1 Jɔn 5:6 - EBƆRƐ BE KAWƆL

⁶ Yesu ere e la emo nɛ e daŋ yili kabɔrɛbɛr be nchu nɛ mbe luwu be ŋklaŋ so m ba na. Mannɛ nchu na malɛ nawule so nɛ e daŋ yili so m ba, nchu na nɛ ŋklaŋ na kikɛ so nɛ e daŋ yili so m ba.

1 Jɔn 5:6 ပူးပေါင်းရင်းမြစ်များ

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Levitikɔs 17:11

Kusɔ keniso kikɛ be ŋkpa wɔ kumo be ŋklaŋ to nna, amoso nɛ Enyɛnpe Ebɔrɛ na kaŋɛ fanɛ b baa chulgi asɔbɔya be ŋklaŋ kikɛ a wurge bɔrɛsure na so nɛ a baa kpra basa na be alubi. Ŋklaŋ nɛ a la ŋkpa na a naa kpra alubi.

Zakareya 9:11

Enyɛnpe Ebɔrɛ na yɛ: “Ŋkpal ma nɛ menyi be kɔnɔkoŋwule be ŋkre nɛ b ta esarga be ŋklaŋ m mɔ kumo so na so, meeŋ lara menyi be basa ashi kenyaya nɛ k du fanɛ kemaŋ chiŋgeliŋ nɛ k maŋ kɔ nchu na to.

Matiu 26:28

Ma ŋklaŋ nɛ a lar a sa basa damta na nde. Amo e naa ti Ebɔrɛ nɛ dimɛdi be kɔnɔkoŋwule be ŋkre na so a bar alubi be ketampaŋ na.

Matiu 3:16

Jɔn ka bɛr Yesu kabɔrɛbɛr na n loge epul na to nɛ Yesu lar nchu na to. Ndoŋ nna nɛ esoso bugi nɛ e wu Ebɔrɛ be Kiyoyu ka bee gbelge a ba mo so fanɛ lepɔ na.

Maak 14:24

Nɛ Yesu kaŋɛ bumo: “Ma ŋklaŋ nɛ a lar a sa basa damta na nde. Amo e naa ti Ebɔrɛ nɛ dimɛdi be kɔnɔkoŋwule be ŋkre na so.

Luuk 22:20

Men baa wora loŋ a nyiŋi ma.” Ajibi na be kaman nɛ e ta kawiebi na malɛ n wora kananɛ e daŋ keta bodobodo na n wora na nseŋ kaŋɛ bumo: “Kawiebi ere to be asɔnuuso nɛ baa duga a sa menyi ere e la Ebɔrɛ nɛ dimɛdi be kɔnɔkoŋwule be ŋkre popɔr nɛ k wɔtɔ ŋkpal ma ŋklaŋ so na.

Baru lela nɛ Jɔn kute na 14:17

mo e la kashenteŋ be Kiyoyu na, nɛ e ba kaa wɔ menyi kutɔ mbaanaayɔ. Durnya ere to ebi maaŋ tiŋ n sɔ loŋ be Echɛtopo na, ŋkpal manɛ so, b maaŋ tiŋ n wu mo, bumo alɛ maŋ naa nyi mo. Ama menyi ere nyi mo, ŋkpal manɛ so, e beeŋ ba kaa wɔ menyi kutɔ nseŋ naa wɔ menyi be ŋgbeneana to.

Baru lela nɛ Jɔn kute na 14:6

Nɛ Yesu kaŋɛ mo: “Ma e la ekpa na nɛ kashenteŋ nɛ ŋkpa na, esa kama maaŋ tiŋ n yɔ Etuto na kutɔ ama e bɔla ma so nna.”

Baru lela nɛ Jɔn kute na 15:26

Ama Echɛtopo nɛ meeŋ shin nɛ e shi Etuto na kutɔ m ba menyi kutɔ na, mo e la kashenteŋ be Kiyoyu nseŋ shi Etuto na kutɔ na kaŋ ba, e beeŋ ji ma shɛda.

Baru lela nɛ Jɔn kute na 16:13

Ama nɛ mo ere, kashenteŋ be Kiyoyu na kaŋ ba, e beeŋ ŋini menyi kashenteŋ be ekpa kikɛ. E maaŋ ta mo gbagba be kumu so be eleŋ m malga, asɔ nɛ e beeŋ nu nawule be asheŋ nɛ e beeŋ malga nseŋ kaŋɛ basa asɔ nɛ a beeŋ ba be asheŋ.

