1 Jɔn 5:1 - EBƆRƐ BE KAWƆL

¹ Esa kama nɛ e yirda fanɛ Yesu e la Kristo na la Ebɔrɛ pibi nna nɛ ekama malɛ nɛ e bee sha esa nɛ e kurge ebi na beeŋ baa sha ebi na gba.

1 Jɔn 5:1 ပူးပေါင်းရင်းမြစ်များ

Matiu 16:16

Nɛ Saimɔn Pita kaŋɛ: “Fo e la Kristo, Ebɔrɛ nɛ e wɔ ŋkpa to Pibinyɛn na.”

Luuk 7:5

E bee sha an be efuli ere so be basa ga, mo e shin nɛ b pɔr nshɛrbu n sa anyi na.”

Baru lela nɛ Jɔn kute na 1:3

Mo so nɛ Ebɔrɛ bɔla n to kusɔ kikɛ. Kusɔ toso kikɛ maŋ wɔtɔ nɛ Ebɔrɛ maŋ bɔla Kamalga na so n to.

Baru lela nɛ Jɔn kute na 15:23

Esa kama nɛ e kishi ma, kishi n Tuto gba nna.

Baru lela nɛ Jɔn kute na 3:3

Ndoŋ nna nɛ Yesu kaŋɛ mo le: “Kashenteŋ nɛ mee kaŋɛ fo na fanɛ, nɛ esa baa maŋ nya kakurge nyɔsopo na, e maaŋ wu Ebɔrɛ be kuwura na kikɛ.”

Baru lela nɛ Jɔn kute na 6:69

To, nɛ wanɛ malɛ kutɔ nɛ anyeeŋ naŋ yɔ? Anyi ere yirda nsaa nyi fanɛ fo e la Ebɔrɛ be Esa cheembi na.”

Baru lela nɛ Jɔn kute na 8:42

Nɛ Yesu kaŋɛ bumo: “Nɛ Ebɔrɛ daa la men tuto nna, men daa beeŋ baa sha ma asheŋ, ŋkpal manɛ so, Ebɔrɛ kutɔ nɛ n shi m ba kaa wɔ nfe naniere na, m maŋ ba ŋ gbagba be kumu so. Mo e shuŋi ma.

Ashuŋ Shunso 8:36

B ka wɔ ekpa na to a yɔ na nɛ b ya wu kabombi ko nɛ krachigboŋ na kaŋɛ: “Keni, nchu nde nɛ manɛ e naa wɔtɔ a kuŋ fo kebɛr ma kabɔrɛbɛr?”

Ashuŋ Shunso 8:37

[Nɛ Filip kaŋɛ mo: “Fo baŋ yirda nɛ fo kagbene kikɛ, meeŋ bɛr fo kabɔrɛbɛr na.” Nɛ e shuli so ŋ kaŋɛ: “N yirda fanɛ Yesu Kristo e la Ebɔrɛ Pibinyɛn na.”]

Jeems 1:18

Mo gbagba e yili kumo fanɛ e bɔla mbe kashenteŋ be kamalga na to n shin nɛ an ki mbe kepɔrso kikɛ be basa juŋkparso.

1 Pita 1:3

Anyee di Ebɔrɛ nɛ e la an Nyɛnpe Yesu Kristo mo Tuto na epaŋ. Ŋkpal mbe kuwɔrgboŋ so e shin nɛ an nya ŋkpa popɔr ŋkpal Yesu Kristo ka tiŋi luwu to na so.

1 Jɔn 2:10

Esa kama malɛ nɛ e bee sha mo niopibi wɔ kefulto na to nna na nɛ shɛŋ malɛ maŋ naa wɔ mo to a kagle mo ekpa a shin nɛ e bee fiti a tɔr.

1 Jɔn 2:29

Menyi alɛ gba baa nyi Kristo na ka niŋi kusɔ kikɛ to. Kumo ere a daga fanɛ men baa nyi fanɛ esa kama nɛ e bee wora asɔ nɛ a niŋi la Ebɔrɛ pibi nna na.

1 Jɔn 3:14

Esa kama nɛ e maa sha mo braana kraa wɔ luwu to nna na. Ama anyi ere nyi fanɛ an lar luwu to m ba luri ŋkpa to nna, ŋkpal manɛ so, anyee sha an niopibiana.

1 Jɔn 3:17

Ama esa kama nɛ e kɔ durnya ere to be asɔ nseŋ wu fanɛ mo niopibi daga kechɛto, mo alɛ nseŋ ti mbe kagbene a maŋ chɛ mo to, nuso nɛ Ebɔrɛ be kasha bee wora a chena esa na wura to?

1 Jɔn 3:9

Esa kama nɛ e la Ebɔrɛ pibi maa wora alubi. Ŋkpal Ebɔrɛ be kapɔr gbagba ka wɔ mo to so nɛ ŋkpal Ebɔrɛ ka la mo Tuto na so so, e maaŋ tiŋ n shir a wɔ alubi to a wora amo.

1 Jɔn 4:2

To, kananɛ menyeeŋ wora m pin Ebɔrɛ be Kiyoyu na esa to nde: Kiyoyu kama nɛ e wɔ esa to a bugi to a kaŋɛ fanɛ Yesu Kristo ta eyur nna m ba durnya ere to na, shi Ebɔrɛ kutɔ nna.

1 Jɔn 4:20

Esa kama nɛ e bee kaŋɛ le: “Mee sha Ebɔrɛ,” mo alɛ nsaa kishi mo niopibi la efɛpo nna, ŋkpal manɛ so, esa nɛ e bee wu mo niopibi ŋkaa maaŋ tiŋ n sha mo, maaŋ tiŋ n sha Ebɔrɛ mo nɛ e maŋ naŋ wu kikɛ na.

1 Jɔn 4:7

N teri shasoana, men shin nɛ an baa sha abar, ŋkpal manɛ so, kasha shi Ebɔrɛ kutɔ nna. Esa kama nɛ e kɔ kasha la Ebɔrɛ pibi nna na, mo alɛ nsaa nyi Ebɔrɛ.

1 Jɔn 5:18

An baa nyi fanɛ Ebɔrɛ pibi kama maa shir a wɔ alubi to a wora amo, ŋkpal manɛ so, Ebɔrɛ Pibinyɛn e naa kuŋ mo nɛ alubipo na e sa maŋ tiŋ n doro mo.

1 Jɔn 5:4

Ŋkpal manɛ so, esa kama nɛ e la Ebɔrɛ pibi bee pɔɔ durnya ere so nna. Eleŋ mo nɛ k bee pɔɔ durnya so e la anyi be yirda.

1 Jɔn 5:5

Wanɛ e naaŋ tiŋ m pɔɔ durnya ere so nɛ mannɛ esa nɛ e yirda fanɛ Yesu e la Ebɔrɛ Pibinyɛn na?