demu kumo be ekpa so. Mo alɛ ŋini ekama nyam kumo be loŋ n shin nɛ amodoŋwura tiŋi luwu to.”

Ashuŋ Shunso 2:24

Ama Ebɔrɛ naŋ shin nɛ e tiŋi luwu na to n sɔ mo luwu be ebesa to n yige, ŋkpal manɛ so, luwu daa maŋ tiŋ n shin nɛ e ka kumo be enɔ to kikɛ.

Ashuŋ Shunso 2:32

Ebɔrɛ shin nɛ Yesu koŋwule ere tiŋi luwu to nɛ anyi wu kumo be loŋ be kashenteŋ.

Ashuŋ Shunso 3:15

Amoso, men mɔ esa nɛ e bee sa basa Ebɔrɛ be ŋkpa. Ama Ebɔrɛ shin nɛ e tiŋi luwu na to nɛ anyi gbagba ji kumo be loŋ be shɛda.

Ashuŋ Shunso 3:21

Ama e beeŋ baa wɔ ebɔrɛso hale nɛ saŋɛ nɛ Ebɔrɛ beeŋ shin nɛ asɔ kikɛ e ki apopɔr fanɛ kananɛ e shin nɛ mbe dra na be anebi cheembiana na kikɛ wu mbe asheŋ ŋ kaŋɛ fanɛ loŋ beeŋ wora na be jemanɛ e fo.

Ashuŋ Shunso 4:10

To, menyi kikɛ nɛ Israɛlebi kikɛ baa nyi fanɛ Nazarɛt be Yesu Kristo nɛ men gbir m mata kedibi largato so m mɔ na nɛ Ebɔrɛ shin nɛ e tiŋi luwu na to na be ketre be eleŋ to so nɛ kanyɛn ere nya alenfia mo kikɛ nyam a yil menyi be anishito le ere na.

Romebi 1:4

Kebaawɔtɔ cheembi be Kiyoyu malɛ be kaplɛa so, Ebɔrɛ ta eleŋgboŋ ŋ ŋini e ka la mo Pibinyɛn saŋɛ nɛ e tiŋi mo luwu to na.

Romebi 2:7

Bumo nɛ alelasheŋ be kewora maa gben bumo nɛ baa fin kemaŋkura nɛ bunyaŋ nɛ kebaawɔtɔ nɛ k maŋ kɔ luwu na, e beeŋ sa bumo ŋkpa nɛ k maŋ kɔ ekar na.

Romebi 4:25

Ebɔrɛ shin nɛ b daŋ ta mo nna n sa nɛ e wu ŋkpal anyi be alubi so nseŋ naŋ shin nɛ e tiŋi luwu na to nɛ an baa la belelapo Ebɔrɛ be anishito.

Romebi 8:34

Esa ko malɛ naa wɔtɔ nna nɛ e tiŋ n ji m bri bumo a? Kristo Yesu e la emo nɛ e wu, mo alɛ nseŋ naa la emo nɛ Ebɔrɛ tiŋi ashi luwu to nɛ e ya kaa tase Ebɔrɛ be jisoso, ebunyampo be kakpa a kule Ebɔrɛ a sa anyi na.

1 Kɔrintebi 1:7

ŋkpal manɛ so, naniere men ka bee jo saŋɛ nɛ baaŋ lara an Nyɛnpe Yesu Kristo ŋ ŋini ere, Kiyoyu to be kakɛ maŋ naa wɔtɔ nɛ menyee paŋ kumo menyi to.

Galeeshaebi 3:13

Ama Kristo sɔ anyi ashi kɔnɔso nɛ mbra na bee bar na to nna n yige. E yili anyi be katelamu to nna n shin nɛ b so mo gbagba kɔnɔ n sa anyi, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ esa kama nɛ baa ta a shiga kedibi so nna.”

Filipaiebi 3:20

Ama anyi ere, ebɔrɛso be basa e la anyi nɛ an baa jɔŋ anyi be aya so a jo anyi be Emɔlgapo, Enyɛnpe Yesu Kristo nɛ e shi ebɔrɛso m ba.

Kɔlɔsiebi 1:18

ŋkpal manɛ so, mo e la ejuŋkparpo nɛ e tiŋi luwu to ashi bumo nɛ b wu na kikɛ to.

1 Tɛsalɔnikaebi 1:7

Amoso, men be kebaawɔtɔ ki Masɛdonia nɛ Akaya be bebɛsopo kikɛ be tɔnɔ nɛ baa keni so a wora asheŋ.

1 Tɛsalɔnikaebi 2:16

Kumɔlga be kubɔya nɛ an daŋ bar nnyamase na gba, Juwebi na daa maa sha an ka bɔ kumo n sa nnyamase na. Loŋ so, bumo be asheŋ lubi daa ti so nna saŋkama. Naniere malɛ Ebɔrɛ be agbo kaa bumo so.