Baru lela nɛ Jɔn kute na 3:5

Nɛ Yesu kaŋɛ mo: “Kashenteŋ nɛ mee kaŋɛ fo na fanɛ nɛ b baa maŋ bɔla nchu nɛ Kiyoyu na so ŋ kurge esa, e maaŋ tiŋ n luri Ebɔrɛ be kuwura na to.

Baru lela nɛ Jɔn kute na 4:10

Nɛ Yesu kaŋɛ mo: “Keni alako fo daa nyi Ebɔrɛ be kakɛ nna nseŋ daa nyi esa nɛ e bee kule fo nchu nuuso ere, fo daa beeŋ kule mo nɛ e sa fo nchu nɛ a bee sa ŋkpa.”

Baru lela nɛ Jɔn kute na 4:14

ama esa kama nɛ e nuu nchu nɛ meeŋ sa mo na maaŋ naŋ shu achukoŋ kikɛ. Kashenteŋto, nchu nɛ meeŋ sa amodoŋwura na beeŋ baa wɔ mo to a bul fanɛ ketirbu na a sa mo ŋkpa nɛ k maŋ kɔ ekar na.”

Baru lela nɛ Jɔn kute na 6:55

ŋkpal manɛ so, ma eyur ere la ajibi gbagba nna nɛ ma ŋklaŋ malɛ la asɔnuuso gbagba.

Ashuŋ Shunso 8:36

B ka wɔ ekpa na to a yɔ na nɛ b ya wu kabombi ko nɛ krachigboŋ na kaŋɛ: “Keni, nchu nde nɛ manɛ e naa wɔtɔ a kuŋ fo kebɛr ma kabɔrɛbɛr?”

Romebi 3:25

Ebɔrɛ ta mo nna n sa basa nɛ e wu m mata be luwu nɛ k bee shin nɛ dimɛdi bee bɔla yirda so a nya alubi be ketampaŋ na. Ebɔrɛ wora loŋ nna nɛ e ŋini kananɛ e bee ji asheŋ nɛ amo be ekpa so, ŋkpal manɛ so, saŋɛ na e daa nyi basa be alubi nna nsaa nyiti bumo.

Ɛfesesebi 1:7

Ŋkpal manɛ so, Kristo be luwu na so e shin nɛ an nya an be amu na. Ebɔrɛ ta anyi be alubi m paŋ anyi. Kashenteŋto malɛ Ebɔrɛ be kuwɔr be kakɛ nɛ e bugi kagbene kikɛ n sa anyi na shi pasaa.

Kɔlɔsiebi 1:4

ŋkpal manɛ so, an nu kananɛ men kraa yirda Yesu Kristo nɛ kananɛ men kraa sha bumo nɛ b la Ebɔrɛ peya kikɛ

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

Taites 3:5

E mɔlga anyi nna ŋkpal mo gbagba ka bee wu kuwɔr na so. E bɔla kabɔrɛbɛr nɛ Kiyoyu Cheeŋ bee bɔla kumo so a sa anyi kakurge popɔr nɛ kebaawɔtɔ popɔr na so nna m mɔlga anyi.

Hibruwebi 10:29

To, nɛ kananɛ k du le ere nɛ esa bee keni Ebɔrɛ Pibinyɛn na jiga ŋko a ta Ebɔrɛ be kɔnɔkoŋwule na be ŋkre be ŋklaŋ nɛ baa ta amo a fɔr basa so nɛ baa ki cheembi na fanɛ kusɔ nɛ k maŋ la shɛŋ ŋko a tege kuwɔr be kakɛ be Kiyoyu na bre, amodoŋwura be kasogberge beeŋ baa shi ga a chɔ Mosis be mbra na peya.

Hibruwebi 12:24

Men ba Yesu nɛ e la kɔnɔkoŋwule be ŋkre popɔr be elɔŋɛpo nsaa la esa nɛ b ta mbe ŋklaŋ ŋ ŋmenyaŋ n wurge nɛ ŋklaŋ na bee ji kusɔ nɛ k chɔ Ebel be ŋklaŋ na be asheŋ peya na kutɔ.

