1 Jɔn 4:1 - EBƆRƐ BE KAWƆL

¹ N teri shasoana, men sa maa yirda basa kama nɛ baa kaŋɛ fanɛ Ebɔrɛ be Kiyoyu wɔ bumo to. Men baa wora bumo a keni ŋko ayoyu mo nɛ b kɔ na shi Ebɔrɛ kutɔ nna ŋko a maŋ shi mo kutɔ, ŋkpal manɛ so, anebi fɛpo damtaana lar n luri durnya to.

1 Jɔn 4:1 ပူးပေါင်းရင်းမြစ်များ

1 Bewura 13:18

Ndoŋ nna nɛ anebi nimuso na kaŋɛ le: “Ma alɛ gba la anebi nna. Enyɛnpe Ebɔrɛ be malaika e kaŋɛ ma fanɛ n yɛr fo ma laŋ to nɛ fo ya fin kusɔ ko n ji.” Ama anebi nɛ e shi Juda na daa maŋ nyi fanɛ anebi nimuso na daa ku efɛ nna.

Aŋasa 14:15

Ewulpo e maa shika kasheŋ to, enyiashempo bre bee fɛ nfɛra nna pɔɛŋ nsaa wora asheŋ.

Jɛremaya 14:14

Ama kusɔ nɛ Enyɛnpe Ebɔrɛ na kaŋɛ nde: “Efɛ nɛ anebiana na bee ku a deŋi ma. Ma ere maŋ shuŋi bumo ŋko m malga kamalga koŋwule gba n sa bumo. Ebɔrɛdare nɛ baa malga amo be asheŋ na maŋ shi ma kutɔ nɛ asheŋ nɛ baa wu a kaŋɛ na la asheŋ fuloŋ nna. Bumo gbagba be nfɛra to nɛ baa nya amo.

Jɛremaya 23:16

Kumo be kaman nɛ Enyɛnpetale Ebɔrɛ na naŋ kaŋɛ Jerusalɛm to be basa na le: “Men sa maa nu asheŋ nɛ anebiana na bee kaŋɛ menyi na. Tama fuloŋ nɛ baa sa menyi. Asɔ nɛ bumo be nfɛra sa bumo nɛ baa kaŋɛ menyi, mannɛ kusɔ nɛ ŋ kaŋɛ.

Jɛremaya 5:31

Kumo e la fanɛ anebiana na kikɛ be mmalga la efɛ nna. Kusɔ nɛ b kaŋɛ malɛ nɛ bɔrɛmatapoana na kɔ a shuŋ nɛ ma basa malɛ bee sha kumo be loŋ. To, jɛrbi be jemanɛ kaŋ fo nɛ asheŋ ere kikɛ fo ekar, nnɛ nɛ menyeeŋ yɔ n ya nya kechɛto?”

Maak 13:21

Amo be jemanɛ na nɛ esa baŋ kaŋɛ menyi le: ‘Men keni, Kristo na nde!’ ŋko ‘Men keni, mo e wɔ ndoŋ ere na!’ Men sa maŋ kaŋ yirda kumo.

Luuk 12:57

“Nɛ manɛ e ba nɛ men gbagba maa pin kusɔ nɛ k daga fanɛ men wora to?

Luuk 21:8

Nɛ e kaŋɛ bumo le: “Men baa da so nɛ esa kikɛ e sa maŋ fule menyi, ŋkpal manɛ so, basa damta beeŋ ba kaa kɔ ma ketre a na a kaŋɛ le: ‘Ma e la mo!’ ŋko ‘Jemanɛ na fo!’ Men sa maŋ bɛ bumo so.

Ashuŋ Shunso 17:11

Ndoŋebi bre daŋ bugi bumo be asoe a sha kenu kubɔya na ga nsaa koya abɔrɛsibɛ na kachɛ kama a keni ŋko Pɔɔl be mmalga na bɔla ekpa a.

Ashuŋ Shunso 20:29

Ŋkpal manɛ so, n nyi fanɛ ŋ kaŋ yɔ, befɛpo damta beeŋ ba menyi to m ba fin kemur asɔriebi na fanɛ kananɛ kuntuŋ bee luri mbolpɔ to a mur amo na.

