1 Jɔn 5:7 - EBƆRƐ BE KAWƆL

⁷ Kiyoyu na malɛ e la shɛdajipo na, ŋkpal manɛ so, Kiyoyu na e la kashenteŋ na.

1 Jɔn 5:7 ပူးပေါင်းရင်းမြစ်များ

Nshɛ 33:6

Enyɛnpe Ebɔrɛ na be kamalga so nɛ e bɔla n to esoso. E malga nna nɛ epeŋi nɛ kufɔl nɛ achɛkpabi lar.

Aizaaya 61:1

Enyɛnpetale Ebɔrɛ na be Kiyoyu wɔ ma so. E lara ma nna n nɛfa ma nɛ m bɔ baru lela na n sa betirpo, nseŋ chɛ bumo nɛ kagbenejija tɔr so na. Mo e shuŋi ma nɛ n ya bɔ kesɔnyige be baru n sa bumo nɛ b ki beko be anya, nseŋ sɔ bumo nɛ b wɔ kabuti to n yige.

Matiu 17:5

E kraa malga nna nɛ kuwɔlpa nyɛkpɛso ko lar nɛ kumo be kiyoyul ba buu bumo so nɛ ebɔl shi kuwɔlpa na to ŋ kaŋɛ: “M Pibinyɛn shaso nɛ ma kagbene fuli mo so ga nde. Men baa nu mbe kɔnɔ.”

Matiu 18:16

Ama nɛ e baŋ kini kenu n sa fo, keta esa koŋwule ŋko basa anyɔ ko n ti fo kumu so nɛ men yɔ. Saŋɛ na so kusɔ kama beeŋ yili basa anyɔ ŋko basa asa be shɛda be keji so.

Matiu 28:19

Amoso, men yɔ efuli kikɛ so n ya shin nɛ basa e ki ma bebɛsopo nɛ men bɛr bumo kabɔrɛbɛr ashi Etuto na nɛ Ebinyɛn na nɛ Kiyoyu Cheeŋ na be ketre to, nseŋ ŋini bumo nɛ b bɛ asɔ nɛ ŋ ŋini menyi na kikɛ so.

Baru lela nɛ Jɔn kute na 1:1

Pɔɛŋ nɛ durnya fara na nɛ esa nɛ baa tre Ebɔrɛ be Kamalga na wɔtɔ. Mo nɛ Ebɔrɛ e daa wɔtɔ nɛ mo nɛ Ebɔrɛ malɛ daa la kukoŋwule.

Baru lela nɛ Jɔn kute na 10:30

Ma nɛ n Tuto na la kukoŋwule nna.”

Baru lela nɛ Jɔn kute na 12:28

N Tuto, maŋkura fo ketre. Ndoŋ nna nɛ ebɔl shi ebɔrɛso ŋ kaŋɛ: “N teŋ maŋkura kumo, ama meeŋ naŋ maŋkura kumo.”

Baru lela nɛ Jɔn kute na 14:17

mo e la kashenteŋ be Kiyoyu na, nɛ e ba kaa wɔ menyi kutɔ mbaanaayɔ. Durnya ere to ebi maaŋ tiŋ n sɔ loŋ be Echɛtopo na, ŋkpal manɛ so, b maaŋ tiŋ n wu mo, bumo alɛ maŋ naa nyi mo. Ama menyi ere nyi mo, ŋkpal manɛ so, e beeŋ ba kaa wɔ menyi kutɔ nseŋ naa wɔ menyi be ŋgbeneana to.

Baru lela nɛ Jɔn kute na 15:26

Ama Echɛtopo nɛ meeŋ shin nɛ e shi Etuto na kutɔ m ba menyi kutɔ na, mo e la kashenteŋ be Kiyoyu nseŋ shi Etuto na kutɔ na kaŋ ba, e beeŋ ji ma shɛda.

Baru lela nɛ Jɔn kute na 5:26

Kananɛ ŋkpa shi Etuto na to na, loŋ gbagba na nɛ e shin nɛ ŋkpa bee shi Ebinyɛn na gba to.

Baru lela nɛ Jɔn kute na 8:18

Ŋ gbagba bee ji ma kumu so be shɛda nɛ Etuto nɛ e shuŋi ma na malɛ gba bee ji ma shɛda.”

Baru lela nɛ Jɔn kute na 8:54

Nɛ Yesu kaŋɛ bumo le: “Nɛ m baa maŋkura ma kumu, kumo ere ma kemaŋkura na maŋ kɔ kifi, ama n Tuto nɛ menyee tre menyi be Ebɔrɛ na e la esa nɛ e bee maŋkura ma.

Ashuŋ Shunso 2:33

Ebɔrɛ shin nɛ e tiŋi luwu to n ya chena mbe jisoso, ebunyampo be kakpa nseŋ shin nɛ e nya Kiyoyu Cheeŋ nɛ Etuto na nase kɔnɔ fanɛ e beeŋ sa na. Asɔ nɛ menyee wu nsaa nu naniere malɛ kikɛ la mbe kakɛ nna.

Ashuŋ Shunso 5:32

Amo be eshɛdajipo e la anyi nɛ Kiyoyu Cheeŋ nɛ e la Ebɔrɛ be kakɛ nɛ e kɔ a sa bekama nɛ baa nu a sa mo na.”

2 Kɔrintebi 13:14

Enyɛnpe Yesu Kristo be kuwɔr be kakɛ na nɛ Ebɔrɛ be kasha na nɛ Kiyoyu Cheeŋ na be kɔnɔkoŋwule be kebaawɔtɔ na e baa wɔ menyi kikɛ so.

Ditɛronɔmi 6:4

Israɛlebi, men nu nfe! Enyɛnpe Ebɔrɛ na nawule e la anyi be Ebɔrɛ.

1 Jɔn 1:1

Yesu Kristo nɛ baa tre Kamalga nɛ k bee sa ŋkpa nsaa wɔtɔ durnya be sososo kikɛ na be asheŋ nɛ anyee sibɛ a sa menyi na. E malga nɛ an nu nseŋ wu mo kenishiso ŋ keni mo nseŋ ta an be enɔana m beta mo.

1 Jɔn 5:6

Yesu ere e la emo nɛ e daŋ yili kabɔrɛbɛr be nchu nɛ mbe luwu be ŋklaŋ so m ba na. Mannɛ nchu na malɛ nawule so nɛ e daŋ yili so m ba, nchu na nɛ ŋklaŋ na kikɛ so nɛ e daŋ yili so m ba.

1 Jɔn 5:8

Eshɛdajipo asa e wɔtɔ. Kiyoyu na wɔtɔ nɛ nchu na wɔtɔ nɛ ŋklaŋ na gba wɔtɔ. Kɔnɔkoŋwule nɛ amo alɛ kikɛ kɔ.

Kelaraŋŋini 19:13

Mbe kusɔbuuso naŋ nyɔɔ ŋklaŋ nna nɛ mbe ketre daa la Ebɔrɛ be Kamalga.