Hibruwebi 13:20

Ebɔrɛ bɔla ŋklaŋ nɛ a bee ti kɔnɔkoŋwule be ŋkre nɛ k maŋ kɔ ekar na so n tiŋi an Nyɛnpe Yesu nɛ e la mbolpɔkenipogboŋ nɛ e bee keni mbe mbolpɔ so na ashi luwu to.

Hibruwebi 9:14

kumo ere, kusɔ nɛ Yesu be ŋklaŋ na bre beeŋ tiŋ n wora shi pasaa. Ŋkpal manɛ so, e bɔla Kiyoyu nɛ e wɔ ŋkpa to saŋkama na so nna n ta mo gbagba be kumu nɛ k maŋ kɔ kulubi kikɛ na n lara sarga n sa Ebɔrɛ. Mbe ŋklaŋ na e naa fɔr anyi be ŋgbeneana to be nfɛra fɛsoana ashi amo be aworbi jiga to na, saŋɛ na so anyeeŋ tiŋ n shuŋ Ebɔrɛ nɛ e wɔ ŋkpa to na.

Hibruwebi 9:7

Ama bɔrɛmatapo nimuso na nawule e daa luri ebu nyɔsopo na to kela koŋwule kafɛ kama to. Mo alɛ gba daa maaŋ tiŋ n luri ndoŋ ama e ta ŋklaŋ nna n luri n ya lara mo gbagba be alubi so be sarga nseŋ naŋ yili basa na be katelamu to n lara sarga ŋkpal bumo be alubi nɛ b wora a maŋ de so na so.

1 Pita 1:2

Ebɔrɛ Etuto na bɔla mbe kanyiasheŋ so nna a nyi kusɔ kama nseŋ lara bumo n naŋ bɔla Kiyoyu na to n ta bumo ŋ ki basa cheembi nɛ b baa nu a sa Yesu Kristo nɛ e ta mbe ŋklaŋ n fɔr bumo so na. Ebɔrɛ be kuwɔr be kakɛ nɛ kagbenewushi e baa wora keshi menyi to a ti so.

1 Pita 3:21

Loŋ be nchu na daa la kabɔrɛbɛr nɛ k bee mɔlga menyi naniere be kaduli nna, ama k maŋ la kusɔ nɛ k bee fɔr eyur to be alubi a lɛ. K la nfɛra niŋiso be kɔnɔ naseso mo nɛ esa bee nase nna a sa Ebɔrɛ. Yesu Kristo be ketiŋi luwu to na to nɛ k bee bɔla a mɔlga menyi.

1 Jɔn 1:7

Ama nɛ fanɛ an baa na kefulto to fanɛ kananɛ e wɔ kefulto to na bre, kumo ere anyi nɛ an braana beeŋ baa kɔ kɔnɔkoŋwule be kebaawɔtɔ nɛ mo Pibinyɛn Yesu be ŋklaŋ nɛ a lar saŋɛ nɛ e wu na e baa fɔr kulubi kikɛ nyam ashi anyi be ŋgbene to.

1 Jɔn 4:10

Kede nɛ baa tre kasha gbagba na, mannɛ anyi gbagba be kasha nɛ an ta n sha Ebɔrɛ, mo e sha anyi nseŋ shuŋi mo Pibinyɛn fanɛ e ba wu m mata be luwu nɛ k shin nɛ an nya alubi be ketampaŋ.

Kelaraŋŋini 1:5

Loŋ be kuwɔr be kakɛ koŋwule na nɛ kagbenewushi na e shi Yesu Kristo nɛ e la shɛdajipo nɛ esa beeŋ tiŋ n yirda na, mo alɛ nseŋ juŋkpar bubuni kikɛ n tiŋi luwu to nseŋ naa la kasawule ere so be bewura be esa nɛ e bee ji bumo so kuwura na kutɔ m ba. E bee sha anyi nna ga nseŋ bɔla mbe ŋklaŋ so na n sɔ anyi ashi alubi to n yige,

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.

Kelaraŋŋini 7:14

Ndoŋ nna nɛ ŋ kaŋɛ mo le: “Ebunyampo, fo e nyi.” Nɛ e kaŋɛ ma: “Bumo e la basa nɛ b ji n lar tɔrɔgboŋ to na nseŋ fɔr bumo be epiŋi n ta amo n wɔtɔ Kpakpafɔlbi na be ŋklaŋ to nɛ a fuli parr na.