1 Tɛsalɔnikaebi 2:7

Ama saŋɛ nɛ an daa wɔ menyi kutɔ na, an daa du boeŋ nna fanɛ kananɛ ebinio bee keni mbe mbia so a lɔlɔ bumo na.

1 Tɛsalɔnikaebi 5:9

Ebɔrɛ maŋ lara anyi nna nɛ e ta mbe agbo n lɛ anyi so, ama e lara anyi nna nɛ an baa nya kumɔlga ashi Enyɛnpe Yesu Kristo to.

2 Timoti 4:1

Ebɔrɛ nɛ Kristo Yesu nɛ e beeŋ ji bumo nɛ baaŋ baa wɔ ŋkpa to nɛ bumo nɛ b wu na demu be anishito nɛ n yil nsaa kpal mbe kenamba na nɛ mbe kuwura na so a kaŋɛ fo fanɛ

Taites 2:13

An baa wɔ amo to nsaa jo kachɛ nɛ b nɛfa nɛ anyi be tama wɔ kumo so na. Kumo be kamɔnchɛ nɛ an be Ebɔrɛ Gboŋ, Emɔlgapo Yesu Kristo na be kemaŋkura beeŋ lar efuli.

Hibruwebi 10:27

Kusɔ nɛ k baŋ ka n daga kaŋana e la fanɛ b baa tama kasogberge nɛ edɛ wuloŋwuloŋ nɛ a beeŋ chɔɔ Ebɔrɛ mo doŋana kikɛ m mur na.

Hibruwebi 9:28

To, loŋ koŋwule na nɛ b daŋ ta Kristo gba n lara sarga kela koŋwule pati nɛ e kpra basa damta be alubi ashi bumo so. Mo alɛ beeŋ naŋ bɛta kela nyɔsopo n lar m ba, ama kede bre, mannɛ alubi be kekpara so nɛ e bee ba, e kɔ kumɔlga nna a ba nɛ e ba sa bumo nɛ baa jo mo na kikɛ.

1 Pita 1:21

Mo so nɛ men ta men be yirda n wɔtɔ Ebɔrɛ mo nɛ e tiŋi mo ashi luwu to nseŋ maŋkura mo na, amoso, men be yirda nɛ tama wɔ Ebɔrɛ na to nna.

1 Pita 1:3

Anyee di Ebɔrɛ nɛ e la an Nyɛnpe Yesu Kristo mo Tuto na epaŋ. Ŋkpal mbe kuwɔrgboŋ so e shin nɛ an nya ŋkpa popɔr ŋkpal Yesu Kristo ka tiŋi luwu to na so.

1 Pita 2:21

Kashenteŋto malɛ, loŋ so nɛ Ebɔrɛ tre menyi, ŋkpal manɛ so, loŋ nɛ Kristo gba ji tɔrɔ m bugi loŋ be ekpa na n nase fanɛ men bɛ mbe aya so.

1 Pita 3:18

Ŋkpal manɛ so, Kristo gba wu kela koŋwule nna pati, ŋkpal basa be alubi so, esa nɛ e maŋ kɔ kulubi e wu n sa basa lubi na, saŋɛ na so e beeŋ yɛra menyi Ebɔrɛ kutɔ. B daŋ mɔ mbe eyur, ama Ebɔrɛ shin nɛ e nya ŋkpa ashi mbe Kiyoyu na to.

2 Pita 3:12

a keni Ebɔrɛ be kachɛ na ekpa n shin nɛ k ba manaŋ. Kumo be kachɛ na, esosoana beeŋ chɔɔ edɛ m mur nɛ kuwuloŋ na e ŋalga esoso be asɔana na.

2 Pita 3:14

Amoso, n teri shasoana, ŋkpal men ka bee keni le be kesheŋ ere ekpa so, men baa wora ania ga a la basa nɛ Ebɔrɛ maaŋ wu kulubi bumo so nɛ b maŋ kɔ saŋgre kikɛ nɛ menyi nɛ mo malɛ e naa kɔ kagbenewushi abar so.

Kelaraŋŋini 1:18

ma e la emo nɛ e wɔ ŋkpa to na. N daŋ wu nna, ama naniere n tiŋi nna a wɔ ŋkpa to mbaanaayɔ. Ma alɛ e kɔ luwu nɛ bubuni to be kakpa be eleŋ.

Kelaraŋŋini 1:7

Men keni mo nɛ awɔlpa kulti a ba na, kenishi kama malɛ beeŋ wu mo n ta bumo nɛ b ta kusɔ n da mo m mɔ na n ti so nɛ kasawule ere so be basa kikɛ e shu ŋkpal mo so. Kumo be loŋ bre maŋ kɔ emɔrɔ. Amɛn.