1 Jɔn 4:18 - EBƆRƐ BE KAWƆL

¹⁸ Kakpa nɛ kasha wɔ, kufu maŋ wɔtɔ. Kashenteŋ be kasha bee ju kufu nna, ŋkpal manɛ so, nɛ an kraŋ baa ŋana fanɛ Ebɔrɛ beeŋ gberge anyi kusoe, kumo ere anyi maa sha mo nɛnɛ nna na. Amoso, esa nɛ e bee lɔ kufu, kasha maŋ naŋ bɔlɔ mo to felɛlɛ nna na.

1 Jɔn 4:18 ပူးပေါင်းရင်းမြစ်များ

Job be kawɔl 15:21

Asheŋ nɛ e bee keta kufugboŋ na nawule be asheŋ nɛ baa nu saŋkikɛ. Jemanɛ nɛ asheŋ bee nite nɛnɛ a sa bumo na nɛ beyu nɛ baa suge basa be asɔ na bee baa kaa suge bumo be asɔ.

Nshɛ 119:120

Ŋkpal kananɛ fo demuji be mbraana du so, kufu bee pɛ ma nna nɛ mee chicha.

Nshɛ 73:19

Baaŋ mur epul to nɛ kufu e pɛ bumo nɛ b baa chicha. Bumo be lalaloge beeŋ lubi pasaa!

Matiu 9:34

Ama le nɛ Efarisiana na bre daŋ kaŋɛ: “Mbuibi lubiana be ewura e naa sa mo eleŋ nɛ e kɔ a ju mbuibi lubiana na.”

Romebi 8:15

Kiyoyu nɛ Ebɔrɛ sa menyi na malɛ maa ta menyi nna a ki anya n shin nɛ men naa lɔ kufu. Men nya Kiyoyu nɛ e bee ta menyi a ki mbia nna. Kiyoyu na malɛ so nɛ anyee tiŋ a tre Ebɔrɛ ‘Aba’, kumo e la fanɛ an Tuto.

2 Timoti 1:7

Ŋkpal manɛ so, Kiyoyu nɛ Ebɔrɛ sa anyi na maŋ la kufu peya nna, k la eleŋ nɛ kasha nɛ kamootiŋ be kiyoyu nna.

Hibruwebi 12:28

Amoso, men shin nɛ an baa chɔrɔ Ebɔrɛ ŋkpal an ka beeŋ nya kuwura mo nɛ k maaŋ tiŋ ŋ gbuŋgbuŋ to na n luri to so. Men shin nɛ an baa bɔla ekpa mo nɛ k bee par Ebɔrɛ so a ta kabɔrɛŋana nɛ kufu a bunyaŋ mo.

Jeems 2:19

Fo yirda fanɛ Ebɔrɛ koŋwule e wɔtɔ. To, fo wora nɛnɛ, ama baa nyi fanɛ mbuibi lubi gba bee shuli fanɛ Ebɔrɛ koŋwule e wɔtɔ nɛ kumo alɛ bee keta bumo kufu nɛ baa chicha.

1 Jɔn 4:12

Esa kama maŋ naŋ wu Ebɔrɛ kenishiso, ama nɛ an baa sha abar bre, kumo ere Ebɔrɛ wɔ anyi to nɛ mbe kasha malɛ bɔlɔ anyi to felɛlɛ kashenteŋto.