1 Jɔn 4:20 - EBƆRƐ BE KAWƆL

²⁰ Esa kama nɛ e bee kaŋɛ le: “Mee sha Ebɔrɛ,” mo alɛ nsaa kishi mo niopibi la efɛpo nna, ŋkpal manɛ so, esa nɛ e bee wu mo niopibi ŋkaa maaŋ tiŋ n sha mo, maaŋ tiŋ n sha Ebɔrɛ mo nɛ e maŋ naŋ wu kikɛ na.

1 Jɔn 4:20 ပူးပေါင်းရင်းမြစ်များ

Baru lela nɛ Jɔn kute na 13:35

Nɛ menyee sha abar, basa kikɛ beeŋ pin men ka la ma bebɛsopo.”

1 Pita 1:8

Men maŋ naŋ wu mo nna na pɔɛŋ ŋkaa sha mo na. Men maŋ naŋ wu mo naniere, ama menyi alɛ yirda mo nsaa kɔ kagbenefuli damta nɛ esa maaŋ tiŋ n ji kumo be asheŋ nɛ kemaŋkura wɔ kumo to na e bɔlɔ menyi to nna.

1 Jɔn 1:6

To, nɛ anyee kaŋɛ fanɛ anyi nɛ Ebɔrɛ kɔ kɔnɔkoŋwule be kebaawɔtɔ nsaa na tentembiri to, efɛ nɛ anyee ku na, anyi alɛ nsaa maŋ naa wɔ kashenteŋ be kebaawɔtɔ to.

1 Jɔn 1:8

Nɛ an baŋ kaŋɛ fanɛ an maŋ kɔ kulubi bre, anyee fule anyi be amu nna nɛ kashenteŋ malɛ maŋ wɔ anyi to kuraa.

1 Jɔn 2:11

Ama ekama nɛ e bee kishi mo niopibi wɔ tentembiri to nna na, mo alɛ nsaa na tentembiri to. E maŋ nyi kakpa nɛ e bee yɔ, ŋkpal manɛ so, tentembiri na e naa shin nɛ e maa wu.

1 Jɔn 2:4

Esa kama nɛ e bee kaŋɛ fanɛ: “Ma ere nyi mo,” mo alɛ nsaa maa bɛ Ebɔrɛ na be mmalga naseso so, amodoŋwura la efɛpo nna nɛ kashenteŋ na malɛ maŋ wɔ mo to.

1 Jɔn 2:9

Esa kama nɛ e bee kaŋɛ fanɛ e wɔ kefulto na to, mo alɛ nsaa kishi mo niopibi, kraa wɔ tentembiri to nna na.

1 Jɔn 3:17

Ama esa kama nɛ e kɔ durnya ere to be asɔ nseŋ wu fanɛ mo niopibi daga kechɛto, mo alɛ nseŋ ti mbe kagbene a maŋ chɛ mo to, nuso nɛ Ebɔrɛ be kasha bee wora a chena esa na wura to?

1 Jɔn 4:12

Esa kama maŋ naŋ wu Ebɔrɛ kenishiso, ama nɛ an baa sha abar bre, kumo ere Ebɔrɛ wɔ anyi to nɛ mbe kasha malɛ bɔlɔ anyi to felɛlɛ kashenteŋto.