1 Kɔrintebi 12:10

Eko malɛ e bee sa mo kakɛ nna nɛ e baa wora emamachisheŋ, eko malɛ nɛ e sa mo kewuŋkaŋɛ be kakɛ, n sa eko malɛ kanyiasheŋ mo nɛ k bee shin nɛ esa bee pin ayoyu to be kakɛ, eko malɛ nɛ e sa mo ŋgbar mo nɛ e maa nu be nnaŋ to be ketiŋ ŋ gbar be kakɛ, nseŋ sa eko malɛ ŋgbar mo nɛ e maa nu be afito be kekute be kakɛ.

1 Kɔrintebi 14:29

Kekama malɛ to a daga fanɛ abɔrɛsheŋ be bewuŋkaŋɛpo anyɔ ŋko besa e malga abɔrɛsheŋ nɛ bumo nɛ bumo alɛ ka na e belsi asheŋ nɛ bumo na kute na.

1 Tɛsalɔnikaebi 5:20

Men sa maa gal kewu abɔrɛsheŋ ŋ kaŋɛ na a lɛ.

1 Tɛsalɔnikaebi 5:21

Men baa wora asɔ kikɛ a keni, kusɔ kama nɛ k walɛ, men baa kɔ kumo to kpakpa

2 Tɛsalɔnikaebi 2:2

Anyee kule menyi nna fanɛ men sa maŋ kaŋ shin nɛ men be nfɛra e wul menyi to ŋko n shin nɛ kananɛ basa ko bee kaŋɛ fanɛ Enyɛnpe be kachɛ na teŋ ba na e baa jija men be ŋgbene. Shere esa ko e kaŋɛ fanɛ e wu kumo loŋ nna ŋko esa ko e malga abɔrɛsheŋ ŋ kaŋɛ loŋ ŋko basa e naa kaŋɛ fanɛ anyi e sibɛ kumo anyi be kawɔl to.

1 Timoti 4:1

Kiyoyu Cheeŋ na baŋ kaŋɛ geeŋ fanɛ lalaloge be nchɛ ere to basa ko beeŋ lar kashenteŋ be keŋini ere to nsaa nu a sa efɛ be mbuibi lubi a wɔtɔ a koya amo be keŋini.

2 Timoti 3:13

Ama basa lubi nɛ kebirkɔnshiwuraana bre, baa wɔtɔ nna a wora alubi a ti so nsaa fule beko nɛ Setani bee fule bumo alɛ gbagba.

2 Pita 2:1

Kananɛ anebi fɛpoana daŋ lar n luri dra na to ebi to na, loŋ koŋwule na nɛ beŋinipo fɛpoana beeŋ lar n luri menyi to. Baaŋ ŋana m bar efɛ be keŋiniana nɛ a bee mur basa nseŋ kini Enyɛnpe nɛ e sɔ bumo n yige na, saŋɛ na so n ta kemur purgiase m bar bumo be amu.

1 Jɔn 2:18

Ma mbi shasoana, lalaloge be saŋɛ na bee fo nna na. Men daŋ nu fanɛ Kristo mo doŋ beeŋ ba, naniere malɛ Kristo mo doŋana damta ba, amoso nɛ an pin fanɛ lalaloge be jemanɛ na fo.

1 Jɔn 2:7

N teri shasoana, mannɛ kamalga naseso popɔr nɛ mee sibɛ a sa menyi, kedra nna. Kumo alɛ nɛ men nya sososo kikɛ na. Kamalga naseso dra na e la kubɔya mo nɛ men teŋ nu na.

2 Jɔn 1:7

Befɛpo damta mo nɛ b maa yirda fanɛ Yesu Kristo ba durnya ere to nna fanɛ dimɛdi, lar n luri durnya to. Loŋ be basa na be ekama e la efɛpo nɛ Kristo mo doŋ na.

3 Jɔn 1:11

N teri shaso, sa maa kute asheŋ lubi to, baa kute asheŋ lela to. Esa kama nɛ e bee wora alela la Ebɔrɛ peya nna, ama ekama nɛ e bee wora alubi maŋ naŋ wu Ebɔrɛ.

Kelaraŋŋini 2:2

N nyi men be aworbi kikɛ a nyi kananɛ men shuŋ ga nseŋ naa nyi kananɛ men kɔ kanyiti a yil to. N nyi kananɛ menyi nɛ basa lubi maaŋ tiŋ n chena nsaa nyi fanɛ men wora basa nɛ b yɛ b la beshuŋipoana, bumo alɛ ŋkaa maŋ la na ŋ keni n wu fanɛ befɛpo e la bumo.