1 Jɔn 5:14 - EBƆRƐ BE KAWƆL

¹⁴ Kusɔ nɛ k bee shin nɛ anyi maa shika to ashi Ebɔrɛ be anishito nde fanɛ, kusɔ kama nɛ an baŋ bɔla Ebɔrɛ be keparso ŋ kule mo, e beeŋ nu an be kekule.

1 Jɔn 5:14 ပူးပေါင်းရင်းမြစ်များ

1 Bewura 3:12

Meeŋ sa fo kusɔ nɛ fo kule na. Meeŋ sa fo kanyiasheŋ nɛ nfɛra a chɔ basa kama nɛ b juŋkpar fo m ba durnya ere to nɛ bumo nɛ baaŋ ba kumo to fo kaman kikɛ.

Job be kawɔl 34:28

Betirpo nɛ b daŋ shu ŋ ŋini Ebɔrɛ nɛ mo alɛ nu bumo be kushu nseŋ chɛ bumo to.

Nshɛ 145:19

Mo alɛ bee sa bekama nɛ baa bunyaŋ mo na asɔ nɛ a tir bumo nna nsaa nu bumo be kekule a mɔlga bumo ashi etɔrɔ to.

Nshɛ 31:22

Kufu daa kɔ ma nna, nɛ n daa fɛ fanɛ Ebɔrɛ ju ma ashi mbe anishito nna. Ama n shu n tre mo fanɛ e chɛ ma to, nɛ e nu ma kekule.

Nshɛ 34:17

Enyɛnpe Ebɔrɛ na bee nu esa nɛ e bee wora asheŋ niŋiso be kushu nna, nsaa mɔlga mo ashi mbe tɔrɔ to.

Nshɛ 69:33

Bumo nɛ b maŋ kɔ epe baŋ shu n tre Enyɛnpe Ebɔrɛ na, e beeŋ nu. Mo alɛ maaŋ teŋ mbe basa nɛ b wɔ kabuti to na so.

Aŋasa 10:24

Basa nɛ baa wora asheŋ niŋiso bee nya kusɔ nɛ baa sha nna, ama kusɔ nɛ belubiworapo bre maa sha nɛ baa nya ga.

Aŋasa 15:29

Enyɛnpe Ebɔrɛ na maa nu basa lubi be kabɔrɛkule, basa nɛ baa wora asheŋ niŋiso peya nɛ E bee nu.

Jɛremaya 33:3

Men kule ma nɛ n nu menyi be kekule nseŋ kaŋɛ menyi asheŋgboŋ nɛ menyi maŋ nyi nsaa maaŋ tiŋ m pin amo to na.

Matiu 21:22

Nɛ men baŋ yirda, menyeeŋ nya kusɔ kama nɛ men kule ashi kabɔrɛkule to.”

Baru lela nɛ Jɔn kute na 11:42

N nyi fo ka bee nu ma kekule saŋkikɛ, ama ŋ kaŋɛ loŋ nna ŋkpal basa nɛ b yil nfe ere so nɛ b yirda fanɛ fo e shuŋi ma.”

Baru lela nɛ Jɔn kute na 14:13

Kusɔ kama malɛ nɛ men ta ma ketre na ŋ kule, meeŋ wora kumo, saŋɛ na so ma, Ebinyɛn na beeŋ bar Etuto na kemaŋkura.

Baru lela nɛ Jɔn kute na 15:7

Nɛ men baa wɔ ma to nɛ ma mmalga gba wɔ menyi to, men kule kusɔ kama nɛ menyee sha nɛ men nya kumo.

Baru lela nɛ Jɔn kute na 16:24

Hale m ba fo mbre, men maŋ naŋ ta ma ketre ŋ kule shɛŋ. Men kule nseŋ nya nɛ menyi be ŋgbene e fuli menyi m baŋ so.

Baru lela nɛ Jɔn kute na 9:31

Anyi alɛ nyi fanɛ Ebɔrɛ maa nu a sa alubiworapoana, basa nɛ b kɔ kabɔrɛŋana nsaa wora mbe aparsheŋ na nawule nɛ e bee nu a sa.

Ɛfesesebi 3:12

Mo to nɛ keyirda mo so nɛ anyeeŋ tiŋ m ba Ebɔrɛ be anishito a maa wora shikashika kikɛ.

Hibruwebi 10:35

Amoso, men sa maŋ kaŋ lɛ menyi be kenyɛn na, ŋkpal manɛ so, nɛ men baa kɔ kumo to loŋ, menyeeŋ ba nya kumo be tɔnɔ.

Hibruwebi 3:14

Ŋkpal manɛ so, nɛ an baa kɔ anyi be sososo be tama na to kpakpa n ya fo ekar, kumo ere anyi nɛ Kristo e kɔ kachige koŋwule.

Hibruwebi 3:6

Ama Kristo bre bugi kagbene nna fanɛ Ebɔrɛ Pibinyɛn a keni Ebɔrɛ be kowu to ebi so. Nɛ anyi alɛ baa kɔ anyi be kenyɛn na nɛ tama nɛ anyee puchi kumo so na to kpakpa, kumo ere an la Ebɔrɛ na be kowu to ebi nna na.

Jeems 4:3

Menyee kaa kule Ebɔrɛ asɔ saŋko malɛ ŋkaa maa nya amo, ŋkpal manɛ so, nfɛra lubi nɛ men kɔ a kule amo a sha fanɛ men ta amo n wora men gbagba be kejimuni be aparsheŋ.

Jeems 5:16

Amoso, men baa bugi men be alubiana to a kaŋɛ abar nsaa kule Ebɔrɛ a sa abar nɛ Ebɔrɛ e baa chɛ menyi be alɔana. Kashenteŋto, kabɔrɛkule kama nɛ k shi esa nɛ kulubi maŋ wɔ mo to, bee tiŋ a wora asheŋgboŋ ga ŋkpal eleŋ nɛ Ebɔrɛ ta n wɔtɔ kumo to so.

1 Jɔn 2:28

To, naniere ma mbi shasoana, men baa kraa wɔ mo to, saŋɛ na so, e kaŋ ba, anyi maaŋ baa shika to kikɛ, anyi alɛ maaŋ naŋ ji anishinyɔr mbe anishito ŋkpal menyi so.