1 Jɔn 4:15 - EBƆRƐ BE KAWƆL

¹⁵ Ekama nɛ e bee bugi to a kaŋɛ basa fanɛ Yesu e la Ebɔrɛ Pibinyɛn na, Ebɔrɛ e wɔ amodoŋwura to nɛ mo alɛ gba wɔ Ebɔrɛ to.

1 Jɔn 4:15 ပူးပေါင်းရင်းမြစ်များ

Matiu 10:32

Ekama nɛ e bugi to ŋ kaŋɛ basa to fanɛ ma e wɔ mo, ma alɛ gba beeŋ wora loŋ n sa mo ashi n Tuto nɛ e wɔ ebɔrɛso na be anishito.

Luuk 12:8

Ma e kaŋɛ menyi na fanɛ ekama nɛ e bugi to ŋ kaŋɛ basa to fanɛ ma e wɔ mo, ma, Nyiŋgbasa Pibinyɛn gba beeŋ wora loŋ n sa mo ashi Ebɔrɛ be emalaika be anishito.

Baru lela nɛ Jɔn kute na 6:56

Esa kama malɛ nɛ e we ma eyur ere nseŋ nuu ma ŋklaŋ wɔ ma to nna nɛ ma alɛ gba wɔ mo to.

Ashuŋ Shunso 8:37

[Nɛ Filip kaŋɛ mo: “Fo baŋ yirda nɛ fo kagbene kikɛ, meeŋ bɛr fo kabɔrɛbɛr na.” Nɛ e shuli so ŋ kaŋɛ: “N yirda fanɛ Yesu Kristo e la Ebɔrɛ Pibinyɛn na.”]

Romebi 10:9

Nɛ fo baŋ bugi kɔnɔ n ji shɛda ŋ kaŋɛ fanɛ Yesu e la Enyɛnpe na nseŋ yirda fanɛ Ebɔrɛ tiŋi mo ashi luwu to, feeŋ nya kumɔlga.

Filipaiebi 2:11

Ekama beeŋ gbir loŋ nseŋ bugi kɔnɔ basa kikɛ to ŋ kaŋɛ fanɛ Yesu Kristo e la Enyɛnpe na nɛ Ebɔrɛ Etuto na e nya kemaŋkura.

1 Jɔn 2:23

Ŋkpal manɛ so, ekama nɛ e bee kini Ebinyɛn na maŋ kɔ Etuto na nna na, nɛ ekama malɛ nɛ e bee sɔ Ebinyɛn na kɔ Etuto na gba.

1 Jɔn 2:24

Ama menyi ere e shin nɛ kusɔ nɛ men nu sososo kikɛ na e shir a wɔ menyi to. Nɛ kusɔ nɛ men nu sososo kikɛ na baa wɔ menyi to bre, kumo ere menyi alɛ gba beeŋ baa wɔ Ebinyɛn na nɛ Etuto na to.

1 Jɔn 3:23

Mbe kamalga naseso na malɛ nde fanɛ, a daga fanɛ an ka yirda mo Pibinyɛn Yesu Kristo be ketre na nsaa sha abar fanɛ kananɛ e yili anyi fanɛ an baa wora na.

1 Jɔn 3:24

Bekama malɛ nɛ baa bɛ mbe mmalga nasesoana na so shir a wɔ mo to nna nɛ mo alɛ gba wɔ bumo to. To, kananɛ anyee wora a pin fanɛ e wɔ anyi to nde: Mbe Kiyoyu nɛ e ta n sa anyi na so so nɛ an pin loŋ.

1 Jɔn 4:12

Esa kama maŋ naŋ wu Ebɔrɛ kenishiso, ama nɛ an baa sha abar bre, kumo ere Ebɔrɛ wɔ anyi to nɛ mbe kasha malɛ bɔlɔ anyi to felɛlɛ kashenteŋto.

1 Jɔn 4:2

To, kananɛ menyeeŋ wora m pin Ebɔrɛ be Kiyoyu na esa to nde: Kiyoyu kama nɛ e wɔ esa to a bugi to a kaŋɛ fanɛ Yesu Kristo ta eyur nna m ba durnya ere to na, shi Ebɔrɛ kutɔ nna.

1 Jɔn 5:1

Esa kama nɛ e yirda fanɛ Yesu e la Kristo na la Ebɔrɛ pibi nna nɛ ekama malɛ nɛ e bee sha esa nɛ e kurge ebi na beeŋ baa sha ebi na gba.

1 Jɔn 5:5

Wanɛ e naaŋ tiŋ m pɔɔ durnya ere so nɛ mannɛ esa nɛ e yirda fanɛ Yesu e la Ebɔrɛ Pibinyɛn na?

2 Jɔn 1:7

Befɛpo damta mo nɛ b maa yirda fanɛ Yesu Kristo ba durnya ere to nna fanɛ dimɛdi, lar n luri durnya to. Loŋ be basa na be ekama e la efɛpo nɛ Kristo mo doŋ na.