1 Jɔn 5:13 - EBƆRƐ BE KAWƆL

¹³ Menyi bumo nɛ men yirda Ebɔrɛ Pibinyɛn be ketre na nɛ mee sibɛ asɔ ere a sa na nɛ men baa nyi fanɛ men kɔ ŋkpa nɛ k maŋ kɔ ekar na.

1 Jɔn 5:13 ပူးပေါင်းရင်းမြစ်များ

Baru lela nɛ Jɔn kute na 1:12

Ama bekama nɛ b sɔ mo nseŋ yirda mbe ketre na, e sa bumo ekpa nna nɛ b ki Ebɔrɛ be mbia.

Baru lela nɛ Jɔn kute na 2:23

Yesu ka daa wɔ Jerusalɛm, Kebansonchoŋ be kejigboŋ be saŋɛ na, basa damta daŋ yirda mo nna ŋkpal emamachi be ashuŋ nɛ b daŋ wu e ka wora so.

Baru lela nɛ Jɔn kute na 20:31

Ama b sibɛ ade ere nna nɛ men yirda fanɛ Yesu e la Mesaya na, Ebɔrɛ Pibinyɛn na, nɛ menyi alɛ yirda loŋ, men beeŋ nya ŋkpa ashi mbe ketre na to.

Baru lela nɛ Jɔn kute na 21:24

Amo be ebɛsopo na e malga asheŋ ere, mo alɛ nseŋ naŋ sibɛ amo n nase na. Anyi alɛ nyi mbe shɛda na ka la kashenteŋ.

Baru lela nɛ Jɔn kute na 3:18

Esa kama malɛ nɛ e yirda mo, Ebɔrɛ maaŋ ji mo demu, ama emo nɛ e maŋ yirda mo bre, Ebɔrɛ teŋ ji mo demu, ŋkpal e ka maŋ yirda Ebɔrɛ Pibinyɛn koŋwule na so.

Baru lela nɛ Jɔn kute na 5:24

Ma e kaŋɛ menyi kashenteŋto na fanɛ esa kama nɛ e nu ma mmalga ere nseŋ yirda esa nɛ e shuŋi ma na kɔ ŋkpa nɛ k maŋ kɔ ekar na, mo alɛ maaŋ ji n tɔr, ama e teŋ lar luwu to m ba luri ŋkpa to.

Ashuŋ Shunso 3:16

Mo, Yesu koŋwule na be eleŋ e chɛ bobinyɛn ere na. Kusɔ nɛ men wu nseŋ nu ere tiŋ n wora nna ŋkpal keyirda mbe ketre na so so. Keyirda Yesu na e tiŋ n chɛ mo menyi kikɛ be anishito le ere na.

Ashuŋ Shunso 4:12

Yesu na nawule so nɛ anyeeŋ tiŋ n nya kumɔlga. Ebɔrɛ maŋ ta esa kikɛ be ketre durnya ere to n sa basa nɛ b bɔla kumo so n nya kumɔlga she Yesu Kristo nawule peya.”

2 Kɔrintebi 5:1

Ŋkpal manɛ so, an baa nyi fanɛ eyur mo nɛ k du fanɛ wajɛbu nɛ an wɔ kumo to durnya ere to ere baŋ jija, an kɔ kowu ashi Ebɔrɛ kutɔ, ebu nɛ b maŋ ta enɔ m pɔr kumo nɛ k wɔ ebɔrɛso mbaanaayɔ.

Galeeshaebi 4:6

Kusɔ nɛ k bee ŋini fanɛ men la Ebɔrɛ be mbia nde: Mo ere Ebɔrɛ koŋwule na shuŋi mo Pibinyɛn be Kiyoyu na anyi be ŋgbene to, Kiyoyu na e naa tre Ebɔrɛ ‘Aba’, kumo e la fanɛ n Tuto na.

1 Pita 5:12

Ekurgepo Silvanes mo nɛ n nyi fanɛ meeŋ tiŋ n yirda na so so nɛ mee bɔla a sibɛ menyi kawɔlbi ere na. N sibɛ kumo nna gbrɛbi loŋ nɛ n leŋ menyi to nseŋ naŋ ji shɛda ŋ kaŋɛ fanɛ kuwɔr be kakɛ mo nɛ k shi Ebɔrɛ kutɔ kashenteŋ na nna na. Men baa yil kumo to kpakpa.

1 Jɔn 1:4

Anyi alɛ naa sibɛ kawɔl ere nna nɛ anyi be ŋgbene e fuli anyi parr.

1 Jɔn 2:1

Ma mbi shasoana, mee sibɛ kawɔl ere nna a sa menyi nɛ men sa maŋ wora alubi. Ama nɛ k ba fanɛ ekama nɛ e ba wora kulubi bre, an kɔ ematapo ashi anyi nɛ Ebɔrɛ Etuto na be nferinto. Mo e la Yesu Kristo, esa nɛ e la esa lela Ebɔrɛ be anishito na.

1 Jɔn 2:21

Mannɛ fanɛ men ka maŋ nyi kashenteŋ na so e shin nɛ mee sibɛ asɔ ere a sa menyi, ama menyi ka nyi kumo so nseŋ naa nyi fanɛ efɛ kikɛ maŋ wɔ kashenteŋ na to so nɛ mee sibɛ amo a sa menyi.

1 Jɔn 2:25

Kusɔ nɛ mo alɛ nase kɔnɔ fanɛ e beeŋ sa anyi e la ŋkpa nɛ k maŋ kɔ ekar na.

1 Jɔn 2:26

Mee sibɛ asɔ ere nna a sa menyi nɛ ŋ kaŋɛ menyi basa nɛ baa sha kefule menyi na be asheŋ.

1 Jɔn 3:23

Mbe kamalga naseso na malɛ nde fanɛ, a daga fanɛ an ka yirda mo Pibinyɛn Yesu Kristo be ketre na nsaa sha abar fanɛ kananɛ e yili anyi fanɛ an baa wora na.

1 Jɔn 4:9

Kananɛ Ebɔrɛ ŋini anyi mbe kasha nde: E shuŋi mo Pibinyɛn koŋwule nna durnya ere to fanɛ an bɔla mo so n nya ŋkpa.

1 Jɔn 5:10

Esa kama malɛ nɛ e yirda Ebɔrɛ Pibinyɛn na kɔ loŋ be shɛda na mbe kagbene to. Ama ekama nɛ e maŋ yirda Ebɔrɛ ta mo Ebɔrɛ na ŋ ki efɛpo nna na ŋkpal amodoŋwura na ka maŋ yirda shɛda mo nɛ e bee ji mo Pibinyɛn na be asheŋ na so.

1 Jɔn 5:11

Shɛda na malɛ nde fanɛ, Ebɔrɛ sa anyi ŋkpa nɛ k maŋ kɔ ekar nɛ loŋ be ŋkpa na wɔ mo Pibinyɛn na to.

1 Jɔn 5:20

Anyi alɛ nseŋ naa nyi Ebɔrɛ Pibinyɛn na ka ba m ba sa anyi nfɛra nɛ an pin kashenteŋ be Ebɔrɛ na, anyi alɛ wɔ mo kashenteŋ be Ebɔrɛ na to nna, hale mo Pibinyɛn Yesu Kristo na to. Mo e la kashenteŋ be Ebɔrɛ na, nɛ ŋkpa nɛ k maŋ kɔ ekar na.